၂၀၁၉ ခုနှစ်တွင်ပြောင်းလဲအသုံးပြုမည့် တက္ကသိုလ်ဝင်တန်းစာမေးပွဲ ပထဝီဝင် ဘာသာရပ် မေးခွန်းပုံစံသစ်နှင့် ပတ်သက်သည့် ရှင်းလင်း တင်ပြချက်

၂၀၁၈ခုနှစ် တက္ကသိုလ်ဝင်စာမေးပွဲအထိ ကျင့်သုံးခဲ့သည့် ပထဝီဝင် ဘာသာရပ်၏ မေးခွန်းပုံစံသည် ဖတ်စာအုပ်ပါ သင်ခန်းစာများကို အလွတ်ကျက် ပြန်ရေးစနစ်ဟောင်း ပုံစံကိုသာအခြေပြုထားသည့် အတွက် ယခုအခါ မေးခွန်းပုံစံသစ်ကို ပြောင်းလဲရန်ပြင်ဆင် လာခြင်းဖြစ်ပါသည်။
 
၂၀၁၉ ခုနှစ်တွင်ပြောင်းလဲကျင့်သုံးမည့် မေးခွန်းပုံစံ တွင် ကျောင်းသားကျောင်းသူများ ဖတ်စာအုပ်ကို အလွတ်ကျက်မှတ်၍ ဖြေဆိုမှု လျော့နည်းလာစေရန်၊ စဉ်းစား တွေးခေါ်ဖြေဆိုသောကိုယ်ပိုင် ရေးသားမှု စွမ်းရည်ဖွံ့ဖြိုးတိုးတက်လာစေရန် စသည့်ရည်ရွယ်ချက်များဖြင့် ပြောင်းလဲပြင်ဆင်ထားပါသည်။
 
ပြောင်းလဲပြင်ဆင်သည် ဆိုသော်လည်း မေးခွန်းတစ်ခုလုံးအား အလုံးစုံပြင်ဆင်လိုက်ခြင်းကား မဟုတ်ပါ။ အဓိက ပြောင်းလဲပြင်ဆင်ထား သည့် အပိုင်းများမှာ စာစစ်မှူးချုပ်များ၏ စာစစ်အတွေ့အကြုံများအရ ကျောင်းသား ကျောင်းသူများ ဖြေဆိုရာတွင် ရောထွေးမှုဖြစ်သော အပိုင်းများ အား ဖြုတ်ခြင်း၊ ပထဝီဝင် ဘာသာရပ်၏ သဘောသဘာဝ အရ ကိုယ်ပိုင်စွမ်းရည်ဖြင့် စဉ်းစားတွေးခေါ်ဖြေဆိုရမည့် လက်တွေ့ ပထဝီဝင်အပိုင်းများ၏ အမှတ်ခွဲဝေမှု အားပြင်ဆင်ခြင်း စသည့် ပြောင်းလဲပြင်ဆင်မှု များသာဆောင်ရွက်ထားသည့် အတွက် ၂၀၁၈ခုနှစ်အထိ ကျင့်သုံးခဲ့သည့် မေးခွန်းပုံစံဟောင်း၏ ၂၅%ခန့်သာ ပြောင်းလဲ ပြင်ဆင်ထား ခြင်းဖြစ်ပါသည်။ ထို့ကြောင့် ယခုအသစ်ကျင့်သုံး မည့် တက္ကသိုလ်ဝင်တန်း ပထဝီဝင်ဘာသာရပ်မေးခွန်း ပုံစံသစ် သည် ဖြေဆိုကြမည့်ကျောင်းသားကျောင်းသူများ၏ ပိုမိုအကျိုးဖြစ်ထွန်းစေနိုင်မည့် အပိုင်းကဏ္ဍအချို့ကိုသာ မွမ်းမံ ပြင်ဆင်ခြင်းဖြစ်ပြီး ပထဝီဝင် ဘာသာရပ်ဖြင့် လက်တွေ့အသုံးချနိုင်မှု အပိုင်းကိုလည်းအနည်းငယ် ဖြည့်စွက်ပေးထားပါသည်။
 
