လွှတ်တော်ဥက္ကဋ္ဌ ဦးဝင်းမြင့်က လယ်သိမ်း၊ ယာသိမ်းကိစ္စများနှင့် ပတ်သက်၍ တိတိကျကျ ဖြေကြားပေးရန် ပြောကြား

လယ်သိမ်း၊ ယာသိမ်းကိစ္စများနှင့် ပတ်သက်၍ လွှတ်တော်အတွင်း ကိုယ်စားလှယ်များ ဆွေးနွေးနေသည်မှာ အာပေါက်တော့မည် ဖြစ်၍ ၀န်ကြီးဌာနများအနေဖြင့် သဘောပေါက်ရန် လိုပြီဖြစ်ကြောင်း ပြည်သူ့လွှတ်တော် ဥက္ကဋ္ဌ ဦးဝင်းမြင့်က နိုဝင်ဘာ ၂၂ ရက် ပြည်သူ့လွှတ်တော် အစည်းအဝေးတွင် ပြောကြားလိုက်သည်။
 
“လယ်ယာမြေနဲ့အခြားမြေများ သိမ်းဆည်းခံရမှုများနဲ့ စပ်လျဉ်းပြီးတော့ ကျွန်တော်တို့ကိုယ်စားလှယ်တွေ အောက်ခြေမှာ ထဲထဲဝင်ဝင် ထိထိ ရောက်ရောက် ထိတွေ့ပြီးတော့ အောက်ခြေရဲ့ အခြေအနေမှန်ကို သိပြီးတော့ လွှတ်တော်ထဲမှာ ပြောနေတာ ကိုယ်စားလှယ်တွေ အာပေါက်တော့ပါမယ်။ ၀န်ကြီးဌာနတွေ သဘောပေါက်ဖို့တော့ လိုပါပြီ ဒါကျွန်တော် ပွင့်ပွင့်လင်းလင်းပြောတာ” ဟု ဦးဝင်းမြင့်က ပြောသည်။
 
လယ်ယာမြေနှင့် သိမ်းဆည်းခံရမှု ပြန်လည်စိစစ်သည့်အခါတွင် ပြန်လည်စွန့်လွှတ်ရမည့် မူဝါဒများ စိစစ်ရမည့် အချက်များ၊ လွှတ်တော်၏ ဆုံးဖြတ်ချက်များကို ရှင်းရှင်းလင်းလင်း ချပြခဲ့ပြီးဖြစ်ကြောင်းလည်း ဦးဝင်းမြင့်က ပြောသည်။
 
“လွှတ်တော်ရဲ့ ဆုံးဖြတ်ချက်ကို ရှင်းရှင်းလင်းလင်း ပေးပို့ထားရဲ့သားနဲ့ ဒီမူဝါဒတွေကို မရှင်းမလင်း မပြတ်သားအောင် ပုံပျက်ပန်းပျက် ပြန်လည်ပြီးတော့ ချမှတ်တာမျိုးတော့ ကျွန်တော်တို့ လက်မခံနိုင်ပါဘူး။ ဒါဟာ လွှတ်တော်ရဲ့ ဆုံးဖြတ်ချက်ပါ။ လွှတ်တော်ရဲ့ ဆုံးဖြတ်ချက်ကို ၀န်ကြီးဌာနများ လိုက်နာရမှာ ဖြစ်ပါတယ်။ မပြတ်မသား မရှင်းလင်းတွေ ဖြစ်တဲ့အခါကျတော့ အခုနက ကိုယ်စားလှယ်တွေဆွေးနွေးသလို အောက်ခြေမှာ လယ်သမားတွေက အသိမ်းလည်းခံရတယ်၊ တရားလည်း အစွဲခံရတယ်၊ ထောင်လည်း ကျခံရတယ်။ ကိုယ်သာ အဲ့ဒီနေရာမှာ ဆိုရင် ကိုယ်ဘယ်လို ခံစားမလဲ၊ ဘယ်လိုနေမလဲဆိုတာ စဉ်းစားဖို့တော့လိုပါ တယ်၊ ဒါကျွန်တော် ပွင့်ပွင့်လင်းလင်း ပြောပါမယ်” ဟု ဦးဝင်းမြင့်က ပြောသည်။
 
ကိုယ်စားလှယ်များ အနေဖြင့် ၎င်းတို့၏ မဲဆန္ဒနယ်များတွင် အောက်ခြေ၌ အမှန်တကယ် ဖြစ်ပျက် နေသည်များကို သိ၍ အခြေအနေမှန်များကို လွှတ်တော်တွင် အာပေါက်လောက်အောင် ပြောနေသော်လည်း ၀န်ကြီး ဌာနအနေဖြင့် ပြန်လည်ဖြေကြားသည့် အခါတွင် မူဝါဒသဘော ထားများ ကို ယေဘူယျခြုံငုံ၍ အပေါ်ယံ ဖြေသည်ထက် မူဝါဒများ စိစစ်ရမည့် အချက်များအပေါ် အကောင်အထည်ဖော်ရန် ထိထိရောက်ရောက် ဆောင်ရွက်ပေးရန် လိုသည်ဟုလည်း ပြောကြားခဲ့သည်။
 
