၆ နိုင်ငံတက္ကသိုလ်များ ပူးတွဲကျင်းပမည့် နိုင်ငံတကာပညာရေးပြပွဲတွင် ကမ္ဘာ့ထိပ်တန်း တက္ကသိုလ်ပေါင်း ၇၀ ကျော် လာရောက်ပြသမည်

 
 
နှစ်စဉ်နှစ်တိုင်း ကျင်းပနေကျဖြစ်သည့် နိုင်ငံတကာ တက္ကသိုလ်ပေါင်းစုံ ပညာရေးပြပွဲကို သြဂုတ် ၁၂ ရက်နေ့တွင် ကျင်းပပြုလုပ်မည်ကြောင်း ပွဲစီစဉ်သူ နိုင်ငံတကာ ပညာရေး ၀န်ဆောင်မှုကုမ္ပဏီ AT&S ထံမှ သိရ သည်။
 
ယင်းပြပွဲကြီးကို ၂၀၁၇ ခုနှစ် သြဂုတ်လ ၁၂ ရက်၊ စနေန့၊ နေ့လယ် ၁ နာရီ မှ ညနေ ၅ နာရီအထိ NOVOTEL ဟိုတယ်၊ ၄ လွှာ ၊ ပြည်လမ်း၊ ကမာရွတ်မြို့နယ်၊ ရန်ကုန်မြို့တွင် ကျင်းပမည်ဖြစ်သည်။
 
ယင်းပြပွဲတွင် အမေရိကန်နိုင်ငံရှိ ထိပ်တန်း တက္ကသိုလ်နှင့် ကောလိပ်များ၊ စင်ကာပူရှိ အထင်ကရ ပုဂ္ဂလိက ကျောင်းများ၊ နယူးဇီလန်နှင့် ကနေဒါ နိုင်ငံများမှ ကမ္ဘာ့အကောင်းဆုံး စာရင်းဝင်တက္ကသိုလ်များ ၊ သြစတြေးလျ နှင့် အင်္ဂလန်တို့ရှိ ထိပ်တန်းတက္ကသိုလ်များ စသည်ဖြင့် တက္ကသိုလ်ပေါင်း ၇၀ ကျော် လာရောက် ပြသကြမည်ဟု သိရသည်။
 
နိုင်ငံတစ်ခုနှင့်တစ်ခု ပညာသင်စနစ် မတူကြသည့် အတွက် မိခင်နိုင်ငံမှ အခြားနိုင်ငံ တစ်ခုသို့ ပြောင်းရွှေ့ ပညာသင်ယူရန် အတွက် တက္ကသိုလ် ၀င်ခွင့်ရရန် အခက်အခဲရှိကြောင်း ယင်းအခက်အခဲများ ကိုကျော်လွှား နိုင်ရန် တက္ကသိုလ်ပေါင်းကူး ပညာရေးလမ်းကြောင်းများကို ဖန်တီး သင်ကြားပေးနေသည့် ပညာရေးအဖွဲ့အစည်း များကို ဖိတ်ခေါ် ထားကြောင်း AT&S ၏ ဒါရိုက်တာဖြစ်သူ ဦးမျိုးသီဟက ပြောသည်။
 
မြန်မာနိုင်ငံမှနေ၍ အင်္ဂလန်ရှိ ဆေးတက္ကသိုလ်များနှင့် ထိပ်တန်း တက္ကသိုလ်ကြီးများ ဖြစ်သော Cambridge၊ Oxford များသို့လည်း တိုက်ရိုက်ကျောင်းဝင်ခွင့်ရရန် အခက်အခဲရှိကြောင်း၊ ယင်းကျောင်းများသို့ မြန်မာကျောင်းသားများ ကျောင်းဝင်ခွင့်ရစေရန် စီစဉ်ဖန်တီးပေးနိုင်သည့် အင်္ဂလန်အခြေစိုက် ပညာရေး အဖွဲ့အစည်းများကိုလည်း ဖိတ်ခေါ် ထားကြောင်း ဦးမျိုးသီဟက ဆက်လက်ပြောဆိုသည်။
 