အဓိက တင်ပြလိုသည်မှာ ၂၀၁၉ ခုနှစ်တွင် ပြောင်းလဲကျင့်သုံးမည့် မေးခွန်းပုံစံသစ် အတွက် ပြဋ္ဌာန်း စာအုပ်မှာ ယခင်ပြဋ္ဌာန်းစာအုပ်ကိုသာ ပြန်လည်သုံးစွဲမှာဖြစ်သည့်အတွက် သင်ကြားရ မည့် အကြောင်းအရာ အသစ်များမဟုတ်ဘဲ အမှတ်ခွဲဝေမှု အပိုင်းနှင့် ဖြေဆိုရာတွင် စဉ်းစားတွေးခေါ်မှုဦးစား ပေးအနေအထားအနည်းငယ်ပြောင်းလဲ ထားခြင်းသာဖြစ် ပါသည်။
 
ယခုဆက်လက်ပြီး ပထဝီဝင်ဘာသာရပ်မေးခွန်းနံပါတ်အလိုက် ပြောင်းလဲဆောင်ရွက်မှု၊ များကိုဆက်လက်ရှင်း ပြလိုပါသည်။
 
၂၀၁၈ ခုနှစ်အထိကျင့်သုံးခဲ့သော တက္ကသိုလ်ဝင်စာမေးပွဲ၊ ပထဝီဝင် ဘာသာရပ် မေးခွန်းတွင် အပိုင်း(က)မှ အပိုင်း (စ) အထိ အပိုင်း(၆)ပိုင်းပါဝင် ကာ မေးခွန်းပါပေးထားချက်များအရ မေးခွန်းပေါ်တွင် အမှတ် ၂၈၀ ဘိုးမေးထားပြီး အမှတ် ၁၀၀ ဘိုးဖြေဆိုရန်ဖြစ်ပါသည်။
 
၂၀၁၉ ခုနှစ် ပထဝီဝင်ဘာသာရပ်မေးခွန်းပုံစံသစ်တွင် အပိုင်း(က)၊ မေးခွန်း ၁(က) မှားမှန်ရွေး၊ မေးခွန်း ၁(ခ) ကွက်လပ်ဖြည့်၊ မေးခွန်း ၁(ဂ) တွင် အဖြေမှန်ရွေးများပါဝင်ကာ ပေးမှတ် (၁၅) မှတ် ဖြင့် ယခင်အတိုင်းဖြစ်ပြီး ပြောင်းလဲမှုလုံးဝမပါဝင်ပါ။
 
အပိုင်း(ခ) တွင် ပြဋ္ဌာန်းစာအုပ်မှ သဘာဝပထဝီဝင် အပိုင်းအား မေးမှာဖြစ်ပြီး မေးခွန်းအားဖြင့် မေးခွန်းနံပါတ် (၂) နှင့် (၃) သည် မေးခွန်း ရှည် (Essay Type) အဖြစ်မေးထားမည်ဖြစ်ပြီး၊ မေးခွန်းနံပါတ် (၄) မှာ မှတ်စုတို (Add-note Type) (၂) ပုဒ် မေးကာစုစုပေါင်း (၃) ပုဒ်မှ တစ်ပုဒ် ရွေးချယ်ဖြေဆိုရန်ဖြစ်ပြီး ရမှတ်မှာ (၁၅) မှတ်ဖြစ်ပါသည်။ မေးခွန်း၏ အပိုင်း(ခ) တွင် အဓိကပြောင်းလဲမှု တစ်ခုမှာ မေးခွန်းနံပါတ်(၄) မှတ်စုတို အပိုင်းဖြစ်ပြီး ယခင်က မှတ်စုတို (Add-note Type) (၄)ပုဒ် မေးထားခဲ့ပြီး ယခု မေးခွန်းပုံစံသစ်တွင် မှတ်စုတိုမှာ (၂) ပုဒ်သာမေးထားပါသည်။
 
၂၀၁၈ ခုနှစ်အထိ မေးခွန်း၏ အပိုင်း(ဂ) စီးပွားရေးပထဝီဝင် အပိုင်းတွင် အခန်း(၁) သတ္တုတွင်းထွက် ပစ္စည်းတူးဖော်ခြင်းလုပ်ငန်း၊ အခန်း(၂) သတ္တုမဟုတ်သောတွင်းထွက် ပစ္စည်းတူးဖော်ခြင်းလုပ်ငန်း၊ အခန်း(၃) ရေအား၊ အခန်း(၄) စက်မှုလက်မှုလုပ်ငန်း၊ အခန်း(၅) ပို့ဆောင် ဆက်သွယ်ရေးလုပ်ငန်း၊ အခန်း(၆) ကုန်သွယ်ရေးလုပ်ငန်း များပါဝင်ပါသည်။
 
