ရခိုင်ပြည်နယ်အတွင်း ဆောက်လုပ်မည့် ဈေးသစ် ၅ ခုအတွက် တင်ဒါခေါ်ယူ

ရခိုင်ပြည်နယ်အတွင်း ဆောက်လုပ်မည့် ဈေးသစ် ငါးခုအတွက် တင်ဒါများ ကို ခေါ်ယူလျက်ရှိကြောင်း ရခိုင်ပြည်နယ် စည်ပင်သာယာရေး ၀န်ကြီး ဌာနက သတင်းထုတ်ပြန်ထားသည်။
 
ရခိုင်ပြည်နယ်ရှိ စစ်တွေမြို့၊ ကျောက်တော်မြို့၊ ရမ်းဗြဲမြို့၊ တောင် ကုတ်မြို့၊ ဂွမြို့များတွင် ဆောက်လုပ်မည့် အဆင့်မြင့် သုံးထပ်ဈေးများကို နိုဝင်ဘာလ ၁၆ နေ့၊ နံနက် ၁၀ နာရီတွင် တင်ဒါရောင်းချပေးမည် ဖြစ်ကြောင်း သိရသည်။
 
တင်ဒါတင်သွင်းမည့် ကုမ္ပဏီများသည် ရခိုင်ပြည်နယ် စည်ပင်သာယာရေး အဖွဲ့ရုံးတွင် တင်ဒါဝယ်ယူနိုင်မည်ဖြစ်ကာ တင်ဒါရောင်းချမည့် CD ချပ်များတွင် Preparation for construction project . 1/ Architectural design ၊ 2/ Soil Test ၊ 3/ Structure Design ၊ 4/ ELV Design (Electrical, Sanitary, Fire Fighting, CCTV) ၊ 5/ Estimating Cost. တို့ ပါဝင်ပြီးဖြစ်ပါမည်။ Cost တွင် မိမိတို့ဒေသပေါက်ဈေးများ ရေးသွင်းပြီး ကုမ္ပဏီမှ လုပ်ကိုင်နိုင်မည့် ဈေးနှုန်းကို တင်သွင်းရမည်ဖြစ်သည်။ CD တစ်ချပ်လျှင် ၅ သိန်းကျပ်ဖြင့် ရောင်းချပေးမည်ဟုလည်း သိရသည်။
 
စည်ပင်သာယာရေးဝန်ကြီးဌာန၏ တွက်ချက်ထားသော ဈေးနှုန်းနှင့် အနီးစပ်ဆုံးကုမ္ပဏီအား ရွေးချယ်မည်ဖြစ်ကြောင်း ရခိုင်ပြည်နယ်၊ စည်ပင်သာယာရေးဝန်ကြီးဌာနထံက သိရသည်။
 
The Ladies News
 

 

Vote: 
No votes yet

Add new comment