နိုင်ငံတော်၏ ဖွံ့ဖြိုးတိုးတက်ရေးနှင့် တည်တံ့ခိုင်မြဲရေးအတွက် အမျိုးသားလူဦးရေ မူဝါဒကို ရေးဆွဲချမှတ် အကောင်အထည်ဖော် ဆောင်ရွက်ရန်ရှိ

နိုင်ငံတော်၏ ဖွံ့ဖြိုးတိုးတက်ရေးနှင့် တည်တံ့ခိုင်မြဲရေးတို့အတွက် အမျိုးသားလူဦးရေ မူဝါဒကို ရေးဆွဲချမှတ် အကောင်အထည် ဖော်ဆောင်ရွက်ရန် အစီအစဉ်ရှိကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီး ဦးသိန်းဆွေက ဖေဖော်ဝါရီ ၅ ရက်တွင် ပြောကြားသည်။
 
ပြည်သူ့လွှတ်တော် အစည်းအဝေးတွင် ရေကြည် မဲဆန္ဒနယ်မှ ဒေါက်တာစံရွှေဝင်းက နိုင်ငံတော်၏ ကျန်းမာရေး၊ ပညာရေး၊ လုပ်သားအင်အား၊ လူမှုရေးဖွံ့ဖြိုးမှု၊ စီးပွားရေးဖွံ့ဖြိုးမှုများကို စဉ်းစားခြုံငုံသုံးသပ်ပြီး “အမျိုးသားလူဦးရေ မူဝါဒ” ချမှတ်ဆောင်ရွက်ရန် အစီအစဉ်ရှိ၊ မရှိ မေးမြန်းခဲ့မှုကို ပြန်လည်ဖြေကြားပေးခဲ့ခြင်း ဖြစ်သည်။
 
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနအနေဖြင့် ၂၀၁၄ ခုနှစ်၊ သန်းခေါင်းစာရင်း အချက်အလက်များကို အသေးစိတ် လေ့လာဆန်းစစ်ထားသည့် သုတေသနစာတမ်းများမှ တွေ့ရှိချက်များကို မူတည်ပြီး လူဦးရေမူဝါဒ ရေးဆွဲနိုင်ရန် ရည်မှန်းထားသည်။
 
ပြည်ထောင်စုသမ္မတြ မန်မာနိုင်ငံတော်၏ လူဦးရေနှင့်ဖွံ့ဖြိုး တိုးတက်ရေးလုပ်ငန်းများ ဆောင်ရွက်နိုင်ရန်၊ နိုင်ငံတစ်နိုင်ငံတွင် ရှိသော လူဦးရေဆိုင်ရာအ ဖွဲ့အစည်းများ နှင့် ချိတ်ဆက် ဆောင်ရွက်နိုင်ရန်နှင့် ဥပဒေ၊ နည်းဥပဒေနှင့် မူဝါဒများချမှတ် ဆောင်ရွက်နိုင်ရန်အတွက် လုပ်ငန်းစဉ်၏ ပထမခြေလှမ်းအဖြစ် အမျိုးသားအဆင့်‌ လူဦးရေနှင့်ဖွံ့ဖြိုး တိုးတက်ရေး ကော်မရှင်ကို ဖွဲ့စည်းရန်လိုအပ်သည်။ ၎င်းကော်မရှင်အား ပြည်ထောင်စုအစိုးရ အဖွဲ့၏ ၂၄.၁၁.၂၀၁၁ ရက်စွဲပါ အမိန့်ကြော်ငြာစာအမှတ် (၄၈/၂၀၁၁)ဖြင့် ဖွဲ့စည်းခဲ့ကြောင်း၊ သို့ရာတွင် ပြည်ထောင်စုအစိုးရ အဖွဲ့၏ ၂၉.၃.၂၀၁၆ ရက်စွဲပါ အမိန့်ကြော်ငြာစာ အမှတ်(၅၁/၂၀၁၆)ဖြင့် ဖျက်သိမ်း ခဲ့သဖြင့် ပြန်လည် ဖွဲ့စည်းခွင့်ပြုရန် မိမိတို့ ဝန်ကြီးဌာနအနေဖြင့် ပြည်ထောင်စုအစိုးရအဖွဲ့သို့ တင်ပြထားပြီး ဖြစ်သည်။ ဖွဲ့စည်းခွင့်ရရှိမည်ဆိုပါက လူဦးရေမူ ဝါဒရေးဆွဲခြင်း လုပ်ငန်းစဉ်များကို ကော်မရှင်မှ ဦးစီးပြီး ဝန်ကြီးဌာနပေါင်းစုံ ပါသည့် အဖွဲ့များနှင့် စနစ်တကျ ဆောင်ရွက်သွားမည် ဖြစ်ကြောင်း ပြည်ထောင်စုဝန်ကြီး ဦးသိန်းဆွေက ပြောကြားခဲ့သည်။
 
The Ladies News
 

 

Vote: 
No votes yet

Add new comment