“ဒုတိယအကြိမ် လွှတ်တော်သက်တမ်းရဲ့ ကာလ ၂ နှစ်ပြည့်တော့မယ်။ ဒီကိစ္စတွေ ဆွေးနွေးနေတာ ဘယ်နှရာခိုင်နှုန်း ပြန်လည် ပေးပြီးလို့ ဘယ်နှရာခိုင်နှုန်း စွန့်လွှတ်ပြီးလို့ ဘယ်နှရာခိုင်နှုန်း စိစစ်ပြီးပြီလဲ တိတိကျကျ ကျွန်တော်တို့ ဖြေဖို့တော့ နောင်ကိုလိုပါလိမ့်မယ်။ ဒါကြောင့်မို့လို့ ဒီအဆိုတွေက တိုင်းနဲ့ ပြည်နယ် အသီးသီးမှာ ဖြစ်နေ တယ်။ မြို့နယ် အသီးသီးမှာ ဖြစ်နေတယ်၊ နေရာဒေသတစ်ခု တည်းမှာ ဖြစ်နေတာမဟုတ်ပါဘူး။ ကိုယ်စားလှယ်တွေ အားလုံး ဆွေးနွေးနေတာ။ ဒီမှာ ကြားရတာတင်လည်း ယိုသူမရှက် မြင်သူရှက် ဖြစ်နေပြီ။ ဒါကြောင့်မိုလို့ ဒီဟာနဲ့ ပတ်သက်လို့ တော့ လယ်ယာမြေနဲ့ အခြားမြေများ သိမ်းဆည်းခံရမှု ပြန်လည် စိစစ်ရေးနဲ့ပတ်သက်လို့တော့ ထိထိရောက်ရောက် အကောင်အထည်ဖော် ဆောင်ရွက်ပေးပါ။ လွှတ်တော်အနေနဲ့လည်း မှတ်တမ်းတင်ပြီး မျက်ခြေမပြတ် လေးလေး နက်နက် စောင့်ကြည့်မည် ဖြစ်ကြောင်း အားလုံးကို ပြောကြားအပ်ပါတယ်” ဟု လွှတ်တော်ဥက္ကဋ္ဌ ဦးဝင်းမြင့်က ပြောကြားခဲ့သည်။
 
ပြည်သူ့လွှတ်တော် အစည်းအဝေးတွင် ဦးထွန်းထွန်းနိုင်၊ ကနီ မဲဆန္ဒနယ်ကိုယ်စားလှယ် တင်သွင်းသည့် “သစ်တောကြိုးဝိုင်း၊ ကြိုးပြင်ကာကွယ် တောများနှင့် မြေလွတ်၊ မြေလပ်၊ မြေရိုင်းများတွင် လုပ်ပိုင်ခွင့် ခွင့်ပြုချက် အမျိုးမျိုးဖြင့် မြေလက်ဝါးကြီးအုပ် ရယူထားမှုများ၌ ကာလအတန်ကြာ လုပ်ကိုင်ခဲ့ကြသော မူလတောင်သူများနှင့် လုပ်ပိုင်ခွင့် ရထားသူများအကြား မြေယာ အငြင်းပွားမှုများကို လယ်ယာမြေနှင့် အခြား မြေများ သိမ်းဆည်းခံရမှုများ ပြန်လည် စိစစ်ရေး ကော်မတီများဖြင့် ပြန်လည် စိစစ်ဖြေရှင်းပေးနိုင်ပါရန် ပြည်ထောင်စုအစိုးရအား တိုက်တွန်း ကြောင်း” အဆိုကို ကိုယ်စားလှယ် ခြောက်ဦးက ဆွေးနွေးပြီး စိုက်ပျိုးရေး၊ မွေးမြူရေးနှင့် ဆည်မြောင်း ၀န်ကြီးဌာနက အဆိုအား မှတ်တမ်းတင်သင့်ကြောင်း ရှင်းလင်းခဲ့ကာ၊ အဆိုရှင်ကလည်း မှတ်တမ်းတင် စောင့်ကြည့်ပေးရန် ရှင်းလင်း ပြောကြားခဲ့ပြီး လွှတ်တော်၏ သဘောဆန္ဒရယူရာ သဘောမတူသူ မရှိသည့်အတွက် လွှတ်တော်က မှတ်တမ်းတင် စောင့်ကြည့်မည် ဖြစ်ကြောင်း ကြေညာခဲ့ပြီးနောက်တွင် လွှတ်တော်ဥက္ကဋ္ဌ ဦးဝင်းမြင့်က ထိုသို့ ပြောကြားခဲ့ခြင်း ဖြစ်သည်။
 
The Ladies News
 

 

Vote: 
No votes yet

Add new comment