ဟိုတယ်နှင့် ခရီးသွားလာရေးဝန်ကြီးဌာနက နာဂရိုးရာ နှစ်သစ်ကူးပွဲတော် သို့ ပြည်တွင်းပြည်ပ ဧည့်သည်များ သွားရောက်လည်ပတ်နိုင်ရန် လမ်းကြောင်း များ အသိပေးထုတ်ပြန်

စစ်ကိုင်းတိုင်းဒေသကြီးနန်းယွန်းမြို့တွင် ဇန်န၀ါရီ ၁၄ ရက်မှ ၁၅ ရက်နေ့အထိ ကျင်းပပြုလုပ်မည့် နာဂရိုးရာ နှစ်သစ်ကူး ပွဲတော်သို့ ပြည်တွင်း ၊ ပြည်ပ ဧည့်သည်များ သွားရောက် လည်ပတ်နိုင်ရန် လမ်းကြောင်းကို ဟိုတယ်နှင့် ခရီးသွားလာရေးဝန်ကြီးဌာနက အသိပေးထုတ်ပြန်ထားသည်။
 
နာဂရိုးရာ နှစ်သစ်ကူးပွဲတော်သို့ သွားရောက် လည်ပတ်လိုသည့် ပြည်တွင်း၊ ပြည်ပ ခရီးသွား ဧည့်သည်များ အနေဖြင့် ရန်ကုန်မှမန္တလေး-ခန္တီးသို့ လေယာဉ်ဖြင့်လည်းကောင်း ၊ ခန္တီးမြို့မှ လဟယ်မြို့သို့ (၄×၄) မော်တော်ယာဉ် များဖြင့် သွားရောက် လည်ပတ်နိုင်မည်ဖြစ်ကြောင်း ထုတ်ပြန်ချက်တွင် ဖော်ပြထားသည်။
 
ပွဲတော်ကျင်းပမည့် အစီအစဉ်များဖြစ်သော ဇန်နဝါရီ ၁၄ ရက်တွင် နာဂ ရိုးရာ နှစ်သစ်ကူးပွဲတော် ပြခန်းများ ဖွင့်လှစ်ခြင်းနှင့် ရိုးရာတံခွန်တိုင် စိုက်ထူပွဲကျင်းပခြင်း ၊ ဇန်န၀ါရီ ၁၅ ရက်တွင် နာဂရိုးရာနှစ်သစ် ကူး ပွဲတော် ပျော်ပွဲရွှင်ပွဲ အခမ်းအနားများနှင့် ညပိုင်းတွင် ကျင်းပမည့် မီးပုံပွဲစသည့် အစီအစဉ်များတွင် ပြည်တွင်း၊ ပြည်ပ ခရီးသွား ဧည့်သည်များ အနေဖြင့် ဒေသခံ တိုင်းရင်းသားများနှင့်အတူ ပါဝင်ဆင်နွှဲနိုင်မည် ဖြစ်သည်။
 
၂၀၁၈ ခုနှစ် နာဂရိုးရာ နှစ်သစ်ကူးပွဲတော်သို့ ပြည်တွင်း၊ ပြည်ပ ခရီးသွားဧည့်သည်များ လုံခြုံ ချောမွေ့ပြီး စိတ်အေး ချမ်းသာစွာဖြင့် ပါဝင်ဆင်နွှဲနိုင်ရန် ဟိုတယ်နှင့် ခရီးသွားလာရေးဝန်ကြီးဌာန ၊ စစ်ကိုင်း တိုင်းဒေသကြီး အစိုးရအဖွဲ့နှင့် နာဂကိုယ်ပိုင်အုပ်ချုပ်ခွင့်ရ ဒေသ (နာဂဦးစီးအဖွဲ့) တို့က ကူညီဆောင်ရွက်ပေးလျက် ရှိကြောင်း သိရသည်။
 
နာဂရိုးရာ နှစ်သစ်ကူး ပွဲတော်အား နာဂတိုင်းရင်းသားများ၏ ရိုးရာ၊ ယဉ်ကျေးမှု၊ ဓလေ့ ထုံးတမ်း စဉ်လာများအား နိုင်ငံခြားသား ဧည့်သည်တော်များ သိရှိ နားလည်စေရန်၊ ပြည်တွင်း၊ ပြည်ပဧည့်သည်တော်များ လမ်းခရီး တလျှောက်၌ သွားလာမှုလုံခြုံချောမွေ့စေရေးနှင့် သက်တောင့် သက်သာ သွားလာနိုင်စေရန်၊ ပြည်တွင်း၊ ပြည်ပ ဧည့်သည်တော်များ စိတ်ချမ်းမြေ့စွာ နေထိုင်စားသောက်နိုင်ရန်နှင့် မြန်မာ့ခရီးသွား လုပ်ငန်း တိုးတက်မြှင့်တင်ရန် စသည့် ရည်ရွယ်ချက်များဖြင့် နှစ်စဉ်ကျင်းပခြင်း ဖြစ်ကြောင်း ထုတ်ပြန်ချက်တွင် ဖော်ပြထားသည်။
 
The Ladies News
 

 

Vote: 
No votes yet

Add new comment