အမျိုးသားပို့ဆောင်ရေးကဏ္ဍ ဖွံ့ဖြိုးတိုးတက်ရေးနှင့် စီမံကိန်းများ အကောင်အထည်ဖော်ရေး ကော်မတီ ဖွဲ့စည်း

အမျိုးသား ပို့ဆောင်ရေးကဏ္ဍ ဖွံ့ဖြိုးတိုးတက်ရေးနှင့် စီမံကိန်းများ အကောင်အထည်ဖော်ရေး ကော်မတီ ဖွဲ့စည်းလိုက်ကြောင်း နိုင်ငံတော်သမ္မတရုံးက အမိန့်ကြော်ငြာစာ အမှတ်(၄၃/၂၀၁၆)ကို ဇွန်လ ၂၀ ရက်ရက်စွဲဖြင့် ထုတ်ပြန်လိုက်သည်။ အမျိုးသား ပို့ဆောင်ရေး ပင်မစီမံကိန်း (National Transport Master Plan) တွင် ပါဝင်သော လုပ်ငန်းစီမံကိန်းများ အကောင်အထည် ဖော်နိုင်ရေးအတွက် “အမျိုးသား ပို့ဆောင်ရေးကဏ္ဍ ဖွံ့ဖြိုးတိုးတက်ရေးနှင့် စီမံကိန်းများ အကောင်အထည်ဖော်ရေး ကော်မတီ” ကိုပြည်ထောင်စုဝန်ကြီး ပို့ဆောင်ရေးနှင့် ဆက်သွယ်ရေးဝန်ကြီးဌာန က ဥက္ကဋ္ဌ အဖြစ် တာဝန်ယူ ဆောင်ရွက်မည်ဖြစ်ပြီး၊ စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး နှင့် ဆောက်လုပ်ရေးဝန်ကြီးဌာန ပြည်ထောင်စုဝန်ကြီးတို့က ပူးတွဲဥက္ကဋ္ဌအဖြစ် တာဝန်ယူဆောင်ရွက်မည်ဖြစ်သည်။ အမျိုးသား ပို့ဆောင်ရေးကဏ္ဍ ဖွံ့ဖြိုးတိုးတက်ရေးနှင့် စီမံကိန်းများ အကောင်အထည် ဖော်ရေး ကော်မတီ၏ လုပ်ငန်းတာဝန်များမှာ ပင်မစီမံကိန်းတွင် ပါဝင်သော လုပ်ငန်းစီမံကိန်းများ၊ ဘဏ္ဍာရေး အရင်းအမြစ်များအား ဆန်းစစ်ခြင်း၊ ဦးစားပေးအဆင့် သတ်မှတ်ခြင်းနှင့် အကောင်အထည် ဖော်မည့်ကာလ အပိုင်းအခြား သတ်မှတ်ခြင်းများ ဆောင်ရွက်ရန်၊ လုပ်ငန်းစီမံကိန်းများအား ဦးစားပေးအလိုက် အကောင်အထည် ဖော်နိုင်ရန် ဘဏ္ဍာငွေ ရရှိရေးအတွက် နိုင်ငံတော် ဘတ်ဂျက်တွင် နှစ်စဉ်ထည့်သွင်း ပြဋ္ဌာန်းခြင်း၊ ပြည်ပမှ ချေးငွေ အကူအညီများ ရယူခြင်း၊ အပြည်ပြည်ဆိုင်ရာ အဖွဲ့အစည်းများနှင့် ပူးပေါင်းဆောင်ရွက်ခြင်း၊ ပုဂ္ဂလိက ရင်းနှီးမြှုပ်နှံ ခွင့်ပြုခြင်း တို့အား ဆုံြး ဖတ်ဆောင်ရွက်ရန်တို့ ဖြစ်သည်။ ထို့အပြင် ပင်မစီမံကိန်းတွင် ပါဝင်သည့် ပို့ဆောင်ရေး စင်္ကြန်များအား ဦးစားပေး သတ်မှတ်ချက်အလိုက် ဖွံ့ဖြိုးတိုးတက်ရေး လုပ်ငန်းများကို စဉ်ဆက်မပြတ် ကြီးကြပ်ဆောင်ရွက်ရန်၊ စီမံကိန်းများ၏ ဖြစ်ပေါ်တိုးတက်မှုများအား သုံးသပ်စစ်ဆေး၍ လိုအပ်ပါက မျှော်မှန်းချက်၊ မူဝါဒ၊ မဟာဗျူဟာနှင့် လုပ်ငန်းစီမံကိန်းများအား အခြေအနေ နှင့် အချိန်အခါအလိုက် ပြောင်းလဲ ချမှတ်ခြင်းများ ဆောင်ရွက်ရန်၊ မြန်မာနိုင်ငံ၏ ထောက်ပံ့ပို့ဆောင်ရေး၊ မြို့ပြသယ်ယူပို့ဆောင်ရေး ကဏ္ဍများ အပါအဝင် ပို့ဆောင်ရေး ကဏ္ဍတစ်ခုလုံး နိုင်ငံတကာ စံညွှန်းများနှင့် ကိုက်ညီမှု ရှိစေရန် မူဝါဒ၊ မဟာဗျူဟာနှင့် လုပ်ငန်းလမ်းညွှန်မှု ချမှတ်ခြင်းများ ဆောင်ရွက်ရန်တို့ဖြစ်ကြောင်း နိုင်ငံတော် သမ္မတရုံး၏ ထုတ်ပြန်ချက်တွင် ဖော်ပြထားသည်။ ဇော်မင်းထွန်းThe Ladies News 

 

Vote: 
No votes yet

Add new comment