လယ်ယာမြေနှင့်အခြားမြေများသိမ်းဆည်းခံရမှုများပြန်လည်စိစစ်ရေးနှင့်ပတ်သက်၍ အဟန့်အတား၊အနှောင့်အယှက်၊ အခက်အခဲ ၊အကျပ်အတည်းဖြစ်စေသည့် ၀န်ထမ်းများကို အရေးယူရန်ထုတ်ပြန်

     သိမ်းဆည်းခံမြေများအား သက်ဆိုင်ရာကော်မတီအသီးသီးက ပြန်လည်စိစစ်ရာတွင် အဆင်ပြေချောမွေ့မှု မရှိစေရန် အဟန့်အတားဖြစ်စေသည့် ၊စွန့်လွှတ်ပြီးမြေများအား အပ်နှံပေးရန် အနှောင့်အယှက်ဖြစ်စေသည့်၊ စွန့်လွှတ်ပြီးမြေများအားအပ်နှံပြီးသော်လည်း ယာယီလွှဲပြောင်းပေးရန် အခက်အခဲလုပ်နေသည့်၊ အသုံးချပိုင်ခွင့် အမည်ပေါက်ရရှိရန် အကျပ်အတည်းဖြစ်စေသည့် သက်ဆိုင်ရာဝန်ထမ်းများကို လိုအပ်သလို အရေးယူကြရန် နိုင်ငံပိုင်မီဒီယာမှ တစ်ဆင့်ထုတ်ပြန်လိုက်သည်။

   လယ်ယာမြေနှင့်အခြားမြေများသိမ်းဆည်းခံရမှုများ ပြန်လည်စိစစ်ရေးကိစ္စနှင့်ပတ်သက်၍ ရှေ့ဆက်ဆောင်ရွက်မည့် လုပ်ငန်းစဉ်များ ထုတ်ပြန်ရာတွင် ယင်းသို့ထည့်သွင်းဖော်ပြခဲ့ခြင်းဖြစ်သည်။

   လွှတ်တော်ကိုယ်စားလှယ်များပါဝင်သည့် လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီအဆင့်ဆင့်၏ စိစစ်တွေ့ရှိချက် သဘောထားမှတ်ချက်များအပေါ် အခြေခံကာ သက်ဆိုင်ရာ တိုင်းဒေသကြီး/ပြည်နယ်အစိုးရအဖွဲ့များက မှန်မှန်ကန်ကန်ဆောင်ရွက်     ပေးကြရန် ၊ စွန့်လွှတ်မြေများအား နှောင့်နှေးကြန့်ကြာမှုမရှိစေဘဲ မူလပိုင်ရှင်များထံ အမြန်ဆုံးအပ်နှံသွားရန်နှင့် မစွန့်လွှတ်သေးသည့် သိမ်းဆည်းမြေများအပေါ်ကော်မတီအဆင့်ဆင့်ကထိထိရောက်ရောက်အမြန်ဆုံးစိစစ် ပေးကြရန်လည်း ဖော်ပြထားသည်။

ထို့အတူ ဗဟိုကော်မတီဝင်များနှင့် နေပြည်တော် ၊ တိုင်းဒေသကြီး/ပြည်နယ် ကော်မတီဥက္ကဌများဖြစ်ကြသည့် နေပြည်တော်ကောင်စီဥက္ကဌ ၊ ၀န်ကြီးချုပ်များက လိုအပ်သည်ထက် အချိန်ဆွဲဖြေရှင်းခြင်းမပြုကြဘဲ အမြန်ဆုံး ပြီးစီးအောင် အားသွန်ခွန်စိုက် စီမံခန့်ခွဲဆောင်ရွက်ပေးကြရန်လည်း ဖော်ပြထားသည်။

စွန့်လွှတ်မြေများပေါ်တွင် ကျူးကျော်များဝင်ရောက်နေမှုအား ဥပဒေ၊ လုပ်ထုံးလုပ်နည်းများနှင့်အညီ ရှင်းလင်းပေးကြရန် လယ်ယာမြေနှင့်အခြားမြေများသိမ်းဆည်းခံရမှုများ ပြန်လည်စိစစ်ရေးကိစ္စနှင့်ပတ်သက်၍  ရှေ့ဆက်ဆောင်ရွက်မည့်လုပ်ငန်းစဉ်များထုတ်ပြန်ရာတွင် ထည့်သွင်းဖော်ပြခဲ့သည်။

 

 

Vote: 
No votes yet

Add new comment