လူတစ်ဦးတွင် ဖုန်းကတ်များစွာ ကိုင်တွယ်အသုံးပြုခြင်းသည် နိုင်ငံတော် လုံခြုံရေးကို ထိပါးနှောင့်ယှက် စေသဖြင့် စနစ်တကျ မှတ်ပုံတင်ကာ ထိန်းချုပ်သင့်

လူတစ်ဦးတွင် ဖုန်းကတ်များစွာ ကိုင်တွယ်အသုံးပြုခြင်းသည် နိုင်ငံတော်လုံခြုံရေးကို ထိပါးနှောင့်ယှက်စေသဖြင့် စနစ်တကျ မှတ်ပုံတင်ကာ ထိန်းချုပ်သင့်ကြောင်း တပ်မတော်သား ပြည်သူ့လွှတ်တော် ကိုယ်စားလှယ် ဗိုလ်မှူးနေ၀င်းက နိုဝင်ဘာ ၈ ရက်တွင် ပြောသည်။
 
ပြည်သူ့လွှတ်တော် အစည်းအဝေးမှာ ဂန့်ဂေါမဲဆန္ဒနယ်မှ ဒေါ်ယဉ်မင်းလှိုင် ၏ "လူငယ်လူရွယ်များ အကျင့်စာရိတ္တပျက်ပြားစေခြင်း ၊ ရပ်ရွာ တည်ငြိမ်အေးချမ်းမှု ပျက်ပြားစေခြင်းတို့ကြောင့် IT နည်းပညာ သုံးစွဲမှုကို လိုအပ်သလို စောင့်ကြည့် ထိန်းကျောင်းနိုင်ရန် (Monitoring) ပြုလုပ်ရန် ပြည်ထောင်စုအစိုးရအား တိုက်တွန်းကြောင်း"အဆိုအား အကြံပြုဆွေးနွေးစဉ် ယင်းသို့ ထည့်သွင်းပြောဆိုခဲ့ခြင်း ဖြစ်သည်။
 
နည်းပညာ မြင့်မားသည့်ခေတ်တွင် လက်ကိုင်ဖုန်းများကို အသုံးပြုကာ ဖောက်ခွဲရေး လုပ်ငန်းများကို တွင်ကျယ်စွာ ဆောင်ရွက်လာကြပြီဖြစ်၍ ဖုန်းကတ်များကို ယခုကဲ့သို့ အလွယ်တကူ ရရှိနေခြင်း အထောက် အထားမဲ့ လွှဲပြောင်းမှု ပြုလုပ်နေခြင်း ၊လူတစ်ဦးလျှင် ဖုန်းကတ်များစွာ ကိုင်တွယ် အသုံးပြုခြင်းသည် နိုင်ငံတော်လုံခြုံရေးကို ထိပါးနှောင့်ယှက် စေသဖြင့် စနစ်တကျ မှတ်ပုံတင်ကာ ထိန်းချုပ်သင့်ကြောင်း ဗိုလ်မှူးနေ၀င်းက ပြောကြားခဲ့ခြင်း ဖြစ်သည်။
 
ထို့အတူ အိုင်တီနည်းပညာကို လိုအပ်သလို စောင့်ကြည့်ထိန်းကျောင်းရာတွင် နည်းပညာ အခက်အခဲနှင့် အသုံးပြုသည့် စက်ကိရိယာများမှာလည်း လွန်စွာ တန်ဖိုးကြီးမားကြောင်း သိရသည့် အတွက် နိုင်ငံ၏ ဘတ်ဂျက် အခြေအနေအရ လက်ရှိအနေအထားတွင် အသုံးပြုရန်သင့်မသင့် သေချာစဉ်းစားပြီးမှ ဆုံးဖြတ်ရန် လိုအပ်ကြောင်း နိုင်ငံခြား အကူအညီယူ ဆောင်ရွက်မည်ဆိုပါကလည်း လုံခြုံရေးရှုထောင့်ကို မဖြစ်မနေ ထည့်သွင်း စဉ်းစား ရမည်ဖြစ်ကြောင်း အကြံပြု ဆွေးနွေးခဲ့သည်။
 
The Ladies News

 

Vote: 
No votes yet

Add new comment