အထက်ဖော်ပြပါ အခန်းအလိုက်အကြောင်းအရာများသည် အပိုင်း(ဂ) မြန်မာ့ပထဝီဝင်အခန်းရှိ အကြောင်းအရာများနှင့်လည်း ဆင်တူနေသည်ကိုတွေ့ရနိုင်ပါသည်။
 
စာရင်းဇယားအချက်အလက်သာ ကမ္ဘာနှင့်မြန်မာကွာခြားနေခြင်း ရှိပါသည်။ ထို့အပြင် ကမ္ဘာ့စီးပွားရေးအနေဖြင့်လည်း အခန်း (ဃ) ကမ္ဘာ့ ပထဝီဝင် အခန်းတွင် နိုင်ငံအလိုက် ပထဝီဝင် အကြောင်းခြင်းရာ များဖော်ပြသည့်အခါ နိုင်ငံအလိုက်စီးပွားရေးလုပ်ငန်းများ တွင်ပါဝင်နေသည်ကိုတွေ့ရနိုင်ပါသည်။
 
ထို့ကြောင့် ၂၀၁၉ခုနှစ် ပထဝီဝင်ဘာသာရပ်မေးခွန်းပုံစံသစ်တွင် အပိုင်း(ခ) စီးပွားရေး ပထဝီဝင်အပိုင်းအား ထည့်သွင်း၍ အကဲဖြတ်စစ်ဆေးမှု အတွက်အသုံးပြုတော့ မည်မဟုတ်ပါ။
 
မေးခွန်း၏ အပိုင်း (ဂ) တွင် မြန်မာနိုင်ငံပထဝီဝင် အပိုင်းအား မေးမှာဖြစ်ပြီး မေးခွန်းအားဖြင့် မေးခွန်းနံပါတ် (၅) နှင့် (၆) သည် မေးခွန်းရှည် (Essay Type) အဖြစ်မေးထားမည်ဖြစ်ပြီး၊ မေးခွန်းနံပါတ် (၇) မှာ မှတ်စုတို (Add-note Type) (၂) ပုဒ် မေးကာစုစုပေါင်း (၃) ပုဒ်မှ တစ်ပုဒ်ရွေးချယ်ဖြေဆို ရန်ဖြစ်ပြီး ရမှတ်မှာ (၁၅) မှတ်ဖြစ်ပါသည်။ မေးခွန်း၏ အပိုင်း(ဂ) တွင် အဓိကပြောင်းလဲမှု တစ်ခုမှာ မေးခွန်းနံပါတ်(၇) မှတ်စုတို အပိုင်းဖြစ်ပြီး ယခင်က မှတ်စုတို (Add-note Type) (၄)ပုဒ် မေးထားခဲ့ပြီး ယခု မေးခွန်းပုံစံသစ်တွင် မှတ်စုတိုမှာ (၂)ပုဒ်သာ မေးထားပါသည်။
 
မေးခွန်း၏ အပိုင်း(ဃ) ကမ္ဘာ့ပထဝီဝင် အပိုင်းအား မေးမှာဖြစ်ပြီး မေးခွန်း အားဖြင့် မေးခွန်း နံပါတ် (၈) နှင့် (၉) သည် မေးခွန်းရှည် (Essay Type) အဖြစ်မေးထားမည်ဖြစ်ပြီး၊ မေးခွန်း နံပါတ် (၁၀) မှာ မှတ်စုတို (Add-note Type) (၂) ပုဒ် မေးကာစုစုပေါင်း (၃) ပုဒ်မှ တစ်ပုဒ်ရွေးချယ် ဖြေဆို ရန်ဖြစ်ပြီး ရမှတ်မှာ (၁၅) မှတ်ဖြစ်ပါသည်။ မေးခွန်း၏ အပိုင်း(ဃ) တွင် အဓိက ပြောင်းလဲမှု တစ်ခုမှာ မေးခွန်းနံပါတ်(၁၀) မှတ်စုတို အပိုင်းဖြစ်ပြီး ယခင်က မှတ်စုတို (Add-note Type) (၄)ပုဒ် မေးထားခဲ့ပြီး ယခု မေးခွန်းပုံစံသစ်တွင် မှတ်စုတိုမှာ (၂)ပုဒ်သာမေးထားပါသည်။
 
မေးခွန်းပုံစံသစ်တွင် စဉ်းစားတွေးခေါ်မှုအပိုင်း ပိုမိုအလေးထားနိုင်ရန် အတွက် ဒသမတန်း ပထဝီဝင်ဖတ်စာအုပ် ၏ လက်တွေ့ပထဝီဝင် အပိုင်းကိုအမှတ်အချိုး ပိုမိုအလေးပေး ထားပါသည်။
 
