မြို့နယ်(၁၁)မြို့နယ်တွင် နိုင်ငံတကာအဆင့်မီ စက်မှုဇုန်များ အကောင်အထည်ဖော်မည့် အစီရင်ခံစာ လွှတ်တော်တွင် ရှင်းလင်း

ရန်ကုန်တိုင်းဒေသကြီး စည်ပင်သာယာရေးအဖွဲ့ ကွပ်ကဲမှုအောက်ရှိ ကွမ်းခြံကုန်း၊ ကော့မှူး၊ တွံတေး၊ သန်လျင်၊ ကျောက်တန်း အပါအဝင် မြို့နယ်(၁၁)မြို့နယ်တွင် နိုင်ငံတကာအဆင့်မီ စက်မှုဇုန်များ အကောင်အထည်ဖော် ဆောင်ရွက်မည့် အစီရင်ခံစာကို ရန်ကုန်တိုင်းဒေသကြီိးအစိုးရအဖွဲ့ ရန်ကုန်မြို့တော်ဝန် ဦးမောင်မောင်စိုးက ဇွန်လ ၅ ရက် တိုင်းဒေသကြီး လွှတ်တော် အစည်းအဝေးတွင် ရှင်းလင်းခဲ့သည်။
 
နိုင်ငံတကာ အဆင့်မီ စက်မှုဇုန်များ အကောင်အထည်ဖော် ဆောင်ရွက်မည့် မြို့နယ်များမှာ ကွမ်းခြံကုန်းမြို့နယ်တွင် အကျယ်အဝန်းဧရိယာ (၁၀၉၁.၉၆)ဧက ၊ ကော့မှုးမြို့နယ်တွင် ဧရိယာ (၁၀၀၀) ဧက၊ တွံတေးမြို့နယ်တွင် ဧရိယာ (၈၅၀) ဧက၊ သန်လျင်မြို့နယ်တွင် ဧရိယာ (၁၀၈၈) ဧက၊ ကျောက်တန်းမြို့နယ်တွင် ဧရိယာ ( ၁၀၅၁.၃၆) ဧက၊ ခရမ်းမြို့နယ်တွင် ဧရိယာ(၁၀၀၀)ဧက၊ သုံးခွမြို့နယ်တွင် ဧရိယာ (၁၈၇၁) ဧက ၊ တိုက်ကြီးမြို့နယ်တွင် အကျယ်အဝန်း ဧရိယာ (၁၀၀၀) ဧက ၊ မှော်ဘီမြို့နယ်တွင် ဧရိယာ (၇၅၀) ဧက၊ လှည်းကူး မြို့နယ်တွင် ဧရိယာ (၁၀၀၀) ဧကနှင့် ထန်းတပင် မြို့နယ်တွင် အကျယ်အဝန်း ဧရိယာ ( ၁၆၀၀) ဧကတို့ ဖြစ်ကြောင်း ဝန်ကြီးက ရှင်းလင်းခဲ့သည်။
 
`နိုင်ငံတကာအဆင့်မီ စက်မှုဇုန်များ အကောင်အထည်ဖော် ဆောင်ရွက်ရခြင်းရဲ့ ရည်ရွယ်ချက်ကတော့ ရန်ကုန်တိုင်း စည်ပင်သာယာရေး အဖွဲ့ ကွပ်ကဲမှုအောက်မှာရှိတဲ့ မြို့နယ် (၁၁) မြို့နယ်မှာ နိုင်ငံတကာ အဆင့်မီ စက်မှုဇုန်များ ထူထောင်ခြင်း၊ ဒေသဖွံ့ဖြိုးရေးနဲ့ ပြည်သူများ အလုပ်အကိုင် အခွင့်အလမ်းရရှိရေးကို ဖော်ဆောင်ပေးနိုင်ပြီ ဖြစ်တဲ့အပြင်ကို ရန်ကုန်မြို့တော်ရဲ့ လူဦးရေ သိပ်သည်းကြပ်တည်းမှု နောက် ယာဉ်ကြောပိတ်ဆို့မှု များကိုလည်း အထိုက်အလျောက် လျော့နည်းသွားစေရန် ရည်ရွယ်ပါတယ်။ နောက်မြို့နယ် တစ်ခုချင်းဆီမှာလည်း စက်မှုဇုန်များ တည်ထောင်ခြင်းဖြင့် ရရှိလာမယ့်ဝင်ငွေကို အဆိုပါ မြို့နယ် တစ်ခုချင်းစီရဲ့ မြို့ပြနဲ့ ကျေးလက်ဒေသ ဖွံ့ဖြိုးရေး လုပ်ငန်းများ အတွက်လည်း ပြန်လည်သုံးစွဲရန်အတွက် ဖြစ်ပါတယ်။’’ဟု မြို့တော်ဝန်ဦိးမောင်မောင်စိုးက ရှင်းလင်းခဲ့သည်။
 
မြို့နယ် ၁၁ မြို့ နယ်တွင် စက်မှုဇုန် မြေနေရာများ လျာထားရွေးချယ်ကြမှုအပေါ် တိုင်းဒေသကြီး၏ လယ်ယာမြေနှင့် အခြားမြေများ သိမ်းဆည်းခံရမှု ပြန်လည်စီစစ်ရေး ကော်မတီ၏ ထပ်မံစီစစ် ထောက်ခံချက်ဖြင့် တိုင်းဒေသကြီးအစိုးရ အဖွဲ့သို့ တင်ပြခဲ့ရာ ၂၀၁၈ခုနှစ် ဖေဖော်ဝါရီ ၁ ရက်နေ့က ပြုလုပ်သည့် ရန်ကုန်တိုင်းဒေသကြီး အစိုးရအဖွဲ့၏ အစည်အဝေး အမှတ်စဉ် (၅/၂၀၁၈) ဆုံးဖြတ်ချက် အပိုဒ် (၂၀၀၈) အရ အတည်ပြုချက်လည်း ရရှိခဲ့ပြီး ဖြစ်ကြောင်း ၎င်းကပြောကြားသည်။
 
စက်မှုဇုန် တည်ဆောက်ထားသည့် အကျိုးအမြတ်သည် ဒေသကိုသာဦးတည်ပြီး ပြည်သူများရှိသည့်နေရာတွင် work to the workers အတွက် ရည်ရွယ်ပြီး ချထားပေးခြင်းဖြစ်ကြောင်း၊ စက်မှုဇုန် တည်ထောင်မည်ဆိုပါက ဒေသအကျိုးကို ဒေသရှိ လူများလက်ထဲတွင် ဒေသ၏ဖွံ့ဖြိုးမှုကို ဖြစ်စေချင်သည့် သဘောဖြင့် ရည်ရွယ်တင်ပြခြင်း ဖြစ်ကြောင်းလည်း မြို့တော်ဝန်ဦးမောင်မောင်စိုးက ဆက်လက်ပြောကြားခဲ့သည်။
 
The Ladies News
 

 

Vote: 
No votes yet

Add new comment