မသန်စွမ်းသူများအား အလုပ်ခန့်ခြင်းမှ စီးပွားရေးလုပ်ငန်းများ အကျိုးအမြတ် ရရှိနိုင်မည်ဟုဆို

မသန်စွမ်းသူများအား အလုပ်ခန့်ခြင်းကြောင့် စီးပွားရေးလုပ်ငန်းများ အကျိုးအမြတ် ရရှိလာနိုင်ကြောင်း မြန်မာ့စီးပွားရေး ကဏ္ဍ တာဝန်ယူ မှုရှိရေး အထောက်အကူပြုဌာန- MCRB မှ ဒါရိုက်တာ ဗစ်ကီဘိုမန်က ပြောသည်။
 
အဆိုပါကိစ္စနှင့် ပတ်သက်ပြီး နိုဝင်ဘာ ၂၁ ရက်နေ့က ကျင်းပပြုလုပ် သည့် အပြည်ပြည်ဆိုင်ရာ အလုပ်သမား အဖွဲ့အစည်း (ILO) နှင့် မြန်မာ့စီးပွားရေးကဏ္ဍ တာဝန်ယူမှုရှိရေး အထောက်အကူပြုဌာန (MCRB) တို့ ပူးပေါင်းပြီး မြန်မာနိုင်ငံရှိ မသန်စွမ်းသူများ၏ အလုပ် အကိုင် အခွင့်အလမ်း တိုးမြှင့်စေရန်နှင့် ၎င်းတို့အပေါ် ခွဲခြားဆက်ဆံ မှုများ ပပျောက်စေရန် ရည်ရွယ်ချက်ဖြင့် ပြုလုပ်သည့် အလုပ်ရုံဆွေးနွေး ပွဲအပြီး သတင်းထုတ်ပြန်ချက်အရ သိရသည်။
 
အဆိုပါ အလုပ်ရုံဆွေးနွေးပွဲသို့ နယ်ပယ်ပေါင်းစုံမှာ ပတ်သက် ဆက်နွယ် သူများဖြစ်သည့် စီးပွားရေး လုပ်ငန်းများ၊ အလုပ်သမားသမဂ္ဂများ၊ မသန်စွမ်း အဖွဲ့အစည်းများနှင့် အစိုးရ အဖွဲ့အစည်းတို့မှ ကိုယ်စားလှယ် ၁၀၀ ဦးခန့် တက်ရောက်ခဲ့ကြောင်း သိရသည်။
 
၎င်းအလုပ်ရုံဆွေးနွေးပွဲတွင် မသန်စွမ်းများအား မဖြစ်မနေ အလုပ်ခန့် ထားရမည့် ဝေပုံကျနှုန်းထား သတ်မှတ်ခြင်းနှင့် စပ်လျဉ်းသည့် ကောင်းကျိုးများ၊ ဆိုးကျိုးများ၊ ၎င်းတို့လုပ်ငန်းခွင်သို့ ပိုမိုဝင်ရောက်နိုင်ရန် အလုပ်အကိုင်နှင့် ပတ်သက်ပြီး လမ်းညွန်ပြသပေးခြင်းနှင့် ရှာဖွေပေးခြင်း အစီအစဉ်များ၊ နည်းပညာနှင့် အသက်မွေးဝမ်းကျောင်း ဆိုင်ရာ ပညာရပ်များ လေ့ကျင့် သင်ကြားပေးခြင်း(TVET) တို့အပါအ၀င် အခြားသော နည်းလမ်းများနှင့် မသန်စွမ်းများ ပါဝင်နိုင်ရန် အတွက် ချန်ပီယံ စီးပွားရေးလုပ်ငန်းများ အကြောင်း ဆွေးနွေးကြကြောင်း သိရသည်။
 
ILO မှ Rory Mungoven က “မြန်မာနိုင်ငံက မသန်စွမ်းသူတွေနဲ့ ပတ်သက်တဲ့ သဘောတူညီချက်တွေကို အတည်ပြု လက်မှတ်ရေးထိုးထားပြီး သူတို့ရဲ့ အခွင့်အရေးနဲ့ ပတ်သက်ပြီးတော့ အရေးကြီးတဲ့ ဥပဒေသစ်ကိုလည်း ပြဌာန်းထားပြီး ဖြစ်တယ်။ ဒီအလုပ်ရုံဆွေးနွေးပွဲမှာ အစိုးရ၊ မသန်စွမ်း အဖွဲ့အစည်းတွေ၊ အလုပ်ရှင်နဲ့ အလုပ်သမား အဖွဲ့အစည်းတွေက မသန်စွမ်း အလုပ်သမားတွေကို လုပ်ငန်းခွင့်မှာ ခွဲခြားဆက်ဆံမှုတွေ မရှိတော့အောင်၊ သူတို့အတွက် သင့်တင့်လျောက်ပတ်တဲ့ လုပ်ငန်းခွင်တွေ ဖန်တီးပေးဖို့၊ သင်တန်းနဲ့ ပတ်သက်တဲ့ အခွင့်အလမ်းတွေနဲ့ ဆွေးနွေးသင့်ပြီး အဲ့ဒါတွေကို လုပ်ငန်းခွင်မှာ ဘယ်လိုပြန်အသုံးချမလဲ ဆိုတာ စဉ်းစားသင့်တယ်”ဟု ပြောသည်။
 
