မွန်နှင့် လားဟူ အမျိုးသားအဆင့် နိုင်ငံရေးဆွေးနွေးပွဲ ကျင်းပရန်ကိစ္စကို လာမည့် UPDJC အစည်းအဝေးတွင် ဆွေးနွေးမည်

NCA တွင် လက်မှတ်ရေးထိုးလိုက်သည့် မွန်ပြည်သစ်ပါတီ (NMSP) နှင့် လားဟူဒီမိုကရက်တစ် အစည်းအရုံး (LDU) တို့ အမျိုးသားအဆင့် နိုင်ငံရေးဆွေးနွေးပွဲကျင်းပရန်ကိစ္စကို လာမည့် ပြည်ထောင်စုငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) အစည်းအဝေးတွင် ဆွေးနွေးဖြစ်မည်ဟု UPDJC အတွင်းရေးမှူးအဖွဲ့ဝင်များက The Ladies News သို့ ပြောကြားသည်။
 
NCA တွင် လက်မှတ်ရေးထိုးပြီးနောက် ပြုလုပ်ရမည့် လုပ်ငန်းစဉ်တစ်ခုဖြစ်သည့် အမျိုးသားအဆင့် နိုင်ငံရေး ဆွေးနွေးပွဲများကို UPDJC ၏ ကြီးကြပ်မှုဖြင့် ဆောင်ရွက်ရခြင်းဖြစ်သည်။ မွန်ပြည်သစ်ပါတီ၏ ပြောရေးဆိုခွင့်ရှိသူ နိုင်အောင်မငေးကတော့ မွန်အမျိုးသားအဆင့် နိုင်ငံရေးဆွေးနွေးပွဲများ ပြုလုပ်ခွင့်ရရန် UPDJC ၏ ဆုံးဖြတ်ချက်ကို စောင့်ဆိုင်းနေသည်ဟု ဆိုသည်။
 
UPDJC အစည်းအဝေးကို ဖေဖေါ်ဝါရီလအတွင်းမှာ ပြုလုပ်နိုင်ရန် မျှော်မှန်းထားပြီး UPDJC အစည်းအဝေး မတိုင်ခင် ပြုလုပ်မည့် အတွင်းရေးမှူးအဖွဲ့ အစည်းအဝေးများတွင် မွန်နှင့် လားဟူ တို့ အမျိုးသားအဆင့် နိုင်ငံရေးပြုလုပ်မည့် ကိစ္စရပ်များလည်း ပါဝင်ကောင်း ပါဝင်လာနိုင်သည်ဟု နိုင်ငံရေးပါတီ အစုအဖွဲ့မှ UPDJC အတွင်းရေးမှူးအဖွဲ့ဝင် ဦးမင်းဇေယျာဦးက ပြောကြားသည်။
 
`UPDJC အစည်းအဝေးမှာက အစိုးရဘက်ခြမ်းနဲ့ တိုင်းရင်သားလက်နက်ကိုင်နဲ့က ညှိနှိုင်းဆောင်ရွက်နေတာ။ ညှိနှိ်ုင်းဆောင်ရွက်နေတဲ့ အခါကျတော့ ကျွန်တော်တို့ UPJC အစည်းအဝေးကျင်းပဖို့ အဲဒီမှာဆွေးနွေးမယ့် အာဂျင်တာတွေကို အတွင်းရေးမှူးအဖွဲ့ အစည်းအဝေးမှာ ညှိရတာဗျ၊ ညှိရတဲ့အခါကျတော့ အဲဒီကိစ္စတွေ ပါဝင်ကောင်း ပါဝင်လာနိုင်ပါတယ်` ဟု ၄င်းကပြောကြားသည်။
 
လာမည့် UPDJC အစည်းအဝေးတွင် မွန်းပြည်သစ်နှင့် လားဟူတို့ အမျိုးသားအဆင့် နိုင်ငံရေးဆွေးနွေးများ ကျင်းပမည့် ကိစ္စကို ဆွေးနွေးမည်ဖြစ်ကြောင်း အဘယ်ကြောင့်ဆိုသော် ယင်းကိစ္စများသည် လုပ်ရိုးလုပ်စဉ် ကိစ္စရပ်များ ဖြစ်သည်ဟု နိုင်ငံရေးပါတီများအစုအဖွဲ့မှ အတွင်းရေးမှူးအဖွဲ့ဝင် တစ်ဦးဖြစ်သည့် စိုင်းကျော်ညွှန့်က ပြောကြားသည်။
 