ထိုကဲ့သို့လက်တွေ့ပထဝီဝင် အပိုင်းအား မေးခွန်းတွင် အလေးပေးမှု ပိုမိုခြင်းအားဖြင့် ပထဝီဝင်ဘာသာရပ်သည် အလွတ်ကျက်မှတ် လေ့လာ ရသောဘာသာရပ်အမြင်မှ လက်တွေ့နယ်ပယ်တွင် အသုံးဝင်သော၊ စဉ်းစားဆင်ခြင် မှုဖြင့်လေ့လာရသော၊ အချိန်နှင့်နေရာ ဆက်စပ်တွေးခေါ်ပြီး ကောက်ချက်ချရသော ဘာသာရပ်အဖြစ်ပြောင်းလဲ နိုင်မည်ဖြစ်ပါသည်။
 
ထို့ကြောင့် မေးခွန်းပုံစံသစ်တွင် မေးခွန်းနံပါတ် ၁၁(က) စကေး ပုစ္ဆာများ (၁၀)မှတ်၊ မေးခွန်းနံပါတ် ၁၁(ခ) ကောင်းကင်ဓာတ်ပုံ ပုစ္ဆာများ (၁၀)မှတ် နှင့် မေးခွန်းနံပါတ် ၁၁(ဂ) မြေပြင်လက္ခဏာပြမြေပုံ ဖြေဆိုခြင်း(၂၀)မှတ် စုစုပေါင်း(၄၀)မှတ် အဖြစ် အမှတ်ခွဲဝေမှုအား အဓိကပြောင်းလဲထားပါ သည်။ ဖြေဆိုရာတွင်လည်း အထူးသဖြင့် အမှတ်(၂၀)ပေးထားသော မြေပြင်လက္ခဏာပြမြေပုံများ ဖတ်ရှုပြန်ဆိုခြင်း တွင် ယခင်မေးခွန်းများ တွင်လို တွေ့ရှိရသည့် အကြောင်းအရာ ဥပမာ- မြစ်ချောင်းများ တွေ့ပါသည်။
 
ရွာစုရွာဝိုင်းများတွေ့ရသည် စသဖြင့် ဖြေဆိုခြင်းထက် တွေ့ရှိရသော အကြောင်းအရာများကို ဆက်စပ်သုံးသပ်ပြီး ဖြစ်စဉ်များကို ဆန်းစစ် လေ့လာခြင်းများ (relationship between patterns and processes) ဖြေဆိုနိုင်စေရန် အဓိက ရည်ရွယ်ပါသည်။
 
လက်တွေ့ ပထဝီဝင်မေးခွန်းအပိုင်းသည် ပြဌာန်း ကျောင်းသုံး ဖတ်စာအုပ်မှ တိုက်ရိုက် အလွတ်ကျက်ဖြေဆို၍ ရသောအပိုင်းမဟုတ်ဘဲ စဉ်းစား တွေးခေါ်မှု နှင့် အခြေခံ ပထဝီဝင်အသိသညာများ (Basic Geographic Concepts)၊ အခြေခံပထဝီဝင်သဘောတရား များ (Basic Geographical Principles) ကိုကောင်းစွာ ဆက်စပ်အသုံးချတတ်မှသာ ဖြေဆိုနိုင်မည့် မေးခွန်းမျိုးဖြစ်ပါသည်။
 
ထို့ကြောင့် မေးခွန်း၏ အပိုင်း(က) ဓမ္မဓိဌာန် မေးခွန်းများ (၁၅) မှတ် နှင့် အပိုင်း(င) လက်တွေ့ ပထဝီဝင် (ယခင်ကအပိုင်း (စ) အပိုင်းဖြစ်ပြီး မေးခွန်းပုံစံသစ်တွင် စီးပွားရေးပထဝီဝင် အခန်းမပါဝင်တော့သည့်အတွက် ယခုအခါ အပိုင်း(င)ဖြစ်လာသည်) အမှတ်(၄၀) ဖြစ်သဖြင့် အပိုင်း(က) နှင့် အပိုင်း(င) နှစ်ခုပေါင်းလျှင် မေးခွန်း၏ စုစုပေါင်းပေးထား အမှတ်(၁၀၀) မှ (၅၅)မှတ်ရရှိနိုင်မည်ဖြစ်ပါသည်။ ထို့အပြင် ပထဝီဝင်ဆိုင်ရာစဉ်းစား တွေးခေါ်မှု အပိုင်းထက် ပထဝီဝင်ဆိုင်ရာအကြောင်းခြင်းရာ ကိုဦးစားပေးသည့် မေးခွန်း၏ အပိုင်း (ခ)၊ (ဂ) နှင့် (ဃ) တို့၏အရေးပါမှုကိုလည်း လျှော့ချနိုင်မည်ဖြစ်ပါသည်။
 
