ရန်ကုန် မြောက်ပိုင်းခရိုင် တရားရုံးနှင့် အင်းစိန်မြို့နယ်တရားရုံး ဆောက်လုပ်ဖွင့်လှစ်နိုင်ရေး ဆောင်ရွက်လျက်ရှိ

ရန်ကုန်မြောက်ပိုင်းခရိုင် တရားရုံးနှင့် အင်းစိန်မြို့နယ် တရားရုံး ဆောက် လုပ် ဖွင့်လှစ်နိုင်ရေး ဆောင်ရွက်လျက် ရှိကြောင်း ရန်ကုန်တိုင်းဒေသကြီး တရားလွှတ်တော် တရားသူကြီးချုပ် က စက်တင်ဘာ ၁၃ ရက်တွင် ပြောကြားခဲ့သည်။
 
ရန်ကုန်တိုင်းဒေသကြီး လွှတ်တော် အစည်းအဝေးတွင် လွှတ်တော် ကိုယ်စားလှယ် ဦးကျော်ကျော်ထွန်း၏ မြောက်ပိုင်းခရိုင် တရားရုံးအား အခြားခရိုင် တရားရုံးများနည်းတူ ခရိုင်အဆင့် နှင့် လျော်ညီစွာ သင့်တော်သော နေရာတွင် အသစ်တည်ဆောက်ပေးရန် အစီအစဉ်ရှိ/မရှိမေးမြန်းမှုကို ပြန်လည် ဖြေကြားပေးခဲ့ခြင်းဖြစ်သည်။
 
ရန်ကုန်မြောက်ပိုင်းခရိုင် တရားရုံးနှင့် အင်းစိန်မြို့နယ် တရားရုံးအတွက် မြေနေရာ သို့မဟုတ် အဆောက်အဦ ရရှိရန် စီစဉ်ဆောင်ရွက်လျက်ရှိပြီး မြေနေရာရရှိပါက တရားရုံး အဆောက်အဦသစ် ဆောက်လုပ်နိုင်ရန်အတွက် ပြည်ထောင်စု တရားလွှတ်တော်ချုပ်သို့ ပြည်ထောင်စု ဘဏ္ဍာရန်ပုံငွေမှ ရန်ပုံငွေတောင်းခံ၍ ရန်ကုန်မြောက်ပိုင်းခရိုင် တရားရုံးနှင့် အင်းစိန်မြို့နယ် တရားရုံး ဆောက်လုပ်ဖွင့်လှစ်နိုင်ရေး ဆက်လက် ဆောင်ရွက်သွားမည် ဖြစ်ကြောင်း ရန်ကုန်တိုင်း တရားလွှတ်တော် တရားသူကြီးချုပ်က ပြောကြားခဲ့သည်။
 
မြောက်ပိုင်းခရိုင် တရားရုံးတွင် ၁၉၉၅ ခုနှစ်မှ ၁၉၉၉ ခုနှစ်အတွင်း စွဲဆိုတင်ပို့သည့် အမှုပေါင်း တစ်နှစ်လျှင် ပျှမ်းမျှ ရာဇ၀တ်မှုပေါင်း ၃၀၀ မှုနှင့် တရားမမှုပေါင်း ၁၉၃ မှုရှိခဲ့သော်လည်း ၂၀၁၆ ခုနှစ်တွင် စွဲဆိုတင်ပို့သည့် အမှုပေါင်းမှာ တစ်နှစ်လျှင် ရာဇ၀တ်မှုပေါင်း ၇၃၀ မှုနှင့် တရားမမှုပေါင်း ၈၅၉ မှုစွဲဆိုတင်ပို့ခဲ့သည်။ မြောက်ပိုင်းခရိုင် တရားရုံးတွင် တစ်နှစ်ထက် တစ်နှစ် မှုခင်းများ စွဲဆိုတင်ပို့မှု များပြားလာခြင်းကြောင့် ပြည်ထောင်စု တရားလွှတ်တော်ချုပ်က ဒုတိယခရိုင် တရားသူကြီးများကို ထပ်မံခန့်ထားပေးကြောင်းလည်း သိရသည်။
 
ဇော်မင်းထွန်း
The Ladies News

 

Vote: 
No votes yet

Add new comment