`ရှိမှာပါ။ ဒါက လုပ်ရိုးလုပ်စဉ်ပဲလေ။ လုပ်ရိုးလုပ်စဉ်အတိုင်း ဆွေးနွေးရမယ့် ကိစ္စတွေက ဆွေးနွေးရမှာပါ´ ဟု ၄င်းကပြောကြားသည်။
 
UPDJC ကို အစိုးရ၊ လွှတ်တော်၊ တပ်မတော် အစုအဖွဲ့မှ ကိုယ်စားလှယ် ၁၆ ဦး၊ အပစ်ရပ် လက်မှတ် ရေးထိုးထားသော တိုင်းရင်းသား လက်နက်ကိုင်များ အစုအဖွဲ့မှ ကိုယ်စားလှယ် ၁၆ ဦး၊ နိုင်ငံရေးပါတီများ အစုအဖွဲ့မှ
ကိုယ်စားလှယ် ၁၆ ဦးတို့ဖြင့် ဖွဲ့ထားသည်။ ယခုအခါ NCA တွင် တိုင်းရင်းသား လက်နက်ကိုင်နှစ်ဖွဲ့ ထပ်မံ လက်မှတ်ရေးထိုး လိုက်သောကြောင့် အဖွဲ့ဝင် တိုးလာသော်လည်း အစုအဖွဲ့ကတော့ နဂို ၁၆ ဦး အတိုင်ပင်
ပြောင်းအလဲမရှိနိုင်ကြောင်း စိုင်းကျော်ညွှန့်က ပြောကြားသည်။
 
`ဒီကြာထဲမှာ သူတို့ပြင်ဆင်ရဦးမယ်။ ပြီးတော့ UPDJC မှာလည်း သူတို့က ပါဝင်လာရဦးမှာကို၊ ပါဝင်လာမယ် ဆိုတော့ ရှစ်ဖွဲ့နဲ့ကလည်း အစည်းအဝေးထိုင်ရဦးမယ့်သဘော ဘယ်သူက ဘယ်နှယောက် ဘယ်အဖွဲ့အစည်းက ဘယ်နှယောက် ဆိုတာက UPDJC က အခြေအနေအရကတော့ ဦးရေက အပြောင်းအလဲတော့ သိပ်မရှိနိုင်ဘူုးလေ။ ဥပမာ ၁၆ ယောက်ပဲပေါ့ဗျာ။ ခါတိုင်းကတော့ ရှစ်ဖွဲ့လက်မှတ်ထိုးတယ် ၁၆ ယောက်ဆိုတော့ အဖွဲ့အစည်းတစ်ခုကို နှစ်ဦးဆီပေါ့ဗျာ။ အခုက ၁၀ ဖွဲ့ဖြစ်လာပြီဆိုတော့က ဘယ်အဖွဲ့အစည်းက ဘယ်နှယောက်ဆိုတာလည်း EAO ကြားထဲမှာလည်း သူတို့တိုင်ပင်ရဦးမယ့် သဘောပါ။ အဲဒီဟာတွေလုပ်ဖို့ လိုအပ်သေးတယ်လေ။ ပြီးရင် UPDJC မှာလည်း သူတို့ ဘာပြောချင်ဆိုတဲ့ကိစ္စကို တိုင်းရင်းသား လက်နက်ကိုင် အချင်းချင်းလည်း ဆွေးနွေးသင့်တယ်လို့ မြင်တယ်` ဟု ၄င်းကပြောကြားသည်။
 
UPDJC ၏ ဥက္ကဋ္ဌမှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဖြစ်ပြီး ဒုဥက္ကဋ္ဌများမှာ အစိုးရအစုအဖွဲ့မှ ဒေါက်တာတင်မျိုးဝင်း၊ တိုင်းရင်းသား လက်နက်ကိုင်များ အစုအဖွဲ့မှ ပဒိုစောကွယ်ထူးဝင်း၊ နိုင်ငံရေးပါတီများ အစုအဖွဲ့မှ ဦးသုဝေ တို့ ဖြစ်ကြသည်။
 
အောင်ရဲနောင်
The Ladies News
 

 

Vote: 
No votes yet

Add new comment