ထန်းရည်ကြိုက်တတ်သူတွေအတွက် သတင်းကောင်း


ရေးသားသူ Aye Thi Mon

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.
 
ထန်းရည်ဆိုတာက ထန်းသီးကနေရတဲ့ အရည်မဟုတ်ပါဘူး။ ထန်ဖူးကနေ ရတဲ့အရည်ပါ။ ထန်းရည်ကို သောက်စရာတစ်ခုအနေနဲ့ သောက်လာခဲ့တာ အရင်ကတည်းကပါ။ ထန်းရည်မှာ အချိုနဲ့အခါးဆိုပြီး ရှိပါတယ်။ ဒီထန်းရည်က သဘာဝ ဆေးတစ်ခုအနေနဲ့ ခန္ဓာကိုယ်ကို အကျိုးပြုပေးနိုင်ပါတယ်။ ထန်းရည်က pH ၈ ကနေ ၉ ရှိပါတယ်။ ထန်းရည်က ကျန်းမာရေးအကျိုးကျေးဇူးများတဲ့ သောက်စရာတစ်ခုလို့ ပြောပါရစေ။
 
ထန်းရည်ကနေ ဒီလိုအာဟာရဓာတ်တွေ ရနိုင်ပါတယ် …
 
ထန်းရည်မှာ အာဟာရဓာတ်အနေနဲ့
• ဆူးခရို့စ်
• ပရိုတင်း
• Ascorbic acid
• အမျှင်ဓာတ်
• အမိုင်နိုအက်ဆစ်
• ဗီတာမင် C နဲ့
• ဓာတ်တိုးဆန့်ကျင်အာနိသင်တွေကြွယ်ဝစွာပါဝင်ပါတယ်။
 
ထန်းရည်က သဘာဝလက်ဆောင်တစ်မျိုးပါ
ထန်းရည်က ချိုပြီး အရသာရှိသလို အာဟာရနဲ့ ဗီတာမင်တွေလည်းပါဝင်နေတဲ့ သဘာဝရဲ့ လက်ဆောင် သောက်စရာတစ်မျိုးပေါ့။
 
ကင်ဆာတိုက်ဖျက်ပေးနိုင်ပါတယ်
ထန်းရည်မှာ ဗီတာမင် B2 လို့သိကြတဲ့ riboflavin ပါဝင်နေပါတယ်။ riboflavin က ဓာတ်တိုးဆန့်ကျင်ပစ္စည်း တစ်ခုဖြစ်ပြီး ကင်ဆာဖြစ်စေနိုင်တဲ့ free radicals တွေကို တိုက်ထုတ်ပေးပါတယ်။ ဒါကြောင့် ကင်ဆာ အန္တရာယ်ကနေ ကာကွယ်ဖို့ ထန်းရည်သောက်ပေးလို့ ရပါတယ်။
 
အမြင်အာရုံကောင်းစေတယ်
ထန်းရည်မှာ ဓာတ်တိုးဆန့်ကျင် အာနိသင်တွေနဲ့ ဗီတာမင် C ပါဝင်တာကြောင့် အမြင်အာရုံကို တိုးတက် ကောင်းမွန်စေနိုင်ပါတယ်။ ဒါ့အပြင် ထန်းရည်မှာ ဗီတာမင် B1 (သီရာမင်း) ပါဝင်နေတာကြောင့် အမြင်အာရုံကို ကျန်းမာစေနိုင်ပါတယ်။
 
အရေပြား၊ ဆံသားနဲ့ ခြေသည်းလက်သည်းတွေကို ကျန်းမာစေနိုင်တယ်
ထန်းရည်မှာ အရေပြား၊ ဆံသားနဲ့ခြေသည်း လက်သည်းတွေ ကျန်းမာစေဖို့အတွက် လိုအပ်တဲ့ သံဓာတ်နဲ့ ဗီတာမင် B တို့ ကြွယ်ဝစွာပါဝင်နေတာကြောင့် ခန္ဓာကိုယ်က ဆဲလ်တွေကို ကောင်းကောင်းမွန်မွန် လုပ်ဆောင်နိုင်စေဖို့ အထောက်အကူ ပြုပေးပါတယ်။ ခန္ဓာကိုယ်က ဆဲလ်တွေ ကောင်းမွန်စွာ လုပ်ဆောင်နိုင်ဖို့ လုပ်ဆောင်ပေးသလို တစ်ရှုးတွေကို ပြုပြင်ပေးပြီး အနာကျက်စေနိုင်စွမ်းလည်း ရှိပါတယ်။ လှပကျန်းမာတဲ့ ဆံသား၊ အရေပြားနဲ့ ခြေသည်းလက်သည်းတွေ ပိုင်ဆိုင်ချင်တယ် ဆိုရင်တော့ ထန်းရည်လေးက စဉ်းစားသင့်တဲ့ သဘာဝ ဆေးတစ်မျိုးပေါ့။
 
နှလုံးသွေးကြောဆိုင်ရာ ရောဂါတွေ ခံစားရနိုင်ခြေကို လျှော့ချပေးတယ်
ထန်းရည်ကို နေ့တိုင်း တစ်ခွက်စီလောက် သောက်ပေးမယ်ဆိုရင် နှလုံးကျန်းမာစေတာ အမှန်ပါ။ ထန်းရည်မှာ ပိုတက်ဆီယမ် ပါဝင်နေတာကြောင့် နှလုံးကျန်းမာစေနိုင်ပြီး သွေးတိုးကျစေနိုင်ပါတယ်။ ဒါပေမယ့် သတိထားရမယ့် အချက်တစ်ခုက ထန်းရည် အများကြီးသောက်တာက အသည်းထိခိုက်နိုင်တယ် ဆိုတာပါ။
 
နို့ထွက်များစေနိုင်တယ်
နို့ထွက်နည်းတဲ့ မိခင်တွေအတွက် သောက်ပေးလို့ရတဲ့ သဘာဝနို့ရွှင်ဆေး တစ်လက်ပေါ့။ ဒါကြောင့် နို့တိုက်မိခင်တွေ နို့ထွက်များစေဖို့ သောက်ပေးလို့ ရပါတယ်။ ဒါတွေတင်မကပါဘူး။ ထန်းရည်က ကိုယ်အလေးချိန် ချချင်သူတွေ အတွက်လည်း စဉ်းစားသင့်တဲ့ အချက်တစ်ခုဖြစ်သလို မှတ်ဉာဏ်ကောင်းလိုသူတွေ အတွက်လည်း သင့်တော်ပါတယ်။ ဦးနှောက်ကို ကျန်းမာစေနိုင်ပါတယ်။ သွားဖုံးရောဂါတွေကို သက်သာစေနိုင်သလို ပင်ပန်းမှုကို ပြေလျော့စေနိုင်ပါတယ်။ သွေးတွင်း ကိုလက်စထရောပမာဏကို ကျဆင်းစေနိုင်ပြီး ဆီးလည်း ရွှင်စေပါတယ်။
ပင်ကျရည်စစ်စစ်လေး သောက်ပြီး အဖိုးမဖြတ်နိုင်တဲ့ ကျန်းမာရေး အကျိုးကျေးဇူးလေးတွေ ရယူလိုက်ကြပါ။
 
ယခုဆောင်းပါးကို The Ladies News Agency ၏ မိတ်ဖက်
hellosayarwon.com ကျန်းမာရေးနှင့် ဆေးပညာဝက်ဘ်ဆိုဒ်မှ ကူးယူဖော်ပြခြင်း ဖြစ်သည်။
The Ladies News

 

Vote: 
No votes yet

Add new comment