တိုင်းပြည်စည်းလုံး ညီညွတ်မှုကို ပျက်ပြားစေနိုင်သည့် မည်သည့် ကိစ္စမျိုးကိုမဆို တပ်မတော်က လက်ခံမည်မဟုတ်ဟု တပ်မတော် ကာကွယ်ရေးဦးစီးချုပ် ဆို

ရခိုင်ပြည်နယ် အရေးကိစ္စနှင့် ပတ်သက်၍ တပ်မတော်အနေဖြင့် တိုင်းပြည် ၏ အချုပ်အခြာအာဏာ တည်တံ့ခိုင်မြဲရေး အတွက် နိုင်ငံတော် အစိုးရထံ တင်ပြ၍ ဥပဒေနှင့်အညီ လုပ်သင့်လုပ်ထိုက်သည်များကိုသာ ဆောင်ရွက်နေခြင်းဖြစ်ပြီး တိုင်းပြည်စည်းလုံး ညီညွတ်မှုကို ပျက်ပြား စေနိုင်သည့် မည်သည့် ကိစ္စမျိုးကိုမဆို တပ်မတော်က လက်ခံမည် မဟုတ်ကြောင်း တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က နိုဝင်ဘာ ၁၄ ရက်တွင် ပြောကြားခဲ့သည်။
 
တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ကလောတပ်နယ်ရှိ စစ်ဦးစီးတက္ကသိုလ်မှ သင်တန်းသား အရာရှိကြီးများကို တွေ့ဆုံအမှာစကား ပြောကြားရာတွင် ယင်းသို့ ထည့်သွင်း ပြောကြား ခဲ့ခြင်း ဖြစ်သည်။
 
ရခိုင်ပြည်နယ် အရေးကိစ္စနှင့်ပတ်သက်၍ ဖြစ်စဉ်မှန်များကို နိုင်ငံတကာ အစိုးရ၊ အဖွဲ့အစည်းများနှင့် မီဒီယာများက အမှန်အတိုင်း သိရှိခြင်း မရှိသောကြောင့် ၎င်းတို့သိရှိစေရန်အတွက် မိမိတို့အနေဖြင့် ကျယ်ကျယ် ပြန့်ပြန့် လုပ်ဆောင်နိုင်ရန် လိုကြောင်း၊ အစိုးရနှင့် တပ်မတော်အနေဖြင့် ရခိုင်ပြည်နယ်အတွင်း လူသားချင်းစာနာ ထောက်ထားမှုဆိုင်ရာ ကိစ္စရပ် များကို ဥပဒေနှင့်အညီ ဆောင်ရွက် ပေးလျက်ရှိသော်လည်း လူ့အခွင့် အရေးချိုး ဖောက်မှုများ ရှိနေသည်ဟု စွပ်စွဲပြောဆိုမှုများ ရှိကြောင်းလည်း ၎င်းက ပြောကြားခဲ့သည်။
 
ထို့အတူ ဘင်္ဂလီများသာမက မည်သူမဆို နိုင်ငံသား ဖြစ်ခွင့်အား ၁၉၈၂ ခုနှစ်၊ နိုင်ငံသား ဥပဒေနှင့်အညီသာ ပေးသွားမည် ဖြစ်ကြောင်း၊ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားခဲ့သည်။
 
The Ladies News
 

 

Vote: 
No votes yet

Add new comment