စည်းကမ်းမလိုက်နာသည့် ပြည်ပအကျိုးဆောင်အေဂျင်စီများနှင့် တရားမဝင်အလုပ်သမားစုဆောင်းသူများကို တရားစွဲဆို၊ ပိတ်သိမ်း

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီး ဌာနက စည်းကမ်းမလိုက်နာသည့် ပြည်ပအကျိုးဆောင် အေဂျင်စီများနှင့် တရားမဝင်အလုပ်သမားစုဆောင်းသူများကို တရားစွဲဆို၊ ပိတ်သိမ်းမှုများ ဆောင်ရွက်လျက်ရှိကြောင်း ပြန်ကြားရေးဝန်ကြီးဌာနက သတင်းဖော်ပြခဲ့သည်။
 
လက်ရှိတွင် ပြည်ပအလုပ်အကိုင် အကျိုးဆောင်လိုင်စင်ရ အေဂျင်စီ ၂၅၆ ခုရှိနေပြီး ယင်းတို့အနက် အေဂျင်စီ ၁၆ ခုကို ပြစ်မှုအလိုက် ကာလ ကန့်သတ်ချက်ဖြင့် ပိတ်သိမ်းထားခဲ့ပြီး ၁၉၉၂ ခုနှစ် ပြည်ပအလုပ်အကိုင် ဆိုင်ရာ ဥပဒေဖြင့် ပြည်ပ အလုပ်အကိုင် အကျိုးဆောင် လိုင်စင်ရ အေဂျင်စီလေးခုနှင့် တရားမဝင် အလုပ်သမားစုဆောင်းပြီး ငွေကြေးကောက်ခံခဲ့သူ ၄၅ ဦးအား တရားစွဲဆို ဆောင်ရွက်ထားကြောင်း အလုပ်သမား ညွှန်ကြားရေးဦးစီးဌာနမှ သတင်းထုတ်ပြန်ထားသည်။
 
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက ပြည်ပအလုပ်အကိုင်ဆိုင်ရာ ဥပဒေအရ ပြည်ပအလုပ်အကိုင် အကျိုးဆောင်လိုင်စင်ရ အေဂျင်စီများကို အကျိုးဆောင် လိုင်စင်များ ထုတ်ပေးလျက်ရှိပြီး ပြည်ပနိုင်ငံများသို့ အလုပ်သမား စေလွှတ်ခြင်းနှင့် ပတ်သက်၍ အေဂျင်စီများ လိုက်နာရမည့် စည်းကမ်းချက်များကို လိုက်နာရန်ပျက်ကွက်သည့် အေဂျင်စီများကို အရေးယူခြင်းနှင့် တရားမဝင် အလုပ်သမားစုဆောင်းသည့် ပွဲစားများအား ပြည်ပ အလုပ်အကိုင်ဆိုင်ရာ ဥပဒေနှင့်အညီ တရားစွဲဆိုမှုများ လုပ်ဆောင်လျက် ရှိကြောင်း ပြန်ကြားရေးဝန်ကြီးဌာန၏ သတင်းထုတ်ပြန်မှုတွင် ဖော်ပြထားသည်။
 
Photo - MOI
The Ladies News
 

 

Vote: 
No votes yet

Add new comment