စိုက်ပျိုးရေးကဏ္ဍတွင် နည်းပညာများ တိုးတက်လာစေရန် Farmer’s Field School များ ဖွင့်လှစ်နိုင်ရေး ဆောင်ရွက်မည်

စိုက်ပျိုးရေးကဏ္ဍတွင် နည်းပညာများ တိုးတက်လာစေရန် Farmer’s Field School များ ဖွင့်လှစ်နိုင်ရေး ဆောင်ရွက်သွားမည် ဖြစ်ကြောင်း စိုက်ပျိုး ရေး၊ မွေးမြူရေးနှင့် ဆည်မြောင်း ဒု-ဝန်ကြီး ဦးလှကျော် က နိုဝင်ဘာ ၂၂ ရက်တွင် ပြောသည်။
 
ပြည်သူ့လွှတ်တော် အစည်းအဝေးတွင် လဟယ် မဲဆန္ဒနယ်မှ ဦးသက်နောင် က စိုက်ပျိုးရေးကဏ္ဍ၌ နည်းပညာများ တိုးတက်လာစေရန်၊ ဒေသခံပြည်သူများ လက်တွေ့ လုပ်ကိုင်လာနိုင်စေရန် အတွက် Farmer’s Field School Programme များဖြင့် အထူးစီမံချက်ချမှတ် အကောင် အထည်ဖော် ဆောင်ရွက်ပေးရန် မေးမြန်းခဲ့မှုကို ပြန်လည် ဖြေကြားရာ တွင် ထည့်သွင်းပြောဆိုခဲ့ခြင်း ဖြစ်သည်။
 
လဟယ်ဒေသရှိဒေသခံ ပြည်သူများ စိုက်ပျိုးရေးကဏ္ဍတွင် နည်းပညာများ တိုးတက်လာစေရန်နှင့် လက်တွေ့လုပ်ကိုင် လာနိုင်စေရန် အတွက် Farmer’s Field School များကိုလည်း ကျေးလက်ဒေသ ဖွံ့ဖြိုးရေးဦးစီး ဌာန၊ မွေးမြူရေးနှင့် ကုသရေးဦးစီးဌာန၊ ပတ်ဝန်ကျင်ထိန်းသိမ်းရေး ဦးစီးဌာနများနှင့် ညှိနှိုင်း၍ ဖွင့်လှစ်နိုင်ရေးအတွက် ဆောင်ရွက် သွားမည် ဖြစ်သည်။
 
အဆိုပါ Farmer’s Field School များတွင် (SALT) တောင်စောင်း စိုက်ပျိုးနည်းစနစ်တွင် အကောင်အထည်ဖော် စိုက်ပျိုးမည့် သီးနှံများအပါအဝင် စပါး၊ ပဲမျိုးစုံ၊ ဆီထွက်သီးနှံများနှင့် ပတ်သက်၍ လည်းကောင်း၊ စိုက်ပျိုးနည်း စနစ်ဆိုင်ရာ အလေ့အကျင့်ကောင်းများ (Good Agriculture Practice - GAP) ကိုလည်းကောင်း၊ မျိုးကောင်းမျိုးသန့် သုံးစွဲစိုက်ပျိုးရေး၊ သဘာဝမြေသြဇာနှင့် ဓါတ်မြေသြဇာ စနစ်တကျ သုံးစွဲနည်းစနစ်များနှင့် သီးနှံပိုးမွှားရောဂါ ကာကွယ်နှိမ်နှင်းရေး နည်းစနစ်များ ကိုလည်းကောင်း တိုင်းဒေသကြီးအဆင့် ကျွမ်းကျင်ပညာရှင်များမှ (၁) နှစ်လျှင် (၄) ကြိမ်ခန့်၊ ခရိုင်အဆင့် ကျွမ်းကျင်ပညာရှင်များမှ လစဉ်နှင့် ဒသမှာရှိသည့် မြို့နယ်အဆင့် စိုက်ပျိုးရေး ပညာရှင်များမှ ပညာပေးလုပ်ငန်းများအား အနီးကပ်ထိတွေ့ ဆောင်ရွက်သွားမည် ဖြစ်ကြောင်း ဒုတိယ၀န်ကြီး ဦးလှကျော်က ပြောကြားခဲ့သည်။
 
The Ladies News

 

Vote: 
Average: 2 (1 vote)

Add new comment