MCRB မှ ဒါရိုက်တာ ဗစ်ကီဘိုမန်က “မသန်စွမ်းတွေကို အလုပ်ခန့်ထားတဲ့ အတွက် စီးပွားရေး လုပ်ငန်းတွေမှာ အကျိုးအမြတ် အများကြီးရှိတယ်ဆိုတဲ့ သာဓက ကောင်းကောင်းတွေ ရှိပြီးဖြစ်တယ်။ ဥပမာ ပြောရမယ်ဆိုရင် အလုပ်ကြိုးစားတဲ့ ၀န်ထမ်းတွေ၊ အလုပ်မြဲတဲ့ ၀န်ထမ်းတွေ၊ ပင်ကိုပါရမီမျိုးစုံရှိတဲ့ ၀န်ထမ်းတွေနဲ့ ဖောက်သည်တွေ ပိုမိုရရှိနိုင်ပြီးတော့ ကုမ္ပဏီရဲ့ ကုန်အမှတ်တံဆိပ်ဟာလည်း ပိုမိုနာမည်ကြီးလာတာတွေ တွေ့ရပါတယ်။ ဒါပေမယ့် မြန်မာနိုင်ငံ စီးပွားရေး လုပ်ငန်းတွေအနေနဲ့ ‘မသန်စွမ်းတွေရဲ့ အရည်အချင်းကို ယုံကြည်ဖို’ လိုအပ်ပြီးတော့၊ မသန်စွမ်းတွေကလည်း စီးပွားရေး လုပ်ငန်းတွေက လုပ်ငန်းခွင့်မှာ ခွဲခြားဆက်ဆံမှု မရှိ်ဘူးဆိုတာကို လက်ခံယုံကြည်ဖို့ လိုတယ်” ဟု ပြောသည်။
 
ယင်းကဆက်လက်ပြီး အခြားနိုင်ငံများတွင် လက်တွေ့ ကျင့်သုံးနေသည့် အခြားနည်းလမ်းများ၊ အခွင့်အလမ်းများနှင့် အလေ့အထ ကောင်းများကို သတိပြုမိလာပြီး မသန်စွမ်သူများကို အလုပ်ခန့်ထားရေး အတွက် အလုပ်ရှင်များနှင့် မသန်စွမ်းသူ အဖွဲ့အစည်းများကြားတွင် ချိတ်ဆက်မှု ပြုလုပ်နိုင်ရန် ရည်ရွယ်ကာ အလုပ်ရုံဆွေးနွေးပွဲ ကျင်းပရခြင်း ဖြစ်ကြောင်း ဆက်လက်ပြောသည်။
 
မသန်စွမ်းအဖွဲ့အစည်းများမှ မြန်မာနိုင်ငံ မျက်မမြင်များအသင်း၊ မြန်မာနိုင်ငံ မသန်စွမ်းသူများ ရှေ့ဆောင်အဖွဲ့ (MILI)၊ မြန်မာအော်တစ်ဇင် အသင်း၊ မြန်မာနိုင်ငံ နားမကြားသူများ ဖွံ့ဖြိုးတိုးတက်ရေး အဖွဲ့ (MDCDA) ရွှေမင်းသား ဖောင်ဒေးရှင်း တို့မှ ဟောပြောသူများအဖြစ် ပါဝင်ပြောကြားခဲ့သည်။ စီးပွားရေးလုပ်ငန်များမှ ဆူးလေရှန်ဂရီလာ ဟိုတယ် နှင့် ကမ္ဘောဇဘဏ်တို့မှ တာဝန်ရှိသူများ ပါဝင်ဆွေးနွေးခဲ့ကြသည်။
 
နိုင်ငံတကာ ကျွမ်းကျင်းသူများအဖြစ် ILO ဂျီနီဗာရုံးမှ မသန်စွမ်းဆိုင်ရာ ကျွမ်းကျင်သူ စီနီယာ Stefan Tromel၊ အာရှ မသန်စွမ်းသူများ မဟာမိတ်(APDA) UKမှ စီမံခန့်ခွဲရေးအရာရှိချူပ် Michael Jeewa နှင့် The Safe Harbour Counselling Centre ၏ ဒါရိုက်တာ Cassandra Chiu တို့ပါဝင်ကြောင်း သိရသည်။
 
အဆိုပါအလုပ်ရုံ ဆွေးနွေးပွဲမတိုင်မီ စီးပွားရေးလုပ်ငန်းများတွင် မသန်စွမ်းသူများ ပါဝင်နိုင်မှု သက်ဆိုင်သည့် တစ်ရက်တာ သင်တန်းကို မြန်မာ့စီးပွားရေးကဏ္ဍ တာဝန်ယူမှုရှိရေး အထောက်အကူပြုဌာန (MCRB) မှ ဦးဆောင်ကာ Dr.Sanjukta Choudhury နှင့် Cassandra Chiuတို့မှ ကျင်းပခဲ့ပြီးဖြစ်သည်။
 
MCRB အနေဖြင့် Association for Aid and Relief (AAR)ဂျပန်နှင့် ပူးပေါင်းပြီး မြန်မာနိုင်ငံရှိ စီးပွားရေး လုပ်ငန်းများ အတွက် မသန်စွမ်းသူများအား အလုပ်ခန့်ထားရေးဆိုင်ရာ လက်စွဲစာအုပ်ကို ၂၀၁၈ ခုနှစ် နှစ်ဦးပိုင်းတွင် မြန်မာ ဘာသာဖြင့် ထုတ်ဝေသွားရန်ရှိကြောင်း သိရသည်။
 
စိုင်းဟန်
The Ladies News
 

 

Vote: 
No votes yet

Add new comment