အင်ဂျင်နီယာကျောင်းဆင်းများကို ယာဉ်မောင်း ရာထူး လျောက်လွှာခေါ် သည့်အတွက် AGTI ကျောင်းသားဟောင်းများ ကန့်ကွက်စာထုတ်

ပို့ဆောင်ဆက်သွယ်ရေး ၀န်ကြီးဌာန ကြေးမုံသတင်းစာတွင် ယာဉ်မောင်း (၄) ရာထူး လျှောက်လွှာခေါ်ယူမှုနှင့် ပတ်သက်ပြီး AGTI ကျောင်းသား aဟာင်းများ ကန့်ကွက်ကြောင်းနှင့် သက်ဆိုင်ရာဌာနမှ အမြန်ဆုံး ရှင်းလင်းပေးရန် ဂျီတီအိုင် ကျောင်းသားဟောင်းများ အသင်း၊ အလုပ်အမှု ဆောင် အဖွဲ့မှ ယနေ့(နိုဝင်ဘာ ၁၄ ရက်) ရက်စွဲဖြင့် ကြေညာချက် တစ်စောင် ထုတ်ပြန်ထားသည်။
 
၂၀၁၇ နိုဝင်ဘာ ၁၁ ရက်နေ့ထုတ် ကြေးမုံသတင်းစာတွင် ပို့ဆောင် ဆက်သွယ်ရေး ၀န်ကြီးဌာန၏ ယာဉ်မောင်း၊(၄) ရာထူးခေါ်ယူခြင်းကို တွေ့ရှိရကြောင်း ဆိုသည်။
 
အဆိုပါရာထူးအတွက် ခေါ်ယူထားသည့် လိုအပ်သော ပညာအရည် အချင်းတွင် တက္ကသိုလ်မှ ဘွဲ့တစ်ခုခုရရှိရမည် (သို့) (AGTI-MP/MT/EP/EC)ရရှိရမည်ဟု ဖော်ပြထားသည်ကို တွေ့ရှိကြောင်း ဆိုသည်။
 
နိုင်ငံတော်၏ ရည်ရွယ်ချက်မှာ GTI ကျောင်းများသည် အင်ဂျင်နီယာ ဆိုင်ရာ ပညာရပ်များအား သင်ကြားခြင်း ဖြစ်သည့်အတွက် GTI ကျောင်း ဆင်းများသည့် Engineering Technician များဖြစ်ကြ ကြောင်း ဆိုသည်။
 
ယင်းအတွက် ယာဉ်မောင်းရန်၊ ပညာသင်ကြားထားခြင်း မဟုတ်သည့် ယာဉ်မောင်းရာထူး(၄) အတွက် GTI ကျောင်းဆင်းများအား ခေါ်ယူ သည်မှာ မသင့်တော်သည့် လုပ်ရပ်ဖြစ်ကြောင်း ဆိုသည်။ ထိုသို့ လုပ်ဆောင်ခြင်းသည် နိုင်ငံတော်၏ ပညာရေးဆိုင်ရာ မူဝါဒများကို ပျက်ရယ်ပြုသကဲ့သို့ ဖြစ်နေသည့်အတွက် GTI ကျောင်းသားဟောင်းများ အသင်း(AGTI Society) အနေဖြင့် အဆိုပါ ယာဉ်မောင်းလျှောက်လွှာ ခေါ်ယူချက်ကို ကန့်ကွက်ကြောင်း ထုတ်ပြန် ထားသည်။
 
ယင်းကိစ္စနှင့် ပတ်သက်ပြီး သက်ဆိုင်ရာ ဌာနအနေဖြင့် ၎င်းတို့၏ ကြေညာချက်ကို အမြန်ဆုံး ပြန်လည် ရှင်းလင်း ဖော်ပြပေးရန် တောင်းဆိုကြောင်း ကြေညာချက် ထုတ်ပြန်ထားသည်။
 
စိုင်းဟန်
The Ladies News

 

Vote: 
Average: 2 (2 votes)

Add new comment