မောင်တောဒေသ ပိုင်ရှင်မဲ့စပါးများ ရိတ်သိမ်း ရောင်းချပြီး မူလပိုင်ရှင် များထံ ပြန်လည်လွှဲပြောင်းပေးမည်

မောင်တောဒေသအတွင်း ပိုင်ရှင်မဲ့စပါးများ စနစ်တကျ ရိတ်သိမ်း ၊ရောင်း ချပြီး မူလပိုင်ရှင်များထံ ပြန်လည် လွှဲပြောင်းပေးရန် စီစဉ်ဆောင်ရွက် လျက်ရှိပြီး ရိတ်သိမ်း၊ ရောင်းချပြီး နိုင်ငံတော် ဘတ်ဂျက်သို့ ထည့်သွင်းမည် ဆိုသည့် သတင်းဖော်ပြချက်မှာ မှန်ကန်မှုမရှိကြောင်း သတင်း ထုတ်ပြန် ရေး ကော်မတီက နိုဝင်ဘာ ၁၄ ရက်တွင် ထုတ်ပြန်လိုက်သည်။
 
မောင်တောမြို့နယ် ကျေးရွာဒေသအလိုက် နေရပ်စွန့်ခွာသူများ၏ မိုးစပါး များ အချိန်မီ ရိတ်သိမ်း နိုင်ရေးအတွက် ရခိုင်ပြည်နယ် အစိုးရအဖွဲ့မှ ထိန်းသိမ်းရေး ကော်မတီဖွဲ့စည်း၍ မောင်တောဒေသ အတွင်းရှိ မိုးစပါးစိုက်ပျိုးထားသည့် ဧက ၄၅၂၈၆ ဧက အတွင်းရှိ မိုးစပါး များကို အောက်တိုဘာ ၂၈ ရက်မှ စတင်၍ ရိတ်သိမ်းခြွေလှေ့စက် ၄၄ စီးဖြင့် လတ်တလော ရင့်မှည့်နေသော မိုးစပါးများကို အလေအလွင့် ဖြစ်မသွား စေရန် ရိတ်သိမ်းခဲ့ရာ နိုဝင်ဘာ ၁၃ ရက် အထိ ၁၇၁၄ ဒဿမ ၂၄ ဧကကို ရိတ်သိမ်းပေးနိုင်ခဲ့သည်။
 
ထိုသို့ ရိတ်သိမ်းရာတွင် မြို့သူကြီးကျေးရွာအုပ်စု၊ ကံကျတောင်ကျေးရွာမှ ၄၈ ဒဿမ ၆ ဧက၊ ရာဇာဘီ ကျေးရွာမှ ၂၆ ဧက၊ သောင်ပိုင်ညာ ကျေးရွာ မှ ၂၄ ဒဿမ ၅ ဧက၊ ကံပူးကျေးရွာအုပ်စု ၊ ကံပူးကျေးရွာမှ ၃၂၇ ဒဿမ ၅ ဧက ၊ ကျောင်းတောင် ကျေးရွာအုပ်စု၊ ကျောင်းတောင် ကျေးရွာမှ ၄၇၆ ဒဿမ ၂ ဧက၊ ဝါးချကျေးရွာအုပ်စု၊ အုန်းတော ကျေးရွာမှ ၁၂၈ ဒဿမ ၉ ဧက၊ နွားရုံတောင် ကျေးရွာအုပ်စု၊ နွားရုံတောင်ကျေးရွာမှ ၂၀၃ ဒဿမ ၃၂ ဧက၊ အလယ်သံကျော် ကျေးရွာအုပ်စု၊ အလယ်သံကျော် ကျေးရွာမှ ၂၂၅ ဒဿမ ၇ ဧက၊ သံဒါ ကျေးရွာအုပ်စု၊ သံဒါကျေးရွာမှ ၁၉၈ ဒဿမ ၈၂ ဧက၊ ကျီးကန်းပြင်ကျေးရွာအုပ်စု၊ ကျီးကန်းပြင်ကျေးရွာ မှ ၉ ဒဿမ ၇ ဧက၊ မြင်းလွှတ်ကျေးရွာအုပ်စု၊ မြင်းလွှတ်ကျေးရွာမှ ၄၅ ဧကတို့အား ရိတ်သိမ်းနိုင်ခဲ့ပြီး စပါးတင်းပေါင်း ၆၅၆၂၈ တင်း ထွက်ရှိခဲ့သည်။
 
ရိတ်သိမ်းခြွေလှေ့ပြီး ထွက်ရှိလာသော မိုးစပါးများကို ရောင်းချ၍ ရရှိလာ သည့်ငွေများကိုဘဏ်တွင် အကောင့်တစ်ခု ဖွင့်လှစ်၍ နိုင်ငံတော်မှ ထိန်းသိမ်း ထားရှိမည် ဖြစ်ပြီး ရရှိလာသည့် ငွေကြေးများကို မောင်တော ဒေသ ဖွံ့ဖြိုးတိုးတက်ရေး လုပ်ငန်းများအတွက် ပြန်လည် အသုံးချသွားမည် မဟုတ်ဘဲ နေရပ်စွန့်ခွာသူ လယ်ပိုင်ရှင်များ ပြန်လည် ရောက်ရှိလာချိန်တွင် ပြန်လည် ပေးအပ်နိုင်ရေး စီစဉ်ဆောင်ရွက် ထားခြင်းဖြစ်သည်။ ကျန်ရှိနေသည့် မိုးစပါးစိုက်ဧက ၂၈၇၅ ဒဿမ ၆၉ ဧကကို အမြန်ဆုံး ရိတ်သိမ်း ခြွေလှေ့နိုင်ရန် ရိတ်သိမ်း ခြွေလှေ့စက် ၂၅ စီး ထပ်မံ ဖြည့်တင်း၍ စုစုပေါင်း ရိတ်သိမ်း ခြွေလှေ့စက် ၆၉ စီး ဖြင့် အချိန်မီ ဆက်လက်ရိတ်သိမ်းရန် စီစဉ် ဆောင်ရွက်လျက် ရှိသည်။ ရိတ်သိမ်းပြီး စပါးများကို သိုလှောင် ထိန်းသိမ်းရာတွင် အခက်အခဲများရှိနေသဖြင့် ဒေသန္တရဈေးကွက် ပေါက်ဈေးဖြင့် ရောင်းချပြီး စပါးရောင်းရငွေများကို ထိန်းသိမ်းထားရှိရန် စီစဉ် ဆောင်ရွက်ခြင်း ဖြစ်ကြောင်း သတင်းထုတ်ပြန်ရေး ကော်မတီက ထုတ်ပြန်ခဲ့သည်။
 
The Ladies News

 

Vote: 
No votes yet

Add new comment