အုပ်ချုပ်ရေး၊ တရားဥပဒေစိုးမိုးရေးနှင့် အစိုးရ၏ စွမ်းဆောင်ရည် တည်ဆောက်ရေးအတွက် ဥရောပသမဂ္ဂက ယူရို ၁၄ သန်း ထောက်ပံ့ရန် သဘောတူ

ဥရောပသမဂ္ဂသည် မြန်မာနိုင်ငံ၏ အုပ်ချုပ်ရေး၊ တရားဥပဒေစိုးမိုးရေးနှင့် အစိုးရ၏ စွမ်းဆောင်ရည် တည်ဆောက်ရေး နယ်ပယ်တို့တွင် အကူအညီ ယူရို ၁၄ သန်းထောက်ပံ့မည်ဖြစ်ပြီး မြန်မာနိုင်ငံ၏ ရွေးကောက်ပွဲလုပ်ငန်းစဉ်နှင့် နည်းပညာ ပူးပေါင်းဆောင်ရွက်ခြင်း လုပ်ငန်းများကို အဓိကထား၍ အကူအညီပေးသွားမည် ဖြစ်ကြောင်း ပြန်ကြားရေးဝန်ကြီးဌာန၏ သတင်းထုတ်ပြန်ချက်အရ သိရသည်။
 
ပြည်ထောင်စုသမ္မတ မြန်မာနိုင်ငံနှင့် ဥရောပသမဂ္ဂတို့အကြား မြန်မာနိုင်ငံ၏ အုပ်ချုပ်မှုနှင့် ဒီမိုကရေစီ အားကောင်း ခိုင်မာစေရေးစီမံချက်နှင့် စပ်လျဉ်းသည့် ငွေကြေးထောက်ပံ့မှုဆိုင်ရာ သဘောတူ စာချုပ် (Financing Agreement for Strengthening Governance and Democracy in Myanmar-II) လက်မှတ်ရေးထိုးပွဲ အခမ်းအနားကို ဇူလိုင် ၁၀ ရက်က စီမံကိန်းနှင့် ဘဏ္ဍာရေး ဝန်ကြီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။
 
ပြည်ထောင်စုသမ္မတ မြန်မာနိုင်ငံ နှင့် ဥရောပသမဂ္ဂတို့အကြား မြန်မာနိုင်ငံ ၏ အုပ်ချုပ်မှုနှင့် ဒီမိုကရေစီ အားကောင်း ခိုင်မာစေရေး စီမံချက်နှင့် စပ်လျဉ်းသည့် ငွေကြေးထောက်ပံ့မှုဆိုင်ရာ သဘောတူ စာချုပ်ကို ဥရောပသမဂ္ဂကိုယ်စား အပြည် ပြည်ဆိုင်ရာ ပူးပေါင်းဆောင်ရွက်ရေးနှင့် ဖွံ့ဖြိုးတိုးတက်ရေးဌာန၏ အာရှ၊ အာရှ အလယ်ပိုင်း၊ အရှေ့ အလယ်ပိုင်းဒေသနှင့် ပစိဖိတ်ဒေသဆိုင်ရာ ညွှန်ကြားရေးမှူး Mr. Pierre Amilhatနှင့် မြန်မာနိုင်ငံ အစိုးရကိုယ်စား စီမံကိန်းနှင့်ဘဏ္ဍာရေး ဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်တို့က လက်မှတ်ရေးထိုး ကြပြီး အပြန်အလှန် လဲလှယ်ခဲ့ကြကြောင်း သတင်းထုတ်ပြန်မှုတွင် ဖော်ပြခဲ့သည်။
 
The Ladies News
 

 

Vote: 
No votes yet

Add new comment