လုပ်ငန်းလိုအပ်ချက်အရ အလုပ်သမားလျှော့ချခံရသည့် စည်တော်ကြီး စက်ရုံမှ အလုပ်သမားများက ပြန်လည် ခန့်ထားရေး စုပေါင်းတောင်းဆို

စည်တော်ကြီးစက်ရုံမှ အလုပ်ထုတ်ခံရသည့် အလုပ်အကိုင် ပြန်လည် ရရှိရေးအတွက် အလုပ်သမားများက နိုဝင်ဘာ ၂၂ ရက် (ယနေ့) နံနက်ပိုင်းမှစတင်ကာ စက်ရုံအရှေ့တွင် စုပေါင်းတောင်းဆိုမှု ပြုလုပ်ခဲ့ကြသည်။
 
လိူင်သာယာမြို့နယ် စက်မှုဇုန်(၇) ရတနာသိဂီ င်္လမ်း အမှတ်(၁၁၁)၊ အောင်ဇေယျကြိုးတံတား အောက်က ကစင်ရပ်ကွက်တွင် ဖွင့်လှစ်ထား သည့် စည်တော်ကြီး လက်ဖက်စက်ရုံမှ ၂၀၁၇ နိုဝင်ဘာ ၁၇ ရက် တွင် စက်ရုံစဖွင့်စဉ် ကတည်းက အလုပ်လုပ်ကိုင်နေသည့် အလုပ်သမားများ အပါအဝင် အလုပ်သမား ၉၀ ဦးအား လုပ်ငန်း လိုအပ်ချက်အရ ဝန်ထမ်းအင်အား လျှော့သည်ဟု အကြောင်းပြကာ အလုပ်ဖြတ်ခဲ့ကြောင်း သိရသည်။
 
ထိုသို့ လုပ်ငန်းလိုအပ်ချက်အရ ဝန်ထမ်းအင်အား လျှော့ချပြီး အလုပ်ရှင် ဘက်မှ နေ့စား အလုပ်သမားများနှင့် အလုပ်သမားအသစ်များကို ခေါ်ယူလုပ်ကိုင်နေသည်။ လျှော့ချခံရသော အလုပ်သမား ၉၀ ဦးမှ အချို့ အလုပ်သမားများမှ နစ်နာကြေး ယူသော်လည်း အချို့အလုပ်သမားများမှာ အလုပ် ပြန်လည်ရရှိရေးအတွက် ယနေ့ (နိုဝင်ဘာ ၂၂ ရက်)တွင် စက်ရုံရှေ့၌ စုပေါင်းတောင်းဆိုခြင်း ဖြစ်ကြောင်း သိရသည်။
 
စုပေါင်းတောင်းဆိုသည့် အလုပ်သမားများထဲမှ မအိအိဖြိုးက "လုပ်သက်က ၆ နှစ်ကျော် ၇ နှစ်လောက် ရှိပါပြီ။ သူတို့က လူအင်အား လျှော့ချတယ်လို့ ပြောတယ်။ အရင်က လူအင်အား မလုံလောက်ပဲ နေ့စားတွေတောင် ခေါ်ခိုင်းပြီး လုပ်တာရှိခဲ့တယ်။ နေ့စားတွေခေါ်ခိုင်း တာတောင် မလုံလောက်တာကို လူအင်အား လျှော့ချတယ်ဆိုတာ ဘယ်လိုမှမဖြစ်နိုင်ဘူး။ ညီမတို့မှာ ဘာအပြစ်မှမရှိဘဲ အလုပ်ထုတ်လိုက် တာ ဖြစ်တယ်။ သူတို့ပစ္စည်းလည်း ခိုးယူတာမဟုတ်ဘူး၊ ဖျက်ဆီးတာ မဟုတ်တဲ့အတွက် ကိုယ်သိက္ခာအတွက် ဒီအလုပ်ကို ပြန်ရချင်လို့ အခုလို တောင်းဆိုရတာ ဖြစ်တယ်” ဟု ပြောသည်။
 
၎င်းစက်ရုံမှ လုပ်သား ၉၀ ဦးအား ဥပဒေအရ အလုပ်ထုတ် နစ်နာကြေးနှင့် တလကြိုတင် မပြောသည့်အတွက် တစ်လစာ နစ်နာကြေးများ ပေးသွားရန်ရှိကြောင်း သိရသည်။ ထိုကဲ့သို့ လုပ်သက်ရင့် လူဟောင်းများအား လုပ်ငန်းလိုအပ်ချက်အရ ဟုဆိုကာ အလုပ်ထုတ် နစ်နာကြေးပေးကာ ထုတ်ပယ် လိုက်သော်လည်း နောက်ပိုင်းတွင် နေ့စားလုပ်သားများ ပြန်လည်ခေါ်ယူခြင်းများ ရှိကြောင်း အလုပ်သမားများ၏ ပြောပြချက်အရ သိရသည်။
 
စုပေါင်းတောင်းဆိုရာတွင် ပါဝင်သည့် အလုပ်သမားတစ်ဦးက "နေ့စားလုပ်သားတွေခေါ်တာ ရှိတယ်။ သူတို့က လူဟောင်းနဲ့ လူသစ်လဲသလိုမျိုး ဖြစ်နေတယ်”ဟု ပြောသည်။
 
၎င်းတို့အနေဖြင့် အလုပ်အကိုင် ပြန်လည်ရရှိရေး လိုလားနေကြောင်း၊ အလုပ်ရှင်မှ ၎င်းတို့အား ညှိနှိုင်းပေးစေလိုကြောင်း ပြောသည်။
 
စက်ရုံရှေ့တွင် အလုပ်ထုတ်ခံရသည့် အလုပ်သမား ၉၀ ဦး အမည်နှင့်စာရင်းကို ကြေညာထားခြင်းများ ရှိပြီး ၂၀၁၇ နိုဝင်ဘာ ၂၀ ရက်မှ ၂၅ ရက်နေ့အထိ အလုပ်ထုတ် နစ်နာကြေးထုတ်ယူခြင်း မရှိသည့် အလုပ်သမားများအား မိမိသဘောဆန္ဒအရ အလုပ်ထွက်သည့်ဟု ယူဆသည်ဆိုသည့် စာကပ်ထားသည်ကို တွေ့ရသည်။
 
အဆိုပါစက်ရုံရှိ အလုပ်သမားများမှာ လုပ်ခလစာ တစ်သိန်းသုံးသောင်းဝန်းကျင်ဖြင့် လုပ်ကိုင်နေရပြီး မည်သည့်ခံစားခွင့်မျှ မရရှိကြောင်း အလုပ်သမားများကဆိုသည်။
 
အလုပ်သမားများ တောင်းဆိုသည့် ကိစ္စနှင့် ပတ်သက်ပြီး စက်ရုံတာဝန်ရှိသူများ တွေ့ဆုံခွင့်ရရန် ပြောကြားခဲ့ သော်လည်း ဖြေကြားမည် မဟုတ်ကြောင်း စက်ရုံဂိတ်ပေါက် တာဝန်ကျနေသူများက ပြောသည်။
 
စိုင်းဟန်
The Ladies News
 

 

Vote: 
No votes yet

Add new comment