မိုင်းထိ မသန်စွမ်းသူများအားလုံးကို ဆက်လက်ထောက်ပံ့သွားမည်

မသန်စွမ်းသူများအတွက် ထောက်ပံ့ငွေပေးအပ်ခြင်း အစီစဉ်အရ မိုင်းကြောင့် ထိခိုက်ခံစားရတဲ့သူများကို ငွေကြေးထောက်ပံ့ရေး အစီစဉ်များဆောင်ရွက်လျက်ရှိ ပြီး မိုင်းထိ မသန်စွမ်းသူများ အားလုံးကို ဆက်လက် ထောက်ပံ့ သွားမည်ဖြစ်ကြောင်း လူမှုဝန်ထမ်း ကယ်ဆယ် ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက နိုဝင်ဘာ ၁၅ ရက်တွင် ပြောကြားခဲ့သည်။
 
ပြည်သူ့လွှတ်တော် အစည်းအဝေးတွင် ကလေး မဲဆန္ဒနယ်မှ ဒေါ်အေးအေးမူ(ခ) ဒေါ်ရှားမီး က တိုင်းပြည် အနာဂတ် အကျိုးစီးပွား အတွက် မသန်စွမ်းမှုလျှော့ချရေး၊ ကူညီထောက်ပံ့ရေးနှင့် ကာကွယ်စောင့် ရှောက်ရေး လုပ်ငန်းများ ဆောင်ရွက်နေမှုနှင့် တိုးမြှင့်ဆောင်ရွက်ရန် အစီအစဉ်ရှိ၊ မရှိ မေးခွန်း၊အား ပြန်လည် ဖြေကြားရာတွင် ယင်းသို့ ထည့် သွင်း ပြောဆိုခဲ့ခြင်းဖြစ်သည်။
 
“မိုင်းကြောင့် ထိခိုက်ခံစားရတဲ့သူများကို ငွေကြေးထောက်ပံ့ရေး အစီ အစဉ်များ ဆောင်ရွက်လျက် ရှိပါတယ်။ အခု ၂၀၁၇-၂၀၁၈ ဘဏ္ဍာရေးနှစ် မှာ မိုင်းအန္တရာယ်ကြောင့် ထိခိုက်ဒဏ်ရာ ရရှိသူ တွေကို ထောက်ပံ့နေပါ တယ်။ ကချင်ပြည်နယ်မှာ ငါးဦး ကယားပြည်နယ်မှာ ခုနစ်ဦး ကရင်ပြည် နယ်မှာ ၈ ဦး ရှမ်းပြည်နယ်မှာ ၃၀ စုစုပေါင်း ၅၀ ဦးကို တစ်ဦးလျှင် နှစ်သိန်းနှုန်းဖြင့် ကျပ်သိန်း တစ်ရာ ထောက်ပံ့ခဲ့ပြီးဖြစ် ပါတယ်၊ အဲ့ဒီပြည် နယ်တွေ အတွင်းမှာ ကျန်ရှိတဲ့ မိုင်းထိ မသန်စွမ်းသူများ အားလုံးကို ဆက်လက် ထောက်ပံ့သွားမှာ ဖြစ်ပါတယ်”ဟု ဒေါက်တာဝင်းမြတ်အေးက ပြောကြားခဲ့သည်။
 
ထို့အတူ ပြည်ထဲရေးဝန်ကြီးဌာန၊ ကာကွယ်ရေးဝန်ကြီးဌာန တို့နှင့် ပူးပေါင်းပြီး မိုင်းအန္တရာယ် အသိပညာပေး လုပ်ငန်းများ၊ အကူအညီ ကိရိယာ မပါဘဲ သတင်းအချက်အလက် ကောက်ယူစုဆောင်းခြင်း တို့ကို လည်း ပူးပေါင်း ဆောင်ရွက်လျက်ရှိကြောင်း ဒေါက်တာဝင်းမြတ်အေးက ဆက်လက်ပြောကြားခဲ့သည်။
 
The Ladies News
 

 

Vote: 
Average: 4 (1 vote)

Add new comment