နှစ်ဖက်ခေါင်းဆောင်များ ယုံကြည်မှုပိုမိုရရှိရန်အတွက် စဉ်ဆက်မပြတ် တွေ့ဆုံနိုင်ရန် လိုအပ်သည်ဟု `၀` အဖွဲ့ (UWSA) ပြောကြား

အစိုးရဘက်နှင့် `၀` ခေါင်းဆောင်များကြား ယုံကြည်မှု ပိုမိုရရှိရန်အတွက် စဉ်ဆက်မပြတ် တွေ့ဆုံဆွေးနွေးနိုင်ရန် လိုအပ်ကြောင်းကို အစိုးရ ကိုယ်စားလှယ်အဖွဲ့နှင့် `၀` ခေါင်းဆောင်များ ဆွေးနွေးခဲ့ကြသည်ဟု လာရှိုးမြို့ ဆက်ဆံရေးရုံး တာဝန်ခံ ဦးညီရန်က The Ladies News သို့ ပြောကြားသည်။
 
`နှစ်ဖက် ခေါင်းဆောင်ပိုင်း ယုံကြည်မှုပိုမိုရရှိရန် အတွက် အမြဲတွေ့ဆုံနိုင် ဖို့ လိုအပ်တယ်လို့တော့ ဆွေးနွေးခဲ့ကြတယ်` ဟု ဦးညီရန်က ပြောကြား သည်။
 
နယ်စပ်ရေးရာဝန်ကြီး ဒုတိယဗိုလ်ချုပ်ကြီး ရဲအောင် ဦးဆောင်သော အစိုးရကိုယ်စားလှယ်အဖွဲ့နှင့် `၀`အဖွဲ့ ဒုဥက္ကဋ္ဌ ဦးရှောက်မင်းလျန် အပါ အ၀င် `၀`ထိပ်ပိုင်းခေါင်းဆောင်များနှင့် တွေ့ဆုံရာ၌ `၀` ခေါင်းဆောင် များ၏ ဆွေးနွေးချက်များကို ဦးညီရန်က ၄င်း၏ လှုမှုကွန်ရက် စာမျက်နှာ ပေါ်တွင် ဖော်ပြထားသည်။
 
`၀`အဖွဲ့ (UWSA) အနေဖြင့် ပြည်ထောင်စုမှ မည်သည့်အခါမှ ခွဲမထွက် ဘူးဆိုသည့် သဘောထားက်ို ဒုဥက္ကဋ္ဌ ဦးလျောက်မင်းလျန်က အစိုးရကိုယ် စားလှယ် အဖွဲ့ကို ပြောကြားခဲ့သည်ဟု လူမှုကွန်ရက် စာမျက်နှာပေါ်တွင် ဖော်ပြထားသည်။
 
ထို့အပြင် `၀` ပြည်နယ်အတွင်း လမ်းပန်းဆက်သွယ်ရေး ပိုမိုကောင်းမွန် စေရန် လမ်းသစ်များ ဖောက်လုပ်နိုင်ရန် အတွက် အစိုးရက လမ်းခင်း ကတ္တရာများ ပံ့ပိုးရန်၊ လျှပ်စစ်မီးရရှိနိုင်ရန် မိုင်းမောခရိုင် မန်တွန်းမြို့တွင် ကီလိုဝပ် ခြောက်သောင်း ထုတ်လုပ်နိုင်သော ရေအားလျှပ်စက်ရုံ တစ်ရုံ တည်ဆောက်ခြင်း နိုင်ငံတော်အစိုးရမှ ခွင့်ပြုပေးရန်၊ `၀`ကျောင်းသား လူငယ်များ လားရှိုး၊ မန္တလေး၊ ရန်ကုန်မြို့များသို့ သွားရောက်၍ ဆက်လက် ပညာသင်ကြားနိုင်ရန် အတွက် နိုင်ငံသား စိစစ်ရေးကတ်ပြာများ လူဝင်မှု ကြီးကြပ်ရေးဌာနမှ ထုတ်ပေးရန်တို့ကို အစိုးရကိုယ်စားလှယ်အဖွဲ့မှ တစ် ဆင့် အစိုးရထံ တောင်းဆိုကြောင်းကိုလည်း လူမှုကွန်ရက် စာမျက်နှာပေါ် တွင် ဖော်ပြထားသည်။
 
