လားဟူဒီမိုကရက်တစ်အစည်းအရုံးမှ ၂၁-ပင်လုံ တတိယအကြိမ် အစည်းအဝေးတွင် ဆွေးနွေးမည့် ကဏ္ဍငါးရပ်ကို အကြိုဆွေးနွေးမှုပြုလုပ်

NCA တွင် လက်မှတ်ရေးထိုးထားသည့် လားဟူဒီမိုကရက်တစ် အစည်းအရုံး (LDU ) မှ ၂၁-ရာပင်လုံ တတိယအကြိမ် အစည်းအဝေးတွင် ဆွေးနွေးမည့် နိုင်ငံရေး၊ လှုမှုရေး၊ စီးပွားရေး၊ လုံခြုံရေး၊ မြေယာနှင့် သဘာဝပတ်ဝန်း ဟူသော ကဏ္ဍငါးရပ်အတွက် အကြိုဆွေးနွေးမှုများ ပြုလုပ်နေကြောင်း LDU ဒုဥက္ကဋ္ဌ ဗိုလ်မှူးကြီးဆော်လမွန် က The Ladies News သို့ ပြောကြားသည်။
 
မတ်လ ၁၉ ရက်နေ့မှ စတင်ကာ ထိုင်းနိုင်ငံ၊ ချင်းမိုင်မြို့တွင် ပြုလုပ်သော NCA စာချုပ် အကောင်အထည် ဖော်မှုအပေါ် ရှေ့လုပ်ငန်းစဉ်များ ချမှတ်သည့် အစည်းအဝေးတွင် အထက်ဖေါ်ပြပါ ကိစ္စရပ်များကို ဆွေးနွေးခဲ့ခြင်းဖြစ်သည်ဟု ၄င်းကပြောကြားသည်။
 
အစည်းအဝေးတွင် `NCA စာချုပ် အကောင်အထည်ဖေါ်တဲ့နေရာမှာ ရှေ့လုပ်ငန်းစဉ် ချမှတ်စီမံလုပ်ဆောင်ဖို့ရယ်၊ နောက် ပြည်ထောင်စုငြိမ်းချမ်းရေး ညီလာခံ ၂၁-ရာစုပင်လုံ (UPC) ကိုတင်ပြဖို့ ကဏ္ဍကြီးငါးရပ်ရယ်၊ အဲဒီငါးရပ်ကို ကိုယ်စားလှယ်ပို့ရမယ်။ ပြည်ထောင်စုငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) ကတစ်ဆင့် UPC ကိုတင်ဖို့ မနက်ဖြန်ကျရင် ကိုယ်စားလှယ်တွေ ရွေးရမယ်` ဟု ဗိုလ်မှူးကြီးဆော်လမွန် က ပြောကြားသည်။
 
ရှေ့လုပ်ငန်းများနှင့် ပတ်သက်ပြီး ဆွေးနွေးနေဆဲဖြစ်သောကြောင့် လတ်တလော အခြေအနေတွင် ဆုံးဖြတ်ချက် ချမှတ်နိုင်ခြင်း မရှိသေးကြောင်း၊ ယခုနွေးဆွေးပွဲသို့ ကိုယ်စားလှယ် ၁၇ ဦး တက်ရောက်ခဲ့ပြီး ဆွေးနွေးပွဲကို မတ်လ ၂၀၊ ၂၁ ရက်များအထိ ပြုလုပ်သွားမည်ကြောင်း ၄င်းက ပြောကြားသည်။
 
ပြီးခဲ့သည့် ဖေဖော်ဝါလ ၁၃ ရက်နေ့က ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) တပ်ပေါင်းစု အဖွဲ့ဝင်များဖြစ်သည့် မွန်ပြည်သစ်ပါတီ (NMSP) နှင့် လားဟူဒီမိုကရက်တစ် အစည်းအရုံး (LDU) တို့သည် NCA စာချုပ်တွင် လက်မှတ်ရေးထိုးခဲ့ကြသည်။
 
အကြောင်းအမျိုးမျိုးကြောင့် ရွှေ့ဆိုင်ထားရသော ပြည်ထောင်စုငြိမ်းချမ်းရေးညီလာခံ ၂၁-ရာစု ပင်လုံ တတိယအကြိမ် အစည်းအဝေးကိုမူ ဖေဖော်ဝါရီလ ၂၈ ရက်နေ့တွင် ကျင်းပခဲ့သည့် ၇ ကြိမ်မြောက် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေး သဘောတူစာချုပ် အကောင်အထည်ဖော်မှုဆိုင်ရာ ညှိနှိုင်းအစည်းအဝေး (JICM) ၌ မေလအတွင်း ပြုလုပ်မည်ဟု ဆုံးဖြတ်ခဲ့သည်။
 
The Ladies News
 

 

Vote: 
No votes yet

Add new comment