အူရီဒူးမြန်မာသည် ကရင်ပြည်နယ်ရှိ ပဏာမကျန်းမာရေးစောင့်ရှောက်မှု ကွန်ရက် အဆောက်အအုံ (၃)ခုကို အားကစား နှင့်ကျန်းမာရေး ဝန်ကြီးဌာနသို့ လွှဲပြောင်းပေးအပ်

အူရီဒူးမြန်မာသည် ကရင်ပြည်နယ်ရှိ ပဏာမကျန်းမာရေး စောင့်ရှောက်မှု ကွန်ရက် အဆောက်အအုံ (၃)ခုကို အားကစားနှင့်ကျန်းမာရေး ဝန်ကြီးဌာန သို့ လွှဲပြောင်းပေးအပ်ခြင်း အခမ်းအနားများကို ၂၀၁၈ ခုနှစ်၊ စက်တင်ဘာလ (၂၂)ရက် နှင့် (၂၃)ရက်နေ့များတွင် ကရင်ပြည်နယ်၊ ဘားအံခရိုင်၊ ဘားအံမြို့နယ်ရှိ နော်ဖဒိုကျေးရွာ၊ နောင်ကျန်ကျေးရွာ နှင့် ဝဲကရင်ကျေးရွာ၌ ကျင်းပခဲ့ပြီး၊ ကရင်ပြည်နယ် အစိုးရဌာနများမှ တာဝန်ရှိသူများ၊ အားကစားနှင့်ကျန်းမာရေး ဝန်ကြီးဌာနမှ တာဝန်ရှိ သူများ၊ UNOPS မှ ကိုယ်စားလှယ်များ၊ အဆိုပါဒေသရှိ ပြည်သူ လူထုများနှင့် အူရီဒူး မြန်မာ၏ CEO ဖြစ်သူ Mr. Vikram Sinha နှင့်အတူ အဖွဲ့သားများ တက်ရောက်ခဲ့ကြောင်းသိရသည်။
 
နော်ဖဒိုကျေးရွာတွင် ပဏာမကျန်းမာရေးစောင့်ရှောက်မှု ကွန်ရက်ရှိခြင်းကြောင့် အဆိုပါကျေးရွာအပါအ၀င် အနီးရှိကျေးရွာ စုစုပေါင်း (၅)ရွာမှ ပြည်သူလူထု ၂၀၀၀ကျော်သည် ကောင်းမွန်သော ကျန်းမာရေး ဝန်ဆောင်မှုများကို ရရှိနိုင်မည် ဖြစ်ကြောင်းသိရသည်။ ထို့ပြင် ၀ဲကရင်ကျေးရွာအပါအ၀င် အနီးအနားရှိ ကျေးရွာ (၈)ရွာမှ ပြည်သူလူထု ၃၀၀၀ ကျော်သည် ၀ဲကရင်ရွာရှိ ပဏာမကျန်းမာရေး စောင့်ရှောက်မှုကွန်ရက်တွင် အရည်အသွေးပြည့်ဝသော ကျန်းမာရေး စောင့်ရှောက်မှုများ ရရှိနိုငကြောင်းသိရပြီး နောင်ကျန် ပဏာမ ကျန်းမာရေးစောင့်ရှောက်မှု ကွန်ရက်ရှိခြင်းကြောင့် အဆိုပါ ကျေးရွာအပါအ၀င် အနီးအနားရှိ ကျေးရွာ (၆)ရွာမှ ပြည်သူလူထု စုစုပေါင်း ၂၀၀၀ ကျော်သည်လည်း ကောင်းမွန်သော ကျန်းမာရေး စောင့်ရှောက်မှုများ ရရှိနိုင်တော့မည် ဖြစ်ကြောင်းသိရသည်။
 
“မြန်မာနိုင်ငံက ပြည်သူတွေ အထူးသဖြင့် မိခင်တွေနဲ့ သူတို့ရဲ့ ကလေးငယ်တွေအတွက် ကျန်းမာရေး စောင့်ရှောက်မှု အစီအစဉ်တွေကို အဆင့်မြှင့်တင်ပေးဖို့ဆိုတဲ့ ကျွန်တော်တို့ရဲ့ ရည်သန်ချက်ကို အကောင်အထည်ဖော် ဆောင်ရွက်ဖို့အတွက် ပဏာမကျန်းမာရေး စောင့်ရှောက်မှုကွန်ရက်တွေကို မြန်မာနိုင်ငံတစ်ဝှမ်းမှာ တည်ဆောက် သွားဖို့ အူရီဒူး အနေနဲ့ အပြည့်အဝ ထောက်ပံ့ကူညီပေးထားပါတယ်။ လူမှုအဖွဲ့အစည်းအတွင်းက အခြေခံလူတန်းစားတွေ အနေနဲ့ အရည်အသွေး ပြည့်မှီတဲ့ ကျန်းမာရေး စောင့်ရှောက်မှုတွေကို ရရှိသွားနိုင်မှာ ဖြစ်ပြီး ကိုယ်ဝန်ဆောင်မိခင်တွေနဲ့ ကလေးသူငယ်တွေရဲ့ အသက်သေဆုံးမှုနှုန်း၊ ကူးစက်ရောဂါ ပြန့်ပွားမှုနှုန်းတွေကို လျှော့ချပေး သွားနိုင်မှာ ဖြစ်ပါတယ်။ ကျန်းမာတဲ့ မိခင်တွေ၊ ကလေးသူငယ်တွေ အနေနဲ့ ပိုမိုကောင်းမွန်တဲ့ မိသားစုဘဝတစ်ခုကို ရရှိသွားနိုင်မှာဖြစ်ပြီး ဖွံ့ဖြိုးတိုးတက်တဲ့ မြန်မာနိုင်ငံကို တည်ထောင်သွားနိုင်မှာ ဖြစ်ပါတယ်။" ဟူ အူရီဒူး မြန်မာ၏ CEO ဖြစ်သူ Mr. Vikram Sinha က ပြောကြားခဲ့ သည်။
 
The Ladies News
 

 

Vote: 
No votes yet

Add new comment