သွေးတိုးအတွက် အရေးပေါ်ပြုစုနည်း

ရေးသားသူ Aye Thi Mon
ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.
 
လူတော်တေ်ာများများက ကိုယ်တိုင်မှာသွေးတိုးရှိနေမှန်းသိခဲကြပါတယ်။ ငါးပိ၊ငါးခြောက်တွေပါမှ စားလို့မြိန်တဲ့ ကျွန်မတို့ မြန်မာလူမျိုးတွေအဖို့ကတော့ သွေးတိုးဖို့က သိပ်ကိုလွယ်ကူလွန်းပါတယ်။ လူကြီးတွေမှာ အတွေ့ရများတာက သွေးတိုးဖြစ်လာနိုင်တာကြောင့် အငန်များတဲ့အစားအစာတွေမစားဖို့ ဆရာဝန်ကမှာပေမယ့် မနက်စာကို မုန့်ဟင်းခါး ချဉ်၊ငန်၊စပ်လေးစားလိုက်ရမှ၊ နေ့လယ်စာဆိုရင်လည်း ငါးပိရည်၊တို့စရာ၊ ချဉ်ရည်ဟင်းလေးနဲ့မှ၊ နေ့ခင်းနေ့လယ်ဆိုလည်း ငါးခြောက်ဖုတ်လေး၊ရေနွေးကြမ်းလေးနဲ့မှ ဒါမှမဟုတ် ပုဇွန်ခြောက်နိုင်နိုင်ထည့်ထားတဲ့ လက်ဖက်လေး၊ရေနွေးလေးစားလိုက်ရမှ ဆိုတာမျိုးပေါ့။ ညစာဆိုရင်လည်း အချို၊အငန်မျှတတဲ့ ဟင်းလေးတွေနဲ့မှ စားမြိန်ကြတာလေ။
 
တစ်နေ့တာမှာ အငန်ဓာတ်တွေက စားလိုက်သမျှ အစားအစာတိုင်းမှာပါနေရော။ ဒီလိုအခြေအနေက အလွယ်တကူသွေးတိုးစေတာပေါ့။ သွေးတိုးတာက စိတ်ပူစရာမဟုတ်ဘူးလို့ ထင်စရာရှိပေမယ့် သွေးတိုးကြောင့်ဖြစ်လာနိုင်တဲ့ နောက်ဆက်တွဲ ကျန်းမာရေးထိခိုက်မှုတွေက တော်တေ်ာလေးတော့ များပါတယ်။ သွေးတိုးရောဂါကို ကမ္ဘာတလွှားမှာ အသံတိတ်လူသတ်သမားရယ်လို့တောင် ခေါ်ဝေါ်နေကြပါတယ်။ အမှန်တကယ်လည်းဟုတ်ပါတယ်။ လူတော်တေ်ာများများက ကိုယ်တိုင်မှာ သွေးတိုးရှိမှန်းမသိလိုက်ဘဲ အသက်အန္တရာယ်ထိခိုက်တာမျိုးထိတောင်ခံစားကြရတာတွေရှိပါတယ်။
 
သွေးတိုးတယ်ဆိုတာ
သွေးတိုးတယ်ဆိုတာက သွေးပေါင်ချိန် ပုံမှန်ထက်မြင့်တက်တဲ့အခြေအနေပေါ့။ အရမ်းပြင်းထန်မယ်ဆိုရင် လေဖြတ်တာအထိဖြစ်နိုင်ပါတယ်။ သွေးပေါင်ချိန်အရမ်းမြင့်သွားမယ် အပေါ်သွေး ၁၈၀ mm Hg၊ အောက်သွေး ၁၂၀ mm Hg ဖြစ်နေမယ်။ ဒါမှမဟုတ် အပေါ်သွေးက ၁၈၀ mm Hg ကျော်နေမယ်၊ အောက်သွေးက ၁၂၀ mm Hg ထက်များနေမယ်ဆိုရင် သွေးပေါင်ချိန် အရမ်းမြင့်နေပြီလို့ဆိုရပါမယ်။ သွေးအရမ်းတိုးတာက သွေးကြောတွေကို ထိခိုက်ပျက်စီးစေနိုင်ပါတယ်။ သွေးကြောတွေရောင်ရမ်းလာပြီး သွေးယိုစိမ့်တာ ဒါမှမဟုတ် သွေးရည်ကြည်လိုမျိုး အရည်တွေ ယိုစိမ့်တာမျိုးဖြစ်နီုင်ပါတယ်။ ရလဒ်အနေနဲ့ကတော့ နှလုံးက သွေးတွေကိုထိထိရောက်ရောက် ညှစ်မထုတ်နိုင်တော့ပါပဲ။
 
ဒီအချက်တွေကြောင့် ရုတ်တရက် သွေးပေါင်ချိန်တက်တာမျိုးဖြစ်နိုင်ပါတယ်
• ပုံမှန်သောက်နေကျ သွေးပေါင်ကျဆေးကို သောက်ဖို့မေ့နေတာ
• အငန်ဓာတ် အစားများတာ
• စိတ်ဖိစီးမှုများတာ
• လေဖြတ်ထားတာ
• ရုတ်တရက်နှလုံးရပ်ရောဂါခံစားရဖူးတာ
• နှလုံးထိခိုက်ထားတာ
• ကျောက်ကပ်ထိခိုက်ထားတာ
• ခန္ဓာကိုယ်ရဲ့ပင်မသွေးလွှတ်ကြော ထိခိုက်ထားတာ
• ဆေးဝါးအချင်းချင်းဓာတ်ပြုတာ
• ကိုယ်ဝန်ဆောင်သွေးတိုးခံစားနေရတာ
 