ထို့အပြင် မြောက်ပိုင်းမဟာမိတ် အဖွဲ့ဝင်များဖြစ်သည့် ကိုးကန့်အဖွဲ့ (MNDAA)၊ တအာင်းအဖွဲ့ (TNLA) ၊ ရခိုင် လက်နက်ကိုင် အဖွဲ့ (AA) တို့ကို ရှမ်းပြည်နယ် လွှတ်တော်မှ အကြမ်းဖက် အဖွဲ့အစည်းအဖြစ် သတ်မှတ်ထားမှုကို ပယ်ဖျက်ပေးရန်ကိ်ုလည်း တင်ပြသည်။
 
နိုင်ငံရေးဆွေးနွေးရာတွင် ငြိမ်းချမ်းရေးကိုယ်စားလှယ်မှ `၀` အဖွဲ့ (UWSP/ UWSA) အား NCA တွင် လက်မှတ်ရေးထိုးရန် ပြောကြားသည်။ ၄င်းကိစ္စနှင့်ပတ်သက်ပြီး ပြည်ထောင်စု နိုင်ငံရေး ဆွေးနွေးရေးကော်မတီ
(FPNCC) ၏ ယခင်က ထုတ်ပြန်ကြေညာ ထားသော နိုင်ငံရေးမှုဘောင်များ အတိုင်း ဆက်လက် လုပ်ဆောင်သွားမည် ဖြစ်ကြောင်း ဆွေးနွေးခဲ့ကြသည်ဟု ဦးညီရန်၏ လူမှုကွန်ရက် စာမျက်နှာပေါ်တွင် ဖော်ပြထားသည်။
 
`၀` အဖွဲ့နှင့် သွားရောက် တွေ့ဆုံနွေးဆွေးခဲ့သော အစိုးရ ကိုယ်စားလှယ် အဖွဲ့ဝင် ပါဝင်သည့် ငြိမ်းချမ်းရေး ကော်မရှင် (PC) မှ ဦးအောင်စိုးအား ဆွေးနွေးခဲ့မှုများနှင့် ပတ်သက်၍ The Ladies News က ဆက်သွယ် မေးမြန်ရာတွင် ၄င်းက ဆွေးနွေးခဲ့မှုများနှင့် ပတ်သက်ပြီး အစိုးရမှ သတင်းထုတ်ပြန်မည်ဟု ဆိုသည်။
 
နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်က ဦးဆောင်ကာ ငြိမ်းချမ်းရေး ကော်မရှင် ဒုဥက္ကဋ္ဌ ဦးသိန်းဇော်နှင့် အဖွဲ့ဝင်များ၊ တပ်မတော်မှ အဆင့်မြင့် အရာရှိကြီးများ၊ ပြည်နယ်အစိုးရ အဖွဲ့ဝင်များ ပါဝင်သည့် ကိုယ်စားလှယ်အဖွဲ့သည် နိုဝင်ဘာလ ၁၀ ရက်မှ ၁၃ ရက်အထိ `၀`နှင့် မိုင်းလား ဒေသမှ ခေါင်းဆောင်များနှင့် ဖွံ့ဖြိုးရေးနှင့် ငြိမ်းချမ်းရေးနှင့် ပတ်သက်သည့် ကိစ္စရပ်များကို ဆွေးနွေးခဲ့ကြသည်။
 
အောင်ရဲနောင်
The Ladies News
 

 

Vote: 
No votes yet

Add new comment