နောက်ဆုံးအနေဖြင့် အနှစ်ချုပ်တင်ပြရမည်ဆိုပါက ၂၀၁၉ခုနှစ် တက္ကသိုလ် ဝင်တန်း ပထဝီဝင်ဘာသာရပ် မေးခွန်းပုံစံသစ်သည် ၂၀၁၈ ခုနှစ် အထိအသုံးပြုခဲ့သော မေးခွန်းပုံစံဟောင်း နှင့် အဓိက သုံးနေရာ ကွဲလွဲနေပါမည်။
၁။ ၂၀၁၈ခုနှစ်အထိအသုံးပြုခဲ့သည့် မေးခွန်းပုံစံဟောင်းတွင် အပိုင်း(ဂ) အဖြစ် မေးခဲ့သည့် စီးပွားရေးပထဝီဝင် အပိုင်း မေးခွန်းပုံစံသစ်တွင် မပါဝင်တော့ပါ။
 
၂။ တက္ကသိုလ်ဝင်တန်း ပထဝီဝင်ဘာသာရပ် မေးခွန်းတွင် ပါဝင်မည့် သဘာဝပထဝီဝင်၊ ကမ္ဘာ့ ပထဝီဝင်၊ နှင့် မြန်မာ့ပထဝီဝင် အပိုင်းများတွင် မှတ်စုတိုမေးခွန်း(Add-note type question) တစ်ပိုင်းတွင် (၂)ပုဒ်စီသာ ပါတော့မည်။
 
၃။ လက်တွေ့ပထဝီဝင် အပိုင်းတွင် ယခင်က မေးခွန်းနံပါတ် ၁၄(က) စကေး (သို့) ကောင်းကင်ဓာတ်ပုံ ဘာသာပြန်ဆိုခြင်းနှင့် သက်ဆိုင်သည့် မေးခွန်း နှင့် မေးခွန်းနံပါတ် ၁၄(ခ) မြေပြင်လက္ခဏာပြမြေပုံ ဖတ်ရှု ဘာသာပြန်ဆိုခြင်း အစား ယခုအခါ ၁၁(က) စကေးပုစ္ဆာ၊ ၁၁(ခ) ကောင်းကင်ဓာတ်ပုံ ဘာသာပြန်ဆိုခြင်းလုပ်ငန်းစဉ်များ နှင့် ၁၁(ဂ) မြေပြင် လက္ခဏာပြမြေပုံ ဖတ်ရှု ဘာသာပြန်ဆိုခြင်း အဖြစ်သို့ပြောင်းလဲကာ ပေးမှတ်ကိုလည်း (၂၅) မှတ်မှ (၄၀) မှတ်အထိ တိုးမြှင့်ထားပါသည်။
 
ထို့ကြောင့် ၂၀၁၉ ခုနှစ် တက္ကသိုလ်ဝင်တန်း၊ ပထဝီဝင်ဘာသာရပ်မေးခွန်းသည် အလွတ် ကျက်ခြင်းမှ အထိုက်အလျောက် ကင်းလွတ်ပြီး စဉ်းစားတွေးခေါ်ဖြေဆိုရကာ ကျောင်းသား ကျောင်းသူအများစု လွယ်လင့် တကူ လေ့လာဖြေဆိုနိုင်သော ဘာသာရပ်အဖြစ် ပြောင်းလဲပေး လိုက်ပြီဖြစ်ပါကြောင်း တင်ပြလိုက်ရပါသည်။
နမူနာမေးခွန်းပုံစံကို ပညာရေးဝန်ကြီးဌာန၏ Website ဖြစ်သော www.moe.gov.mm တွင် (၁၀-၅-၂၀၁၈) ရက်နေ့မှစ၍ ဝင်ရောက်ကြည့်ရှုနိုင်ပါကြောင်း အသိပေးတင်ပြ အပ်ပါသည်။
 
Credit - ပညာရေးဝန်ကြီးဌာန
The Ladies News
 

 

Vote: 
No votes yet

Add new comment