အမျိုးသား စီမံကိန်းဥပဒေကြမ်း၊ ၂၀၁၈ ခုနှစ်၊ ပြည်ထောင်စု၏ ဘဏ္ဍာငွေအရ အသုံးဆိုင်ရာ ဥပဒေကြမ်းနှင့် အခွန်အကောက် ဥပဒေကြမ်းတို့ လာမည့်လွှတ်တော်အစည်းအဝေးတွင် အတည်ပြုနိုင်ရေး ဆောင်ရွက်မည်

ပြန်လည်ကျင်းပတော့မည့် လွှတ်တော်အစည်းအဝေးတွင် အမျိုးသား စီမံကိန်းဥပဒေကြမ်း၊ ၂၀၁၈ ခုနှစ်၊ ပြည်ထောင်စု၏ ဘဏ္ဍာငွေအရ အသုံးဆိုင်ရာ ဥပဒေကြမ်း နဲ့ ၂၀၁၈ ခုနှစ်၊ ပြည်ထောင်စု၏ အခွန်အကောက် ဥပဒေကြမ်းတို့အား အတည်ပြုပြဋ္ဌာန်း နိုင်ရေးအပါအဝင် အခြားဦးစားပေးရမယ့် လွှတ်တော်ဆိုင်ရာ လုပ်ငန်းများကို ဆောင်ရွက် သွားမည်ဖြစ်ကြောင်း၊ ပြည်ထောင်စုလွှတ်တော် နာယက၊ အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းက ပြောသည်။
 
ဒုတိယအကြိမ် လွှတ်တော် အသီးသီး၏ သတ္တမပုံမှန်အစည်းအဝေးများ အောင်မြင်စွာ ကျင်းပနိုင်ရေးအတွက် ဗဟိုကော်မတီနှင့် လုပ်ငန်းကော်မတီများ၏ လုပ်ငန်းညှိနှိုင်း အစည်းအဝေးတွင် ၎င်းက ပြောကြားခဲ့ခြင်းဖြစ်သည်။
 
ထို့အတူ လွှတ်တော် အစည်းအဝေးများကျင်းပရေး ဗဟိုကော်မတီနာယက၊ ပြည်သူ့လွှတ်တော် ဥက္ကဋ္ဌ ဦးဝင်းမြင့်က ကျင်းပပြုလုပ်ခဲ့သည့် လွှတ်တော် ပုံမှန်အစည်းအဝေးများတွင် ဝန်ကြီးဌာန အသီးသီးအနေဖြင့် လွှတ်တော်နှင့် နားလည်မှုရှိစွာ ပူးပေါင်းဆောင်ရွက် ပေးခဲ့သည့်အတွက် ကျေးဇူးတင်ရှိကြောင်း၊ လွှတ်တော် လုံခြုံရေးနှင့်စပ်လျဉ်း၍ သက်ဆိုင်ရာ ဝန်ကြီးဌာန အဖွဲ့အစည်းများက အလေးထား ဆောင်ရွက်ပေးလျက် ရှိသည်ကိုလည်း အထူး အသိအမှတ်ပြုကြောင်း၊ တက်ရောက်လာကြသည့် ဌာနအဖွဲ့အစည်း အသီးသီးမှဝန်ကြီးများ၊ ဒုတိယဝန်ကြီးများနှင့် တာဝန်ရှိသူများကို ကျေးဇူးတင်ရှိကြောင်းနှင့် လွှတ်တော်နှင့် အပြန်အလှန် နားလည်မှုရှိခြင်းသည်လည်း ကောင်းမွန်သည့် အစဉ်အလာဖြစ်ကြောင်း ပြောကြားခဲ့သည်။
 
ဒုတိယအကြိမ် လွှတ်တော်အသီးသီး၏ သတ္တမပုံမှန်အစည်းအဝေးများကို ၂၀၁၈ ဇန်နဝါရီလ ၁၅ ရက်တွင် ကျင်းပရန် ကြေညာထားပြီး ဖြစ်သည်။
 
The Ladies News

 

Vote: 
No votes yet

Add new comment