ရန်ကုန်တိုင်းဒေသကြီးအစိုးရထံမှ အတည်ပြုချက်ရယူ၍ ကာရာအိုကေလုပ်ငန်းများကို ဆောင်ရွက်ပေးနေ

ရန်ကုန်တိုင်းဒေသကြီးအတွင်း လုပ်ကိုင်ဆောင်ရွက်လျှက်ရှိသော ကာရာအိုကေ လုပ်ငန်းများကို ရုပ်မြင်သံကြားနှင့် ဗီဒီယို ဥပဒေ၊ ဗီဒီယိုလုပ်ငန်းဆိုင်ရာ နည်းဥပဒေများနှင့်အညီ ဖွဲ့စည်းထားသော ကော်မတီမှစိစစ်ပြီး ရန်ကုန်တိုင်းဒေသကြီး အစိုးရအဖွဲ့ထံ တင်ပြ၍ အတည်ပြုချက် ထပ်မံရယူကာ လုပ်ငန်းလုပ်ကိုင်ခွင့်များ ဆောင်ရွက်ပေးလျှက်ရှိကြောင်း ပြန်ကြားရေး၊ဟိုတယ်နှင့် ခရီးသွားလာရေး၊ ကရင်တိုင်းရင်းသားများလူမျိုးရေးရာ ဝန်ကြီး နော်ပန်းသဉ္ဇာမျိုးက ဖေဖော်ဝါရီ ၇ ရက်တွင် ပြောကြားသည်။
 
ရန်ကုန်တိုင်းဒေသကြီးလွှတ်တော် အစည်းအဝေးတွင် ကျောက်တံတားမြို့နယ်၊ မဲဆန္ဒနယ်အမှတ် (၁) တိုင်းဒေသကြီး လွှတ်တော်ကိုယ်စားလှယ်၊ ဒေါ်ကြည်ပြာ၏ ကြယ်ပွင့်ပြမေးခွန်းဖြစ်သော ရန်ကုန်တိုင်းဒေသကြီးအတွင်း လုပ်ကိုင်ဆောင်ရွက်ခွင့် ပြုထားသော ကာရာအိုကေ လုပ်ငန်းလိုင်စင်အား ပြန်ကြားရေးဝန်ကြီးဌာနမှ မည်သည့် စည်းကမ်းချက်များနှင့်အညီ ထုတ်ပေးသည်ကို သိရှိလိုကြောင်းမေးမြန်းမှုကို ပြန်လည်ဖြေကြားခဲ့ခြင်း ဖြစ်သည်။
 
“ရုပ်မြင်သံကြားနဲ့ ဗီဒီယို ဥပဒေအခန်း (၆)၊ ပုဒ်မ (၁၉) အရ လည်းကောင်း၊ ၁၉၉၈ ခုနှစ် ဗီဒီယိုလုပ်ငန်းဆိုင်ရာ နည်းဥပဒေများ အခန်း (၆)၊ နည်းဥပဒေ (၂၃)၊ (၂၄) အရ လည်းကောင်း ဗီဒီယို လုပ်ငန်းများ စိစစ်ကြီးကြပ်နိုင်ရန် အတွက် ရန်ကုန်တိုင်းဒေသကြီး ဗီဒီယိုလုပ်ငန်းများ စိစစ်ကြီးကြပ်ရေး ကော်မတီကို ဖွဲ့စည်းထားရှိခဲ့ပါတယ်။ ဒီကော်မတီက လျှောက်ထားတင်ပြလာတဲ့ ကာရာအိုကေ လုပ်ငန်းလိုင်စင်များကို သက်ဆိုင်ရာ မြို့နယ်အထွေထွေ အုပ်ချုပ်ရေး ဦးစီးဌာန၊ မြို့နယ်ရဲတပ်ဖွဲ့မှူးရုံး၊ မြို့နယ် မီးသတ်ဦးစီးဌာန၊ မြို့နယ် စည်ပင်သာယာ အုပ်ချုပ်ရေးမှူးရုံး၊ မြို့နယ်ဂီတအစည်းအရုံးနှင့် မြန်မာနိုင်ငံ ဂီတအစည်းအရုံး(ဗဟို)တို့၏ စိစစ်ထောက်ခံချက်များ ကိုရယူကာ သက်ဆိုင်ရာ ခရိုင်အထွေထွေ အုပ်ချုပ်ရေးဦးစီးဌာန၊ ခရိုင်ရဲတပ်ဖွဲ့မှူးရုံး၊ ခရိုင်မီးသတ်ဦးစီးဌာန၊ ခရိုင် စည်ပင်သာယာ အုပ်ချုပ်ရေးမှူးရုံးတို့၏ ထပ်ဆင့်ထောက်ခံချက်များဖြင့် စိစစ်ကြီးကြပ်ရေး ကော်မတီမှ စိစစ်ပြီးသော လုပ်ငန်းများကို ရန်ကုန်တိုင်းဒေသကြီး အစိုးရအဖွဲ့ထံတင်ပြ၍ အတည်ပြုချက် ထပ်မံရယူပြီး လုပ်ငန်းလုပ်ကိုင်ခွင့်များ ဆောင်ရွက်ပေးလျက် ရှိပါတယ်” ဟု ၀န်ကြီးကပြောသည်။
 
