ရန်ကုန်နှင့်မန္တလေးရှိ မူလတန်းကျောင်းများမှ ကျောင်းသူ/ကျောင်းသား များအား နို့ဆက်လက် တိုက်ကျွေးသွားမည်

၂၀၁၇-၁၈ ပညာသင်နှစ်တွင်လည်း ရန်ကုန် တိုင်းဒေသကြီးနှင့် မန္တလေး တိုင်းဒေသကြီးရှိ ကျောင်းများမှ ကျောင်းသူ/ ကျောင်းသား များအား နို့ပေါင်းစပ်အခြေပြု နို့ပေါင်းစပ် အခြေပြု နို့တိုက်ကျွေးရေး အစီအစဉ် ဆက်လက် လုပ်ဆောင် သွားမည်ဖြစ်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးရုံး သတင်းထုတ်ပြန်ချက်အရ သိရသည်။

မွေးမြူရေးနှင့်ကုသရေး ဦးစီးဌာနနှင့် အလှူရှင်များ၏ လှူဒါန်းမှု အစီအစဉ်ဖြင့် ၂၀၁၂-၁၃ ပညာသင်နှစ်မှ ၂၀၁၆-၁၇ ပညာသင်နှစ် အထိ ၆ နှစ်ကာလအတွင်း နို့ပေါင်းစပ် အခြေပြု နို့တိုက်ကျွေးရေး အစီအစဉ်ကို ဆောင်ရွက်ခဲ့ရာ တိုင်းဒေသကြီး/ ပြည်နယ် များမှ ကျောင်းပေါင်း(၇၄၀၇)ကျောင်း ၊ ကျောင်းသား/ သူပေါင်း (၁၄၄၈၂၀၂)ဦး တို့အား နို့တိုက်ကျွေး နိုင်ခဲ့ကြောင်း ဆိုသည်။

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ မွေးမြူရေးနှင့် ကုသရေးဦးစီး ဌာနနှင့် မြန်မာနိုင်ငံ အခြေစိုက် TERTA LAVAL ကုမ္ပဏီတို့ ပူးပေါင်း၍ မူလတန်းအရွယ် ကလေးများအား နို့တိုက်ကျွေးရေး အစီအစဉ် ဆောင်ရွက်နိုင်ရန် အတွက် နားလည်မှုစာချွန်လွှာကို ၂၀၁၃ ခုနှစ်မှ စ၍ (၃)နှစ် အကောင်အထည်ဖော် ဆောင်ရွက်ခဲ့ပြီး ၂၀၁၈-၂၀၁၉ ပညာသင်နှစ်အထိ ဆက်လက် နို့တိုက်ကျွေး သွားနိုင်ရန်အတွက် နားလည်မှု စာချွန်လွှာအား သက်တမ်းတိုး ဆောင်ရွက်လျှက်ရှိကြောင်း သတင်းထုတ်ပြန်ထားသည်။

အဆိုပါစီမံကိန်းအရ နေပြည်တော် ပြည်ထောင်စု နယ်မြေ၊ ရန်ကုန် တိုင်းဒေသကြီး၊ မန္တလေး တိုင်းဒေသကြီးနှင့် ဧရာဝတီ တိုင်းဒေသကြီးတို့ရှိ စီမံကိန်းတွင်ပါဝင်သည် ကျောင်းများတွင် မူလတန်း ကျောင်းသား/ကျောင်းသူ (၂၆၀၀၀)ဦး တို့အား တစ်ရက်လျှင် နို့ဘူး(၂၆၀၀၀)ဖြင့် တစ်ပတ်လျှင် (၃)ရက် တိုက်ကျွေး သွားမည် ဖြစ်ကြောင်း သိရသည်။

အလားတူ မွေးမြူရေးနှင့် ကုသရေးဦးစီးဌာနနှင့် နက်စ်လေမြန်မာ လီမိတက်တို့ ပူးပေါင်း၍ ကျောင်းများတွင် မိုင်လိုဖြင့် နို့တိုက်ကျွေးသည့် အစီအစဉ်အား ၂၀၁၃ ခုနှစ်မှစတင်၍ လက်မှတ်ရေးထိုး ဆောင်ရွက်ခဲ့သည်။ ယခု ၂၀၁၇-၂၀၁၈ ခုနှစ် ပညာသင်နှစ်တွင်လည်း ရန်ကုန် တိုင်းဒေသကြီး အတွင်းရှိ ကျောင်းပေါင်း(၅၁၀)နှင့် မန္တလေးတိုင်းဒေသကြီး အတွင်းရှိ ကျောင်းပေါင်း(၁၉၀) တို့မှ ကျောင်းသား/သူပေါင်း (၁သိန်း)ကျော်တို့အား ဆက်လက် တိုက်ကျွေးသွားရန် စီစဉ်လျက်ရှိကြောင်း သတင်းထုတ်ပြန်ထားသည်။

အဆိုပါ နို့တိုက်ကျွေးရေး အစီအစဉ်အရ ဇွန် ၂၈ ရက် နံနက် ၉ နာရီအချိန့်က နေပြည်တော် ပြည်ထောင်စုနယ်မြေ ပုဗ္ဗသီရိမြို့နယ် အောင်သာယာကျေးရွာ မူလတန်းလွန်ကျောင်းတွင် ကျင်းပပြုလုပ်သည့် နို့တိုက်ကျွေးရေး ဖွင့်ပွဲ အခမ်းအနားတွင် ပြည်ထောင်စုဝန်ကြီး ဒေါက်တာအောင်သူ နှင့်အလှူရှင်များက ကျောင်းသား ကျောင်းသူလေးများ အား နို့နှင့် အာဟာရများ တိုက်ကျွေးခဲ့ကြောင်း သတင်းရရှိသည်။

စိုင်းဟန်

ဓာတ်ပုံ- စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာနရုံး

The Ladies News

Vote: 
No votes yet

Add new comment