ရုတ်တရက်သွေးတိုးတဲ့အခြေအနေကို -
urgent hypertensive crisis – သွေးပေါင်ချိန်က အရမ်းကိုမြင့်တက်သွားပေမယ့် ခန္ဓာကိုယ် အစိတ်အပိုင်းတစ်ခုခု ထိခိုက်ပျက်စီးတာမျိုးမရှိတဲ့အခြေအနေ နဲ့
emergency hypertensive crisis – သွေးပေါင်ချိန် အရမ်းမြင့်တက်သွားပြီး ခန္ဓာကိုယ်အစိတ်အပိုင်းတစ်ခုခု ထိခိုက်ပျက်စီးသွားတဲ့အခြေအနေ ဆိုပြီးခွဲခြားထားပါ။ ဒီအခြေအနေမှာတော့ သွေးပေါင်ချိန်မြင့်တက်မှုကြောင့် အသက်အန္တရာယ်ထိခိုက်စေနိုင်တဲ့ နောက်ဆက်တွဲကျန်းမာရေးပြဿနာတွေရှိနိုင်ပါတယ်။
 
ဒီလိုလက္ခဏာတွေခံစားရနိုင်ပါတယ်
အသက်အန္တရာယ်ထိခိုက်စေနိုင်တဲ့ ရုတ်တရက်သွေးပေါင်ချိန်မြင့်တက်မှုဖြစ်တဲ့အခါ
• ရင်ဘတ်ထဲက ပြင်းပြင်းထန်ထန်အောင့်တာ
• စိတ်ရှုပ်ထွေးတာ၊ အမြင်ဝေဝါးတာတွေနဲ့အတူ မခံမရပ်နိုင်အောင် ခေါင်းကိုက်တာ
• မအီမသာဖြစ်ပြီး အော့အန်တာ
• စိတ်ဖိစီးမှုအရမ်းများတာ
• အသက်ရှုတာပြတ်တောင်းပြတ်တောင်းဖြစ်တာ
• တက်တာ
• ဘာမှမတုံ့ပြန်တာ
• ခြေထောက်၊လက်နဲ့မျက်နှာတွေထုံနေတာ
• ဆီးသွားနည်းလာတာ
• ခြေလက်တွေထဲအားမရှိသလိုခံစားရတာ
• ခန္ဓာကိုယ်တွေဖောရောင်လာတာမျိုးတွေခံစားရနိုင်ပါတယ်။
 
ဒီလိုအခြေအနေတွေဖြစ်တဲ့အခါ သောက်နေကျဆေးရှိရင် ဆေးကိုမြန်မြန်သောက်သုံးဖို့လိုပါမယ်။ ပြီးရင်တော့ အနီးဆုံးဆေးခန်းကို အမြန်ဆုံးသွားရောက်ပြီး ဆေးကုသမှုခံယူတာအကောင်းဆုံးပါ။
 
သွေးတိုးရောဂါခံစားနေရပြီဆိုရင် ဒါလေးတွေသတိထားပေးပါ
စစ်ဆေးကုသမှုအရ သွေးတိုးရောဂါခံစားနေရပြီဆိုတာကို သိခဲ့မယ်ဆိုရင် နောက်ဆက်တွဲကျန်းမာရေးပြဿနာတွေကနေရှောင်ရှားနိုင်စေဖို့အတွက် –
• နေ့စဉ်သွေးပေါင်ချိန်ချိန်တာ
• သောက်သုံးရမယ့်ဆေးဝါးကိုပုံမှန်သောက်သုံးတာ
• ကျန်းမာရေးနဲ့ညီညွတ်တဲ့ စားသောက်မှုပုံစံကိုစားသုံးတာမျိုးတွေလုပ်ပေးတာ
• အစာလည်းဆေး၊ဆေးလည်းအစာဆိုတဲ့စကားအတိုင်း ငှက်ပျောသီးလိုမျိုး ပိုတက်ဆီယမ်ကြွယ်ဝစွာပါဝင်ပြီး သွေးပေါင်ချိန်ထိန်းညှိပေးနိုင်တဲ့ အစားအစာတွေကို စားသုံးပေးတာ
• နေ့စဉ် စားသုံးတဲ့အစားအစာတွေထဲမှာ အချိုကဲ အငန်ကဲတာတွေကိုတတ်နိုင်သမျှလျှော့စားတာ
• နေ့စဉ်အိပ်စက်ချိန်ပြည့်ဝအောင်အိပ်စက်တာ
• စိတ်ဖိစီးမှုကင်းတဲ့ ဘဝနေထိုင်မှုပုံစံကို ဖန်တီးတာ
• နေ့စဉ်ကိုယ်လက်လှုပ်ရှားမှုလုပ်ပေးတာ
• ခန္ဓာကိုယ်မှာ ဖောရောင်နေတာတွေရှိ၊မရှိစစ်ဆေးတာ
• ဆေးပုံမှန်သောက်တာမျိုးတွေလုပ်ပေးပြီး သွေးတိုးရောဂါကနေကာကွယ်လိုက်ပါ။
 
ယခုဆောင်းပါးကို The Ladies News Agency ၏ မိတ်ဖက်
hellosayarwon.com ကျန်းမာရေးနှင့် ဆေးပညာဝက်ဘ်ဆိုဒ်မှ ကူးယူဖော်ပြခြင်း ဖြစ်သည်။
The Ladies News

 

Vote: 
No votes yet

Add new comment