ထို့ပြင် ကာရာအိုကေလုပ်ငန်း လုပ်ကိုင်ဆောင်ရွက်ရာတွင် လုပ်ငန်းလိုင်စင်ကြေးအဖြစ် တိုင်းဒေသကြီး/ ပြည်နယ်များ သို့ တစ်ပြေးညီ သတ်မှတ်ထားသည့် နှုန်းထားဖြစ်သော ကာရာအိုကေ စက်တစ်စုံလျှင် ကျပ် ၃၀၀၀၀၊ သက်တမ်း တိုးမြှင့်ခ ကျပ် ၂၀၀၀၀၀ ဖြင့် ကောက်ခံလျက်ရှိသည်။ ၂၀၀၈ ခုနှစ် ဖွဲ့စည်းပုံ အခြေခံဥပဒေ ဇယား ၅ ပါ တိုင်းဒေသကြီး သို့မဟုတ် ပြည်နယ်များက ကောက်ခံရမည့် အခွန်အခများ၊ အပိုဒ် ၈ အပိုဒ် ၁၃၊ အပိုဒ် ၁၄ အရ “သက်ဆိုင်ရာ တိုင်းဒေသကြီးများနှင့် ပြည်နယ်များ၏ ဝန်ဆောင်မှုလုပ်ငန်းများမှ ရရှိသော ဝင်ငွေများ၊ သက်ဆိုင်ရာ ဒေသကြီး ရုပ်ရှင်ရုံများနှင့် ပတ်သက်သည့် ပွဲခွန်၊ ရုပ်ရှင်ရုံမှတ်ပုံတင်ခရငွေ(လိုင်စင်ကြေး)၊ ပုံစံနှင့် ဒဏ်ကြေး ရငွေ များ၊ ယင်းရုပ်ရှင်ရုံများနှင့် ပတ်သက်သည့် ဆိုင်ခန်းများ၏ ငှားရမ်းခ ရငွေများကို သက်ဆိုင်ရာ တိုင်းဒေသကြီးနှင့် ပြည်နယ်များက ကောက်ခံရမည်” ဟု ဖော်ပြထားပါသဖြင့် ကာရာအိုကေ လုပ်ငန်းများမှ ရရှိသည့် လုပ်ငန်းလိုင်စင် ကြေး အသစ်/သက်တမ်း တိုးမြှင့်ခနှင့် ရက်လွန်ဒဏ်ကြေးများကို တိုင်းဒေသကြီး အစိုးရဘဏ္ဍာရန်ပုံငွေသို့ ပေးသွင်း လျက်ရှိကြောင်း ဆက်လက်ဖြေကြားခဲ့သည်။
 
