ကယားပြည်နယ်၊ ပရူနူဂူ သဘာဝလှိုဏ်ဂူနှင့် ပတ်သက်ပြီး ပြင်ပဧည် သည့်များ လာရောက်မှု ကန့်ကွက်ကြောင်း ဒေသခံပြည်သူများက ပြည် နယ်အစိုးရထံစာတင်

ကယားပြည်နယ်၊ ဖရူဆိုမြို့နယ်၊ မူဆိုကျေးရွာအုပ်စု၊ မော်သီဒိုရွာ အနီး (ပရူနူဂူ) သဘာဝလှိုဏ်ဂူသို့ ပြင်ပ ဧည်သည်များ လာရောက်မှုနှင့် ပတ်သက်ပြီး သဘာဝရေအရင်းမြစ်၊ လူနေမှုပုံစံ ထိခိုက်လာမည် စိုးရိမ်သည့် အတွက် ကန့်ကွက်ကြောင်း ဒေသခံပြည်သူများက ကယားပြည်နယ် ၀န်ကြီးချူပ်ထံသို့ ယနေ့( နိုဝင်ဘာ ၁၄ ရက်) တွင် စာတင်ထားကြောင်း သိရသည်။
 
ဒေသခံပြည်သူများ အနေဖြင့် ပရူနူရူ(ဒေသန္တရအမည်)သို့ ပြင်ပ ဧည့်သည်များ လာရောက်သည့်အတွက် ဌာနေဒေသခံ ပြည်သူများ၏ စားဝတ်နေရေး၊ အသက်မွေးဝမ်းကျောင်း ပြုမှုကို ထိခိုက်နိုင်ခြင်း၊ ရေဝေရေလဲ စနစ်ကို ထိခိုက်ပျက်စီးနိုင်ခြင်း၊ မွေးမြူရေး လုပ်ငန်းများ ထိခိုက်နိုင်ခြင်း၊ လူမှုရေး ဘာသာရေး ပြသ၁နာများ ဖြစ်ပွားနိုင်ခြင်းနှင့် သဘာဝ ပတ်ဝန်းကျင် ဂေဟစနစ်များ ထိခိုက်ပျက်စီးနိုင်ခြင်း စသည့်တို့ကို စိုးရိမ်သည့်အတွက် ပြင်ပဧည့်သည်များ လာရောက် လည်ပတ်နေခြင်းကို ကန့်ကွက်ကြောင်းနှင့် လာရောက် လည်ပတ်နေခြင်းကို ပိတ်ပင်မည် ဖြစ်ကြောင်း ၀န်ကြီးချူပ်ထံ ပေးပို့သည့်စာတွင် ဖော်ပြထားသည်။
 
အဆိုပါကိစ္စရပ်များအပြင် ဒေသခံပြည်သူများအား ခရီးသွားလာရေး လုပ်ငန်းနှင့် ပတ်သက်ပြီး သဘော သဘာဝများကို သေချာစွာ ရှင်းလင်း ချပြခြင်းများ မရှိခြင်း၊ ၎င်းသဘာဝလှိုဏ်ဂူမှ ရရှိလာသည့် ရေအရင်း အမြစ်သည် ဖရူဆိုမြို့၊ ဒီမောဆိုမြို့နှင့် အခြားသော မြို့နယ်များ၏ ရေအရင်းအမြစ်များကို အထောက်အကူပြုနေခြင်း၊ ကွိုင်ငံရေထွက်ပေါက် ကဲ့သို့သော နေရာများအတွက် အရေးပါခြင်းများရှိကြောင်း ဆိုသည်။
 
၎င်းတို့ကန့်ကွက်ရရန် အကြောင်းဖြစ်ပေါ်လာခြင်းမှာ လွန်ခဲ့သည့် ကာလအတွင်း လာရောက် လည်ပတ်မှုများကြောင့် အမှိုက်စွန့်ပစ်မှု ပြသ၁နာများ ဖြစ်ပွားခဲ့ပြီး ယခုလာရောက်မည့် သူများအား ခရီးသွားလုပ်ငန်း စနစ်လည်ပတ်မှုကို စနစ်တကျ ကိုင်တွယ်ဖြေရှင်းရန် စနစ်များနှင့် အစီအစဉ်များကို သေချာစွာ ပြင်ဆင်ခြင်းများ မတွေ့ရသေးကြောင်း ဆိုသည်။
 
၎င်းကိစ္စရပ်များအပြင် ကျေးရွာအတွင်း ရွာသူရွာသားများ အချင်းချင်း သွေးကွဲမှုနှင့် အထင်အမြင် လွဲမှားမှုများ ဖြစ်ပေါ်စေခြင်း၊ ခရီးသွားလာ လည်ပတ်ရေးနှင့် ပတ်သက်ပြီး စီးပွားရေး လုပ်ငန်းများနှင့် ဆက်စပ်ပြီး နိုင်ငံရေး၊ ငြိမ်းချမ်းရေးဆိုင်ရာ ကိစ္စ ပြသ၁နာ ဖြစ်ပေါ်လာမည်ကို မလိုလားသည်ဟုဆိုကာ ကန့်ကွက်ကြောင်းနှင့် လာရောက် လည်ပတ်မှုကို ပိတ်ပင်မည်ဖြစ်ကြောင်း ရွာသူရွာသားများက စုပေါင်းလက်မှတ်ရေးထိုးကာ ကယားပြည်နယ် ၀န်ကြီးချုပ်ထံ ပေးပို့ခဲ့ကြောင်း သိရသည်။
 
