ဧရာဝတီတိုင်းဒေသကြီး လွှတ်တော် အရေးပေါ်အစည်းအဝေးခေါ်ယူ

ဧရာဝတီတိုင်းဒေသကြီး ၀န်ကြီးချုပ်နှင့် ဧရာဝတီတိုင်းဒေသကြီး အစိုးရအဖွဲ့၊ စိုက်ပျိုးရေး၊ မွေးမြူရေး၊ သယံဇာတ နှင့် ပတ်ဝန်းကျင် ထိန်းသိမ်းရေးဝန်ကြီးဌာန ဝန်ကြီးတို့အား ရာထူးမှ နုတ်ထွက်ခွင့်ပြု လိုက်ပြီးနောက် ဧရာဝတီ တိုင်းဒေသကြီး လွှတ်တော် အရေးပေါ် အစည်းအဝေးကို ဇန်န၀ါရီ ၁၅ ရက်တွင် ကျင်းပမည်ဖြစ်ကြောင်း ထုတ်ပြန်ကြေညာလိုက်သည်။
 
ဖွဲ့စည်းပုံ အခြေခံဥပဒေပုဒ်မ ၁၇၇နှင့် ၂၀၁၃ ခုနှစ် တိုင်းဒေသကြီး (သို့မဟုတ်) ပြည်နယ်လွှတ်တော်ဆိုင် ရာ ဥပဒေပုဒ်မ ၃၂ ပါပြဌာန်းချက်များအရ ဒုတိယအကြိမ် ဧရာဝတီတိုင်းဒေသကြီး လွှတ်တော် အရေးပေါ်အစည်းအဝေး (၁/၂၀၁၈)ကို ကျင်းပပြုလုပ်မည်ဖြစ်ပြီး အစည်းအဝေး တက်ရောက်ရန် ဇန်န၀ါရီ ၁၄ ရက်တွင် လွှတ်တော်ရုံးသို့ ကြိုတင်သတင်းပို့ရန် ညွှန်ကြားထားပြီး အစည်းအဝေးခန်းမသို့ အစည်းအဝေးမစတင်မီ မိနစ် ၃၀ ကြိုရောက်ရန်နှင့် အစည်းအဝေး မတက်ရောက်နိုင်ပါက ခွင့်တိုင်ကြားစာများအား တစ်ရက်ကြို တင်ပေးပို့ ရန် ထုတ်ပြန်ကြေညာထားသည်။
 
ဧရာဝတီတိုင်းဒေသကြီး ၀န်ကြီးချုပ်နှင့် ဧရာဝတီတိုင်းဒေသကြီး အစိုးရအဖွဲ့၊ စိုက်ပျိုးရေး၊ မွေးမြူရေး၊ သယံဇာတ နှင့် ပတ်ဝန်းကျင် ထိန်းသိမ်းရေးဝန်ကြီးဌာန ဝန်ကြီး တို့အား ယင်းတို့၏သဘောဆန္ဒ အလျောက် နုတ်ထွက်ခွင့်ပြုကြောင်း ဇန်န၀ါရီ ၉ ရက်ရက်စွဲဖြင့် နိုင်ငံတော်သမ္မတရုံးက ထုတ်ပြန်ကြေညာခဲ့ခြင်း ဖြစ်သည်။
 
The Ladies News
 

 

Vote: 
No votes yet

Add new comment