ကျောက်စိမ်းရိုင်း တရားမဝင် ရှာဖွေသူများနှင့် ပတ်သက်၍ စီမံချက်ရေးဆွဲနိုင်ရေး ပူးပေါင်းဆောင် ရွက်သွားမည်

 
ကျောက်စိမ်းရိုင်း တရားမဝင်ရှာဖွေသူ (ရေမဆေး)များ၏ ဥပဒေနှင့်အညီ အလုပ်အကိုင် ရရှိစေရေး၊ ဥပဒေမဲ့ လုပ်ရပ်များ မပြုလုပ်စေရေး၊ ပြန်လည်နေရာ ချထားရေးနှင့် ပြန်လည်ထူထောင်ရေး လုပ်ငန်းများကို အကောင်အထည်ဖော် ဆောင်ရွက်နိုင်စေရန် အတွက် စီမံချက်ရေး ဆွဲနိုင်ရန် ရည်ရွယ်ပြီး ညှိနှိုင်းအစည်းအဝေးကို ကချင်ပြည်နယ် မြစ်ကြီး နားမြို့ ပြည်နယ်အစိုးရအဖွဲ့ အစည်းအဝေးခန်းမ၌ နိုဝင်ဘာ ၁၃ ရက် က ကျင်းပ ပြုလုပ်ခဲ့သည်။
 
အဆိုပါအခမ်းအနားသို့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေး ဝန်ကြီး ဌာန ပြည်ထောင်စု ဝန်ကြီး ဒေါက်တာဝင်းမြတ်အေး တက်ရောက် အမှာစကား ပြောကြားခဲ့ပြီး၊ တိုင်းရင်း သားအရေးနှင့် ပြည်တွင်း ငြိမ်းချမ်းရေးကို ဦးစားပေး ဆောင်ရွက်နေသော အချိန် တွင် ပြည်သူ၏ တင်ပြချက်နှင့် လိုအပ် ချက်များကို မူတည်ပြီး မူဝါဒ၊ ဥပဒေ၊ နည်းဥပဒေများနှင့် အညီ ဖြေရှင်း ဆောင်ရွက်ပေးနေကြောင်း၊ ကချင် ပြည်နယ်ရှိ ကျောက်စိမ်းရိုင်း တရားမဝင် ရှာဖွေသူ (ရေမဆေး)များနှင့် စပ်လျဉ်း၍ ဖြစ်ပေါ်နေသော အခက်အခဲများသည် လတ်တလောပဋိပက္ခ အသွင်ရှိနေပြီး အနယ်နယ် အရပ်ရပ်မှ လာရောက်ကြ သော အလုပ်အကိုင် ရှာဖွေလုပ်ကိုင် ကြသူများ၊ ဝန်ကြီးဌာနနှင့် ပြည်နယ် အဆင့်ဌာနဆိုင်ရာများ၊ လုပ်ငန်းရှင်များ နှင့် အဖွဲ့အစည်းများ ပါဝင်ပတ်သက် နေသော လုပ်ငန်းတစ်ခု ဖြစ်ကြောင်းလည်း ၎င်းက ပြောကြားခဲ့သည်။
 
ထို့အတူ ကြုံတွေ့နေကြသော အခက်အခဲကို ဖြေရှင်းနိုင်မည့်နည်းလမ်းမှာ တရား ဥပဒေ အရ ဖြေရှင်း ဆောင်ရွက် ပေးနိုင်သော စီမံချက်တစ်ခု ရေးဆွဲနိုင်ရေး ဖြစ် ကြောင်း၊ ယခင်ဆောင်ရွက်ခဲ့သော အတွေ့အကြုံများ၏ အားသာချက်၊ အားနည်းချက်များနှင့် နှိုင်းယှဉ်ပြီး ပိုမို ကောင်းမွန်သော စီမံချက် တစ်ခု ဖြစ်စေ ရန်အတွက် ပါဝင်ဆွေးနွေး အကြံပြုပေး ကြစေ လိုကြောင်းနှင့် မိမိတို့ အစိုးရ အဖွဲ့အနေဖြင့် ပြည်သူများ၏ အရေး ကိစ္စကို အလျင်အမြန် တုံ့ပြန်ဖြေရှင်းပေး ရန်အတွက် အမြဲအလေးထား ဆောင်ရွက် နေကြောင်း ပြည်ထောင်စုဝန်ကြီးက ပြောကြားခဲ့သည်။
 
အဆိုပါ အစည်းအဝေးသို့ ကချင် ပြည်နယ်ဝန်ကြီးချုပ် ဒေါက်တာ ခက်အောင်၊ ဒုတိယဝန်ကြီး ဦးစိုးအောင်၊ ကချင်ပြည်နယ် အစိုးရအဖွဲ့ဝင် ဝန်ကြီး များ၊ လွှတ်တော်ကိုယ်စားလှယ်များ၊ လူမှုအဖွဲ့အစည်းများ၊ INGO အဖွဲ့ အစည်းများမှ ကိုယ်စားလှယ်များ၊ စီးပွားရေးလုပ်ငန်းရှင်များနှင့် တာဝန်ရှိသူ များ တက်ရောက်ခဲ့သည်။
 
The Ladies News

 

Vote: 
No votes yet

Add new comment