ယင်းပြပွဲသို့ သက်ဆိုင်ရာ နိုင်ငံများအလိုက် တက္ကသိုလ်များ၏ တာဝန်ရှိ သူများနှင့် ပညာရေးအတိုင်ပင်ခံ ပုဂ္ဂိုလ်များကိုယ်တိုင် လာရောက်ကြ မည်ဖြစ်ပြီး နိုင်ငံတကာအဆင့် တက္ကသိုလ်၊ ကောလိပ်များ၏ သင်ကြားရေး အဆင့်နှင့် အလုပ်အကိုင်ရရှိမှု၊ တက်ရောက်ရယူနိုင်မည့် ဘွဲ့ဒီဂရီများ အကြောင်း၊ သက်ဆိုင်ရာ နိုင်ငံများ၏ ကျောင်းသားဗီဇာ လျှောက်ထားရန် လိုအပ်ချက်များ၊ ကျောင်းလခ ကုန်ကျစရိတ် ၊အချိန်ပိုင်း ကျောင်းသား အလုပ်ရရှိနိုင်မှု၊ နိုင်ငံအလိုက် ရာသီဥတု အခြေအနေနှင့် လုံခြုံစိတ်ချရမှု၊ နိုင်ငံတကာ ကျောင်းဝင်ခွင့် အတွက် ပြင်ဆင်ထားသင့်သည့် အစရှိသော အသေးစိတ် အချက်အလက်များကို ကျောင်းတစ်ခုချင်းစီတွင် အသေးစိတ် မေးမြန်းနိုင်မည် ဖြစ်သည်။
 
Pre-Master Programme လျှောက်ထားလိုသူများ၊ HND Level (5) ပြီးဆုံးထားသူများ၊ Top-up Degree တိုက်ရိုက် တက်ရောက်လို သူများအတွက် ဘာသာရပ် ကင်းလွတ်ခွင့်၊ အင်္ဂလိပ်စာ သတ်မှတ်ချက် ကင်းလွတ်ခွင့်များ အကြောင်းတို့ကိုပါ အသေးစိတ် မေးမြန်းနိုင်ပါသည်။
 
ပြပွဲရက်အတွင်း အထူးအစီအစဉ်အနေဖြင့် ကျောင်းလျှောက်လွှာကြေး ကင်းလွတ်ခွင့်များ၊ လေယာဉ်လက်မှတ် (1 Way Ticket) များ ပေး အပ်ခြင်း အစီအစဉ်များကို တက္ကသိုလ်များမှ ပေးအပ်ချီးမြှင့်မည် ဖြစ်ပါ သည်။
 
ပြပွဲလာရောက်လေ့လာကြသူများသည် မိမိရရှိထားသည့် ပညာရေးဆိုင် ရာ အထောက်အထား စာရွက်စာတမ်းများကို တစ်ပါတည်း ယူဆောင် လာနိုင်ပြီး ဘာသာရပ်ရွေးချယ်ခြင်း၊ ဘာသာရပ်အချို့ ကင်းလွတ်ခွင့် တောင်းခံခြင်း၊ ပညာသင်ဆုများ လျှောက်ထားခြင်းတို့ကို တိုက်ရိုက် ဆောင်ရွက်နိုင်မည် ဖြစ်ပါသည်။
 
ပြပွဲလာရောက်သူများအား AT&S မှ အမှတ်တရလက်ဆောင် ပစ္စည်းများ ပေးအပ်မည်ဖြစ်ပြီး အဆောင်(၅)၊ အခန်း(၄)၊ မြန်မာအင်ဖိုတက်(ခ်)၊ လှိုင်တက္ကသိုလ်နယ်မြေ။ ဖုန်း - ၀၁ ၆၅ ၂၃ ၂၀၊ ၀၉ ၇၉၉ ၅၉၅ ၉၄၉ နှင့် အမှတ်(၆၇)၊ မြေညီထပ်(ယာ)၊ ဘုန်းကြီးလမ်း (အောက်ဘလောက်)၊ လမ်းမတော်မြို့နယ်။ ဖုန်း - ၀၉ ၅၀၆ ၂၁၇၁၊ ၀၉ ၅၀၆ ၂၁၆၁၊ ၀၉ ၇၇၇ ၂၂၃ ၂၂၅ တို့သုိ့ ပြပွဲဆိုင်ရာကိစ္စများကို စုံစမ်းမေးမြန်းနိုင်ကြောင်း သိရသည်။
 
The Ladies News
 

 

Vote: 
No votes yet

Add new comment