ရန်ကုန်တက္ကသိုလ်တွင် သဘာဝပတ်ဝန်းကျင် သိပံ္ပဘာသာရပ် ဖွင့်လှစ်သင်ကြားရန်ရှိဟုဆို

ရန်ကုန်တက္ကသိုလ် ရုက္ခဗေဒဌာနအနေဖြင့် သဘာဝပတ်ဝန်းကျင် သိပ္ပံ (Environmental Science) ဘာသာရပ်အား ဖွင့်လှစ်သင်ကြားသွားရန် ရှိကြောင်း ရန်ကုန်တက္ကသိုလ် ရုက္ခဗေဒဌာန ပါမောက္ခဌာနမှူး ဒေါက်တာအေးဖေက ပြောသည်။
 
ဌာနအနေဖြင့် ဘာသာရပ်များ အပြန်အလှန် ပေါင်းစပ်သင်ကြားနိုင်မည့် Interdisciplinary သင်တန်းတစ်ခုဖြစ်သည့် နိုင်ငံအတွက် အထူးလိုအပ်သည့် သဘာဝ ပတ်ဝန်းကျင်ဆိုင်ရာ သိပ္ပံ (Environmental Science)ဘာသာရပ်ကို ဖွင့်လှစ်နိုင်ရေးအတွက် သက်ဆိုင်ရာ အဆင့်ဆင့်သို့ တင်ပြထားပြီး ခွင့်ပြုချက်ကျသည့်နှင့် ဖွင့်လှစ်သွားရန်ရှိကြောင်း ဆိုသည်။
 
Environmental Science မတိုင်ခင် ၀ိဇ္ဇာဘာသာရပ် ဆက်နွယ်သည့် Environmental Studies ဘာသာရပ်အား ၂၀၀၁ ခုနှစ်က စတင်ပြီး မြန်မာနိုင်ငံရှိ တက္ကသိုလ်များအချို့တွင် သင်ကြားခြင်းများရှိသည်။ ၎င်း Environmental Studies ဘာသာရပ် သင်တန်းအား ဒုတိယနှစ် အောင်မြင်ပြီးသည့် မည့်သည့် သိပ္ပံ၊ ၀ိဇ္ဇာ ဘာသာရပ်များမှ ကျောင်းသားအနေဖြင့် တက်ရောက်ခွင့် ရှိကြောင်း သိရသည်။
 
အဆိုပါ Environmental Studies အား သိပ္ပံဘာသာရပ်ဆိုင်ရာ ဘာသာရပ် ၇ ခုနှင့်၊ ၀ိဇ္ဇာဘာသာရပ်နှင့် လူမှုရေးဘာသာရပ် ၃ ခုတို့ဖြင့် သင်ရိုးရေးဆွဲထားသည့် Environmental Science အဖြစ်ပြောင်းလဲကာ စတင်ဖွင့်လှစ်နိုင်ရန် သက်ဆိုင်ရာ ၀န်ကြီးဌာနသို့ ခွင့်ပြုချက်တင်ထားကြောင်း ပြောသည်။
 
ဒေါက်တာအေးဖေက “Environmental Science က Environmental Studies အနေနဲ့ရှိပြီးသားပါ။ ဒုတိယနှစ်အောင်ပြီးတော့ ဒုတိယနှစ်က ဘယ်မေဂျာကပဲ အောင်အောင်၊ သိပ္ပံအောင်အောင်၊ ၀ိဇ္ဇာအောင်အောင် အောင်လာတဲ့ ကလေးတွေကို Environmental Studies စိတ်ဝင်စားရင် တက်ခွင့်ပေးခဲ့ပါတယ်။ ဒီဘာသာရပ်ကို ကျွန်တော်တို့အနေနဲ့ Environmental Science အဖြစ် ပြောင်းလဲသင်ကြားနိုင်အောင် ခွင့်ပြုချက်တော့ တင်ထားပြီးဖြစ်တယ်။ ခွင့်ပြုခဲ့ရင်တော့ တတိယနှစ်ကစပြီး Environmental Science အတန်းကို စပြီးဖွင့်မှာဖြစ်တယ်။ အဲ့ဒီဟာကို ဌာနကပဲဦးစီးပြီး လုပ်သွားမှာဖြစ်ပါတယ်”ဟု ပြောသည်။
 
နိုင်ငံတကာတွင် သဘာဝပတ်ဝန်းကျင် အရေးကိစ္စနှင့် ပတ်သက်ပြီး လေ့လာသင်ကြားသူများ အတွက် Environmental Studies ဆိုသည်မှာ လူသိနည်းပြီး Environmental Science အား လူသိများပြီး ပညာသင်များ ခေါ်ယူခြင်း၊ အကူအညီပေးခြင်းများ ရှိကြောင်း ဆိုသည်။ သဘာဝ ပတ်ဝန်းကျင်အရေး အာရုံစိုက်လာသည့် ကာလတွင် နိုင်ငံအတွက် အထူးလိုအပ်လာခြင်း၊ တောင်းဆိုမှုများ ရှိနေခြင်းတို့ကြောင့် Environmental Science အား ဖွင့်လှစ်ရန် ရည်ရွယ်ခြင်းဖြစ်ကြောင်း ထပ်လောင်းပြောဆိုသည်။
 
သင်တန်းသား ခေါ်ယူမည့် အရည်အချင်းနှင့် ပတ်သက်ပြီး ဒေါက်တာ အေးဖေက “တတိယနှစ်မှ စမယ်။ ဒုတိယနှစ်အောင်ပြီး ဖြစ်ရမယ်။ ဒုတိယနှစ် အောင်ပြီးသားမှာ ၀ိဇ္ဇာသိပံ္ပ ဘာနဲ့အောင်အောင် စိတ်ပါဝင်စားလို့ရှိရင် တက်ချင်တယ်ဆိုရင် လျှောက်လို့ရတယ်။ လျှောက်ရင် ၀င်ခွင့်စစ်မှာ ၀င်ခွင့်ဖြေရမှာဖြစ်တယ်”ဟု ပြောသည်။
 
လက်ရှိတွင် ရန်ကုန်တက္ကသိုလ် ၌ သဘာဝ ပတ်ဝန်းကျင်အရေး စိတ်ပါဝင်စားသည့် တက္ကသိုလ်ဘွဲ့ရပြီးသူများနှင့် စတုတ္တနှစ်အောင်သူများ အနေဖြင့် လေ့လာသင်ကြားလိုပါက Environmental Studies ဘာသာရပ်အား လူသားအရင်းအမြစ် ဖွံ့ဖြိုးရေး သင်တန်း-HRD အနေဖြင့် သင်တန်းသားများ ခေါ်ယူခြင်းများရှိကြောင်း သိရသည်။
 
ယခုပညာသင်နှစ်တွင် လျှောက်ထားသူ ၂၅၀ ကျော်တွင် ကျောင်းသား ၃၀ ဦး လက်ခံ ပညာသင်ကြားပေးလျှက်ရှိကြောင်း ပြောပြချက်အရ သိရသည်။
 
The Ladies News
 

 

Vote: 
No votes yet

Add new comment