နောင်ချိုမြို့အဝင် တိုးလ်ဂိတ်အနီးတွင် လက်ဖက်ခြောက်နှင့် ရောနှော သယ်ဆောင်လာသည့် စိတ်ကြွရူးသွပ်ဆေးပြားများ ဖမ်းဆီးရမိ

ရှမ်းပြည်နယ်မြောက်ပိုင်း၊ နောင်ချိုမြို့အဝင် တိုးလ်ဂိတ်အနီးတွင် ခရီးသည်တင် မှန်လုံယာဉ်ပေါ်လိုက်ပါလာသူ နှစ်ဦးထံမှ လက်ဖက်ခြောက်များနှင့် ရောနှောသယ်ဆောင်လာသည့် စိတ်ကြွရူးသွပ်ဆေးပြားသိန်း(၂၀၀)ဖိုးကို သြဂုတ် ၂၉ ရက်၊ ညပိုင်းတွင် ဖမ်းဆီးရမိခဲ့ကြောင်း သိရှိရသည်။
 
အမှတ်(၂၄)မူးယစ်တပ်ဖွဲ့စု၊ နောင်ချိုလှုပ်ရှား အဖွဲ့ဝင်များသည် နောင်ချိုမြို့အဝင်တိုးလ်ဂိတ်တွင် မူးယစ်ဆေးဝါး တားဆီးနှိမ်နင်းရေး ဆောင်ရွက်နေစဉ် လားရှိုးမှ မန္တလေးဘက်သို့ မောင်းလာသော ရွှေလားရှိုးခရီးသည်တင် ယာဉ်ပေါ် ခုံအမှတ်(၁၉)နှင့်(၂၀)တို့တွင် လိုက်ပါလာသူတို့၏ ခရီးဆောင်အိတ်အတွင်းမှ လက်ဖက်ခြောက်များ နှင့် ရောနှောသယ်ဆောင်လာသော WY စာတန်းပါ စိတ်ကြွရူးသွပ်ဆေးပြား(၁၀၀၀၀) ဖမ်းဆီးရမိခဲ့ခြင်း ဖြစ်သည်။
 
“မြိတ်ကနေ လာသယ်တာလို့ သိရပါတယ်။ ဆေးသုံးနေတဲ့သူတွေပါ။ သူတို့ဆေးဝယ်နေကျ သူကခိုင်းလို့ လာ သယ်ကြတာပါ။ သယ်ခ(၁၀)သိန်းရမယ်လို့ ပြောပါတယ်။ ဒီလထဲမှာတော့ ခရီးသည်တင်ကားပေါ်ကနေ ဖမ်းမိ တာများပါတယ်”ဟု အမှတ်(၂၄)မူးယစ်တပ်ဖွဲ့စုမှ ရဲအရာရှိတစ်ဦးက ပြောသည်။
 
လက်ရှိတွင် မူးယစ်ဆေးဝါးများအား သယ်ဆောင်လာသူ တနင်္သာရီတိုင်းဒေသကြီး၊ မြိတ်မြို့နယ်၊ မြို့သစ်(၃)ရပ် ကွက်နေ အောင်နိုင်(၂၇)နှစ်နှင့် မြိတ်မြို့နယ်၊ ကျောက်တစ်လုံးရွာနေ သန်းစိုး(၄၈)နှစ်တို့အား နောင်ချိုမြို့မရဲစ ခန်းမှ မယ(ပ)၉၈/၂၀၁၆၊ မူးယစ်ဆေးဝါးနှင့် စိတ်ကိုပြောင်းလဲစေသော ပုဒ်မ ၁၅/၁၉(က)/၂၁ တို့ဖြင့် အရေးယူ ဆောင်ရွက်နေကာ ၎င်းတို့ကို သယ်ဆောင်ခိုင်းသူအား စုံစမ်းလျက်ရှိကြောင်း သိရသည်။
 
MMK
The Ladies News
 

 

Vote: 
No votes yet

Add new comment