မြောင်းမြမြို့နယ်တွင် မဟာသီရိသုဓမ္မဒေါ်ခင်ကြည် သူနာပြုနှင့် သားဖွားသင်တန်းကျောင်းအား မြေမိန့်ရရှိပါက အမြန်ဆုံးဆောင်ရွက်ပေးမည်

မြောင်းမြမြို့နယ်တွင် မဟာသီရိသုဓမ္မဒေါ်ခင်ကြည် သူနာပြုနှင့် သားဖွားသင်တန်းကျောင်းအား မြေမိန့်ရရှိပါက ဆောက်လုပ်ပေးရန် အမြန်ဆုံးဆောင်ရွက်ပေးမည် ဟု ကျန်းမာရေးနှင့် အားကစား ပြည်ထောင်စုဝန်ကြီး ဒေါက်တာမြင့်ထွေးက ဖေဖော်ဝါရီ ၆ ရက်တွင် ပြောကြားခဲ့သည်။
 
ပြည်သူ့လွှတ်တော် အစည်းအဝေးတွင် မြောင်းမြမဲဆန္ဒနယ်မှ ဒေါက်တာစိုးမိုးသူက မြောင်းမြမြို့နယ်တွင် မြောင်းမြမြို့သူ မဟာသီရိသုဓမ္မ ဒေါ်ခင်ကြည်အား ဂုဏ်ပြုသောအားဖြင့် မဟာသီရိသုဓမ္မဒေါ်ခင်ကြည် သူနာပြုနှင့်
သားဖွားသင်တန်း ကျောင်းအား ဖွင့်လှစ်ပေးရန် အစီအစဉ်ရှိ၊ မရှိ မေးမြန်းခဲ့မှုကို ပြန်လည်ဖြေကြားပေးခဲ့ခြင်း ဖြစ်သည်။
 
ဧရာဝတီတိုင်း မြောင်းမြမြို့တွင် သူနာပြု သင်တန်းကျောင်း ဖွင့်မည်ဆိုပါက လေ့ကျင့်သင်ကြားပေးနိုင်သည့် မြောင်းမြခုတင် (၂၀၀) ဆေးရုံကြီးရှိသည့်အတွက် အမြန်ဆုံးဖွင့်လှစ် နိုင်ရန် အဆင်ပြေသည်။၊ သို့သော် လက်ရှိတွင် မြေနေရာ မရှိသေးကြောင်းနှင့် လျှောက်ထားလျှင် ရနိုင်ကြောင်း၊ ရရှိရန် (၃) နှစ်ကြာမှ ဂရန် သို့မဟုတ် ခွင့်ပြုမိန့် ရမည်ဆိုပါက နောက်ထပ် (၃)နှစ်ကြာ သွားနိုင်ကြောင်း၊ ထို့ကြောင့် လွှတ်တော်ကိုယ်စားလှယ် အနေဖြင့် သင်တန်းကျောင်း ဖွင့်လှစ်ရန်အတွက် ကျန်းမာရေးနှင့် အားကစားဝန်ကြီးဌာနကို မြေ (၅) ဧက အမြန်ဆုံး ရရှိအောင် ဆောင်ရွက်ပေးနိုင်ပါက ၂၀၁၈-၁၉ ခုနှစ်တွင် ပိုက်ဆံ ထည့်တွက်ပေးမည် ဖြစ်ကြောင်းလည်း ပြည်ထောင်စုဝန်ကြီးက ပြောကြားခဲ့သည်။
 
သင်တန်းကျောင်း ဆောက်လုပ်ပေးရန်အတွက် မြေလွတ်မြေလပ်နှင့် လယ်ယာမြေကို အခြားနည်းဖြင့် အသုံးပြုခွင့် (လန-၉၃) ရရှိပြီး ဖြစ်သော်လည်း၊ အထွေထွေ အုပ်ချုပ်ရေးဦးစီးဌာန သို့ ကျန်းမာရေးနှင့် လူ့စွမ်းအား အရင်းအမြစ် ဦးစီးဌာနပိုင် မြေမိန့်အဖြစ် ရရှိရန် လျှောက်ထားဆဲ ဖြစ်ကြောင်းလည်း ပြည်ထောင်စုဝန်ကြီးက ဆက်လက် ပြောကြားခဲ့သည်။
 
Photo - မြောင်းမြမြို့ FB Page
The Ladies News
 

 

Vote: 
No votes yet

Add new comment