သာကေတမြို့နယ်၊ ၁၀/တောင်ရပ်ကွက်ရှိ ပေ(၃၀၀) ပတ်လည် မြေကွက်လပ်သည် ရေနံမြေအဖြစ် သတ်မှတ်ထားသောကြောင့် ဘောလုံးကွင်း တည်ဆောက်ပေးရန် အစီအစဉ်မရှိ

သာကေတမြို့နယ်၊ (၁၀)တောင်ရပ်ကွက် အတွင်းရှိ ပေ(၃၀၀) ပတ်လည် မြေကွက်လပ်သည် ရေနံမြေအဖြစ် သတ်မှတ်ထားသောကြောင့် ဘောလုံးကွင်းပြုလုပ်ပေးရန် အစီအစဉ်မရှိကြောင်း ရန်ကုန်မြို့တော်ဝန် ဦးမောင်မောင်စိုးက ဇွန်လ ၆ ရက်တွင် ပြောကြားလိုက်သည်။
 
ရန်ကုန်တိုင်းဒေသကြီး လွှတ်တော် အစည်းအဝေးတွင် လွှတ်တော် ကိုယ်စားလှယ် ဒေါ်သက်ထားနွယ်ဝင်းက သာကေတမြို့နယ် (၁ဝ/တောင်) ရပ်ကွက်အတွင်းရှိ MOGE ရေနံလိုင်း၊ MOGE ရေနံ ဝန်ထမ်းလိုင်းခန်း၊ သန်လျင်တံတား အိမ်ရာဝင်းနှင့် အကောက်အခွန် ဝန်ထမ်းလိုင်းခန်းများ ဆုံသောနေရာတွင် ပေ(၃ဝဝ) ပတ်လည် ရေဝပ်မြေရိုင်း မြေကွက်လပ်အား ကလေးဘောလုံးကွင်း ပြုလုပ်ပေးရန် အစီအစဉ် ရှိ/မရှိ မေးမြန်းမှုကို မြို့တော်ဝန်က ပြန်လည်ဖြေကြားပေး ခဲ့ခြင်း ဖြစ်သည်။
 
“အမည်ပေါက်ကတော့ မြန်မာ့ရေနံနှင့် သဘာဝဓာတ်ငွေ့လုပ်ငန်းလို့ မှတ်သားထားတာကြောင့် မြို့ပြနှင့် အိမ်ရာဖွံ့ဖြိုးမှု ဦးစီးဌာနရဲ့ သဘောထားရယူသင့်ကြောင်း ရန်ကုန်တိုင်းဒေသကြီး အစိုးရအဖွဲ့ သို့လည်း ပြန်ကြားထားရှိတဲ့ မြေနေရာ ဖြစ်ကြောင်းလည်း စီစစ်တွေ့ရှိ ရပါတယ်။ ဒါ့ကြောင့် မေးခွန်းပါ မြေနေရာကို အားကစားကွင်း အဖြစ် အသုံးပြုဖို့ အထက်ပါကွင်းဆင်း စစ်ဆေးချက်အရ မြေလွတ်ဧရိယာဟာ (၀.၄၉) ဧက ရှိကြောင်း စီစစ်ရရှိခဲ့ပြီးတော့ မြို့ကွက်ကျမြေကို ရေနံမြေလို့ မှတ်သားထားရှိတဲ့အတွက်ကြောင့် လောလောဆယ် အသုံးပြုလို့ မရသေးဘူး” ဟု မြို့တော်ဝန်ဦးမောင်မောင်စိုးက ပြောကြားသည်။
 
သာကေတမြို့နယ်အနေဖြင့် လူနေထူထပ်သကဲ့သို့ မြေနေရာလည်း လိုအပ်ပြီး ကလေး၊လူကြီး အပန်းဖြေရိပ်သာနှင့် အားကစားကွင်း နေရာများလိုအပ်သည်။ မြေများဖော်ထုတ်၍ စည်ပင်သာယာခန့်ခွဲခွင့်ရှိ သည့် မြေဖြစ်ပါက ဆောင်ရွက်ပေး၍ ရကြောင်း၊ အဆိုပါမြေကွက်သည် ရေနံမြေအဖြစ် သတ်မှတ်ထားခြင်းကြောင့် လုပ်ဆောင်ပေး၍ မရကြောင်းလည်း ၎င်းကပြောသည်။
 
ယင်းမြေနေရာသည် ပေ(၃၀၀)ပတ်လည်ဟု ဖော်ပြပါရှိသော်လည်း မြေပြင်တွင် ပြသထားချက်အရ MOGE မှ အုတ်ခြံစည်းရိုးနဲ့ ကွန်ကရစ် လူသွားလမ်း၊ တြိဂံပုံသဏ္ဍာန် မြေကွက်လပ်အဖြစ် တွေ့ရှိရပြီး ၆၆ ကေဘီ ဓာတ်အားလိုင်း ဖြတ်သန်းလျက်ရှိကြောင်း၊ ဓာတ်အားလိုင်းကို ချန်လှပ်ပြီး တိုင်းတာပါက ဧရိယာအားဖြင့် (၀.၄၉) ဧကလောက် တိုင်းတာရရှိကြောင်း၊ မြေပြင်တွင် မြေကွက်လပ်ဖြစ်နေသော်လည်း မြို့ပြနှင့် အိမ်ရာဖွံ့ဖြိုးမှုဦးစီးဌာန၏ လွှဲပြောင်းပေးပို့ခဲ့သည့် မြို့ကွက်ကျ မြေပေါ်တွင် ရေနံမြေဟု ရေးသားထားကြောင်း မြို့တော်ဝန်က ဆက်လက် ပြောကြားခဲ့သည်။
 
The Ladies News
 

 

Vote: 
No votes yet

Add new comment