စတုတ္ထအကြိမ် မြန်မာ-ဘင်္ဂလားဒေ့ရ်ှနှစ်နိုင်ငံ နယ်ခြားစောင့်တပ်ဖွဲ့များ လုံခြုံရေးနှင့် တရားဥပဒေ စိုးမိုးရေး ပူးပေါင်းဆောင်ရွက်မှုဆိုင်ရာ ဗဟို အဆင့်အစည်းအဝေး ပြုလုပ်

စတုတ္ထအကြိမ် မြန်မာ-ဘင်္ဂလားဒေ့ရ်ှနှစ်နိုင်ငံ နယ်ခြားစောင့် တပ်ဖွဲ့များ လုံခြုံရေးနှင့် တရားဥပဒေစိုးမိုးရေး ပူးပေါင်း ဆောင်ရွက်မှုဆိုင်ရာ ဗဟိုအဆင့် အစည်းအဝေးကို နိုဝင်ဘာလ ၁၄ ရက်နေ့ ၁၃၀၀ နာရီတွင် နေပြည်တော်၊ သင်္ဂဟဟိုတယ်၊ Grand Ballroom II ၌ ကျင်းပပြုလုပ် ခဲ့ကြောင်း သိရသည်။
 
အစည်းအဝေးတွင် တတိယအကြိမ် မြန်မာနိုင်ငံရဲတပ်ဖွဲ့နှင့် ဘင်္ဂလား ဒေ့ရ်ှနယ်ခြားစောင့် တပ်ဖွဲ့တို့၏ နယ်စပ်ဆိုင်ရာ အစည်းအဝေး သဘော တူညီချက်များမှ ဆောင်ရွက်ရန် အချက်များ၊ နယ်စပ်ဒေသ၌ တရားဥပဒေ စိုးမိုးရေးနှင့် လုံခြုံမှုရှိစေရေး အတွက် နှစ်နိုင်ငံ ပူးပေါင်းဆောင်ရွက်မှု တိုးမြှင့် အကောင်အထည်ဖော်ရန်များ၊ နယ်စပ်ဒေသတွင် တာဝန် ထမ်းဆောင်သော တပ်ရင်းမှူးအဆင့်၊ ကွပ်ကဲရေးမှူးအဆင့် ပုံမှန် အလံတင် အစည်းအဝေးများ ကျင်းပပြုလုပ်၍ ဆွေးနွေးညှိနှိုင်းရေး၊ အချိန်နှင့်တစ်ပြေးညီ သတင်းဖလှယ်ခြင်းနှင့် အပြန်အလှန် ဆက်သွယ် မှုများ အလေးထား ဆောင်ရွက်ရေး၊ နှစ်နိုင်ငံနယ်စပ် တစ်လျောက် ဟန်ချက်ညီပူးပေါင်း ကင်းလှည့်ခြင်းကို စဉ်ဆက်မပြတ် ပြုလုပ်ရေး၊ နိုင်ငံဖြတ်ကျော် မှုခင်းများ တိုက်ဖျက်ရေးနှင့် စပ်လျဉ်း၍ အကြမ်းဖက်မှု၊ မူးယစ်ဆေးဝါးမှု၊ လူကုန်ကူးမှုများ တားဆီးနှိမ်နင်းရေးတွင် ထိရောက်မှု ရှိသည့် ပူးပေါင်းဆောင်ရွက်မှုများ တိုးမြှင့် ဖော်ဆောင်နိုင်ရေး၊ တရား မဝင် ငါးခိုးဖမ်းခြင်းဆိုင်ရာ ကိစ္စရပ်များ၊ ARSA အကြမ်းဖက်အဖွဲ့မှ အကြမ်းဖက်သမားများ ဖမ်းဆီးခြင်းနှင့် လွှဲပြောင်း/ လက်ခံခြင်း ဆိုင်ရာ များ ပူးပေါင်းဆောင်ရွက်ရေး၊ တရားမဝင် နယ်စပ်ဖြတ်ကျော် ဝင်ရောက်မှု များကို ထိရောက်စွာ ထိန်းချုပ်နိုင်ရေး၊ နယ်စပ် ဆက်ဆံရေးရုံး (BLO) အပြန်အလှန် ဖွင့်လှစ်ထူထောင်ရေး ရင်းနှီးပွင့်လင်းစွာ ဆွေးနွေး ခဲ့ကြကြောင်း သိရသည်။
 
အဆိုပါ အစည်းအဝေးပွဲသို့ မြန်မာနိုင်ငံရဲတပ်ဖွဲ့၊ ရဲဦးစီးအရာရှိချုပ်၊ ရဲမှူးချုပ် မျိုးဆွေဝင်း နှင့် မြန်မာ နိုင်ငံရဲတပ်ဖွဲ့မှ အဆင့်မြင့်အရာရှိကြီးများ၊ နိုင်ငံခြားရေးဝန်ကြီးဌာန၊ ပြည်ထဲရေးဝန်ကြီးဌာန၊ ကာကွယ်ရေး ဝန်ကြီးဌာန၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန တို့မှ အဆင့်မြင့်အရာရှိကြီးများနှင့် ဘင်္ဂလားဒေ့ရ်ှနိုင်ငံဘက်မှ နယ်ခြားစောင့် တပ်ဖွဲ့ ညွှန်ကြားရေးမှူးချုပ် Mr. Abul Hossain, ndc, psc, P Eng၊ ဝန်ကြီးချုပ်ရုံးနှင့် နိုင်ငံခြားရေး ဝန်ကြီး ဌာနတို့မှ အဆင့်မြင့်အရာရှိကြီးများ တက်ရောက်ခဲ့ကြောင်း သိရသည်။
 
The Ladies News
 

 

Vote: 
No votes yet

Add new comment