“ကာရာအိုကေသီဆိုခြင်း လုပ်ငန်းကို ဗီဒီယိုပြသခြင်း လုပ်ငန်းတစ်ခုအဖြစ် သတ်မှတ်ပြီး ၁၉၉၆ ခုနှစ်၊ ရုပ်မြင်သံကြားနှင့် ဗီဒီယိုဥပဒေနှင့် ဗီဒီယိုလုပ်ငန်းဆိုင်ရာ နည်းဥပဒေ အခန်း ၃၊ နည်းဥပဒေ (၁၁) နှင့် (၁၂) အရ ဗီဒီယိုပြသခြင်း လုပ်ငန်းလိုင်စင် တစ်ခုအဖြစ် ဆောင်ရွက်စေခဲ့ပါတယ်။ တိုးတက်လာသည့် ခေတ်နဲ့အညီ ပြည်သူများ လက်ခံလာတဲ့ ဗီဒီယိုပြသခြင်း လုပ်ငန်းလိုင်စင်တစ်ခုအဖြစ် ဆောင်ရွက်စေခဲ့ပါတယ်။ တိုးတက်လာ တဲ့ခေတ်နဲ့အညီ ပြည်သူများ လက်ခံလာတဲ့ ဗီဒီယိုကာရာအိုကေသီဆိုခြင်း လုပ်ငန်းများကို တိုင်းဒေသကြီး၊ ပြည်နယ်အားလုံးမှာ စည်းကမ်းတကျနဲ့ တစ်ပြေးညီ လုပ်ကိုင်နိုင်ရေးအတွက် ၁၁.၈.၂၀၀၀ ရက်တွင် ကျင်းပပြု လုပ်သော ဗီဒီယိုလုပ်ငန်း စိစစ်ကြီးကြပ်ရေး ဗဟိုကော်မတီ၏ (၂/၂၀၀၀) အစည်းအဝေးမှ စည်းကမ်းချက် (၁၇) ချက်ကို အခြေခံ စိစစ်ရန် ဆွေးနွေးဆုံးဖြတ်ခဲ့ပါတယ်။ဒါကြောင့် တိုင်းဒေသကြီး၊ ပြည်နယ် အသီးသီးတွင် လုပ်ကိုင်နေသော၊ လုပ်ကိုင်ခွင့်ရရှိရန် လျှောက်ထားသော ဗီဒီယိုကာရာအိုကေ သီချင်းဆိုခြင်းလုပ်ငန်းတွေကို အဆိုပါစည်းကမ်းချက် (၁၇) ချက်ပေါ် မူတည်ပြီး ရုပ်မြင်သံကြားနှင့် ဗီဒီယိုဥပဒေအရ တိုင်းဒေသကြီး/ပြည်နယ် ဗီဒီယို လုပ်ငန်းစိစစ်ကြီးကြပ်ရေး ကော်မတီမှလုပ်ငန်း လိုင်စင်ခွင့်ပြုခြင်း၊ ငြင်းပယ်ခြင်းများ ဆောင်ရွက်လျက်ရှိပါတယ်” ဟု ၀န်ကြီးကပြောသည်။
 
ရန်ကုန်တိုင်းဒေသကြီးအတွင်း (၁-၂-၂၀၁၈) ရက်နေ့အထိ ခွင့်ပြုထားသော ကာရာအိုကေလုပ်ငန်း လိုင်စင်ပေါင်း ၃၂၆ ခုရှိပြီး၊ အရှေ့ပိုင်းခရိုင်တွင် ၁၁၆ ခု၊ အနောက်ပိုင်းခရိုင်တွင် ၁၁၂ ခု၊ တောင်ပိုင်းခရိုင်တွင် ၂၀ ခု၊ မြောက် ပိုင်းခရိုင် ၇၈ ခုတို့ဖြစ်ကြောင်းနှင့်၂၀၁၇-၁၈ ဘဏ္ဍာရေးနှစ် (ဧပြီလ မှ ဒီဇင်ဘာလ အထိ) ရန်ကုန်တိုင်းဒေသကြီး ဘဏ္ဍာရန်ပုံငွေ သို့ ကာရာအိုကေလုပ်ငန်း လိုင်စင်အသစ် ထုတ်ပေးခြင်းနှင့် သက်တမ်းတိုးခြင်းများမှ ဝင်ငွေအဖြစ် စုစုပေါင်း ကျပ် (၄၁.၁၀) သန်းပေးသွင်းထားပြီး ဘဏ္ဍာရေးနှစ် ကုန်ဆုံးပါက ကာရာအိုကေ လုပ်ငန်းများမှ ရငွေအဖြစ် ကျပ် (၅၄.၈) သန်းခန့် ပေးသွင်းနိုင်မည်ဖြစ်ကြောင်း ၀န်ကြီးက ထည့်သွင်းဖြေကြားခဲ့သည်။
 
The Ladies News
 

 

Vote: 
No votes yet

Add new comment