ကရင်နီပြည် တောင်သူလယ်သမားသမဂ္ဂ၊ စွမ်းအားအရင်းအမြစ်နှင့် စီမံခန့်ခွဲမှုတာဝန်ခံ ကိုဒီးဒီက “အဓိက ကတော့ ပြီးခဲ့တဲ့ သင်္ကြန်ကာလတုန်းက အဆိုးဆုံး ဖြစ်ခဲ့တာပဲ။ လူအများကြီး ရောက်လာပြီး အမှိုက်တွေ ပစ်သွားတာတွေ၊ နောက် ဓလေ့ယုံကြည်မှု ရှိတယ်။ ရည်းစားတွေ ချိန်းတွေ့ကြ မဖွယ်မရာလုပ်မှာတွေ သူတို့မကြိုက်ဘူး။ လာပြီးတော့ အခင်းဖြစ်ကြပြီး သတ်ကြဖြတ်ကြ ဖြစ်ရင်လည်း မကောင်းဘူးပေါ့။ သူရေအရင်းအမြစ်က စာထဲမှာပါတဲ့အတိုင်း ဖရူဆိုမြို့နယ်ရဲ့ ရေထွက်ပေါက်တွေကို အထောက်အကူ ပြုတယ်။ ထိခိုက် ညစ်ညမ်းသွားရင် မကောင်းဘူးဆိုပြီး ကန့်ကွက်စာ တင်ကြတာဖြစ်တယ်” ဟု ပြောသည်။
 
အဆိုပါ ပြင်ပ ဧည့်သည်များ ၀င်ရောက်လာမှု ကိစ္စနှင့် ပတ်သက်ပြီး မူဆိုကျေးရွာအုပ်စုရှိ မော်သိဒို၊ ဟန်လီကျေးရွာနေ ပြည်သူ ၂၀၀ ၀န်းကျင်ခန့်က လက်မှတ်ရေးထိုးကာ ကယားပြည်နယ် ၀န်ကြီးချုပ်ထံ လိပ်မူပြီး ယနေ့ (နိုဝင်ဘာ ၁၄ ရက်) နံနက်ပိုင်းတွင် ပေးပို့ခဲ့ခြင်းများရှိကြောင်း ပြောပြချက်အရ သိရသည်။
 
ကိုဒီးဒီက“ ဒီနေ့မနက်ပိုင်းက စာတင်ထားခဲ့တယ်။ ဘာမှတော့ အကြောင်းမပြန်သေးဘူး။ ၀န်ကြီးတွေကို တီးခေါက်မိတာတော့ ဒေသခံတွေ မကြိုက်ရင် သူတို့မလုပ်ဘူးဆိုတယ်။ ရွေးကောက်ပွဲ ဆင်းတုန်းကလည်း အဲ့ဒီလိုပြောခဲ့တာရှိတယ်။ ရွာသားတွေ အဓိက ရည်ရွယ်ချက်ကတော့ ရှုပ်ရှုပ်ရှက်ရှက် မကြိုက်ဘူး။ အေးအေးလူလူ နေချင်ကြတယ်” ဟု ပြောသည်။
 
ပရူနူဂူနှင့် ပတ်သက်ပြီး ဒေသခံဌာနေ တိုင်းရင်းသားများနှင့် ပတ်သက်ပြီး သမိုင်းအချို့ရှိပြီး ၎င်း ပရူနူဂူ (ဒေသန္တရအမည်) သည် အရှည်အားဖြင့် ၂ ဒသမ ၆ ကီလိုမီတာရှိပြီး မြေအောက်မြစ်၊ မြေအောက်ဂူ နှစ်မျိုး တွဲနေသည့် နှစ်ဖက်ဖွင့် ထူးခြားသည့် ဂူဖြစ်သည်။ မြန်မာနိုင်ငံတွင် ၂၀၁၅ ခုနှစ် နောက်ပိုင်းတွင် စတင်ခဲ့သည့် မြန်မာ့ သဘာဝလှိုဏ်ဂူများကို မှတ်တမ်းယူခြင်း စီမံချက်မှ နိုင်ငံခြား သဘာဝလှိုဏ်ဂူ ပညာရှင်များက အဆိုပါဂူအား ၂၀၁၆ ခုနှစ်က လာရောက် မှတ်တမ်းယူခြင်းများ ရှိကြောင်း သိရသည်။
 
ကယားပြည်နယ်တွင် ပရူနူဂူအပြင် ၄၀၉၅ မီတာ ရှည်လျားသည့် မြစ်နီလှိုက်ဂူနှင့် အရှည် ၂၁၉၄ မီတာ ရှည်လျားသည့် ထူးဆန်းသည့် အခေါင်းများရှိသည့် ကြတ်ဂူတို့သည်လည်း နာမည်ကျော် ထင်ရှားကြောင်း သတင်းများအရ သိရသည်။
 
ဓာတ်ပုံ-Myanmar Cave Documentation Project (Phil Bence)
The Ladies News
 

 

Vote: 
No votes yet

Add new comment