ဒေးဒရဲမြို့နှင့် ကျေးရွာချင်းဆက်လမ်းကို ၂၀၂၀-၂၀၂၁ ခုနှစ် ကာလနောက်ပိုင်းမတိုင်မီ ရာသီမရွေး သွားလာနိုင်သော လမ်းအဖြစ် ဆောင်ရွက်ပေးမည်

ဒေးဒရဲမြို့နှင့် တော်ကမယ်၊ ကြုံကြပ်၊ သာယာကုန်း၊ သံဒိဇီးဖြူကုန်း ဆက်သွယ်သော ကျေးရွာချင်းဆက်လမ်း၏ လမ်းအဆင့် သတ်မှတ် ချက်အရ Class(A)တွင် ပါဝင်သော လမ်းဖြစ်သဖြင့် ၂၀၂၀-၂၀၂၁ ခုနှစ် ကာလနောက်ပိုင်း မတိုင်မီ ရာသီမရွေး သွားလာနိုင်သော လမ်းအဖြစ် နှစ်အလိုက်ရန်ပုံငွေ ခွဲဝေရရှိမှုအပေါ် မူတည်၍ အကောင်အထည် ဖော် ဆောင်ရွက်ပေးသွားမည် ဖြစ်ကြောင်း ဆောက်လုပ်ရေး ဒုဝန်ကြီး ဦးကျော်လင်းက နိုဝင်ဘာ ၁၄ ရက်တွင် ပြောသည်။
 
ပြည်သူ့လွှတ်တော် အစည်းအဝေးတွင် ဒေးဒရဲ မဲဆန္ဒနယ်မှ ဒေါက်တာ ဒေါ်ခင်ညိုက ဒေးဒရဲမြို့နှင့် တော်ကမယ်၊ ကြုံကြပ်၊ သာယာကုန်း၊ သံဒိဇီးဖြူကုန်း ဆက်သွယ်သော လမ်းအရှည် ၁၄ မိုင် ၆ ဖာလုံအား ပိုမိုမြန်ဆန်စွာ အကောင်အထည် ဖော် ဆောင်ရွက်ပေးရန် အစီအစဉ် ရှိ၊ မရှိ မေးမြန်းခဲ့မှုကို ပြန်လည်ဖြေကြားရာတွင် ထည့်သွင်း ပြောကြားခဲ့ခြင်း ဖြစ်သည်။
 
ဒေးဒရဲမြို့နှင့် တော်ကမယ်၊ ကြုံကြပ်၊ သာယာကုန်း၊ သံဒိဇီးဖြူကုန်း ဆက်သွယ်သော လမ်းအရှည်သည် ၁၄ မိုင် ၆ ဖာလုံရှိပြီး မြေသားလမ်း (၈)မိုင်၊ ကျောက်ချောလမ်း(၂)မိုင်(၄.၄)ဖာလုံ၊ ကွန်ကရစ်လမ်း(၆.၆) ဖာလုံတို့အား လမ်းအဆင့်မြှင့်တင်ခဲ့ပြီး မြေသားလမ်းသစ်(၃)မိုင်(၃)ဖာလုံ ဖောက်လုပ်ပေးရန် ကျန်ရှိနေကြောင်း၊ ကျေးရွာချင်း ဆက်လမ်း၏ ကျောက်ချောလမ်း (၂)မိုင်(၄.၄)ဖာလုံ အပေါ်တွင် ကွန်ကရစ်လမ်း (၁)မိုင်(၁.၈)ဖာလုံခင်းရန် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန၏ ၂၀၁၇-၁၈ ဘဏ္ဍာရေးနှစ် ရန်ပုံငွေ ခွင့်ပြုပြီးဖြစ်၍ တင်ဒါအောင်မြင်သော မြကန်သာ ကုမ္ပဏီမှ လုပ်ငန်းများ စတင်ဆောင်ရွက်နေပြီ ဖြစ်ကြောင်းလည်း ဒုတိယ၀န်ကြီး ဦးကျော်လင်းက ရှင်းလင်းပြောကြားခဲ့သည်။
 
The Ladies News

 

Vote: 
No votes yet

Add new comment