မန္တလေးသို့ပို့ရန် ကျပ် ၂ဝ ဒသမ ၈ သန်းခန့်တန်ဖိုးရှိ အကောက်ခွန်မဲ့ မုန့်မျိုးစုံ ဖမ်းဆီးရမိ

မန္တလေးသို့ သွားရောက်မည့် UD ခြောက်ဘီးယာဉ်တစ်စီးကို ရေပူ အမြဲတမ်း စစ်ဆေးရေးစခန်း ပူးပေါင်း စစ်ဆေးရေးအဖွဲ့က တားဆီး စစ်ဆေးခဲ့ရာ တရားဝင် စာရွက်စာတမ်း အထောက်အထား တစ်စုံတစ်ရာ တင်ပြနိုင်ခြင်း မရှိသည့် တရုတ်မုန့်မျိုးစုံ ဖာ ၅၄ဝ နှင့် ပစ္စည်းသယ်ဆောင် သည့်ယာဉ် တစ်စီး စုစုပေါင်း ခန့်မှန်းတန်ဖိုးငွေကျပ် ၂ဝ ဒသမ ၈ သန်းခန့်အား စစ်ဆေးတွေ့ရှိ၍ နိုဝင်ဘာ ၁၁ ရက်က ဖမ်းဆီးခဲ့ကြောင်း သတင်းရရှိသည်။
 
ရေပူနှင့် မရမ်းချောင် အမြဲတမ်း စစ်ဆေးရေးစခန်းများက တင်သွင်း/ တင်ပို့သော ကုန်ပစ္စည်းများအား စစ်ဆေးမှု ပြုလုပ် ဆောင်ရွက်လျက်ရှိရာ နိုဝင်ဘာ ၁၁ ရက်က ရေပူအမြဲတမ်း စစ်ဆေးရေး စခန်းမှ တားဆီး မှုလေးမှု ခန့်မှန်းတန်ဖိုးငွေကျပ် ၂၅ ဒသမ ၅၂၇ သန်းခန့်၊ မရမ်းချောင် အမြဲတမ်း စစ်ဆေးရေးစခန်းမှ တားဆီးမှု လေးမှု ခန့်မှန်းတန်ဖိုးငွေကျပ် ၃ ဒသမ ၇ဝ၃ သန်းခန့်၊ စုစုပေါင်းတားဆီးမှု ရှစ်မှု ခန့်မှန်းတန်ဖိုးငွေကျပ် ၂၉ ဒသမ ၂၃ဝ သန်းခန့်အား ဖမ်းဆီးရမိခဲ့ကြောင်း သိရသည်။
 
တရားမဝင် ကုန်စည်များ တားဆီးထိန်းချုပ်ရေးအတွက် ရေပူနှင့် မရမ်းချောင် အမြဲတမ်း စစ်ဆေးရေးစခန်းတို့ကို ဌာနဆိုင်ရာ ပူးပေါင်းအဖွဲ့များဖြင့် မတ် ၁ ရက်က စတင်ဖွင့်လှစ် ဆောင်ရွက်ခဲ့ပြီး နိုင်ဝင်ဘာ ၁၁ ရက်က မန္တလေး-မူဆယ် ပြည်ထောင်စုလမ်းမကြီး တစ်လျှောက် ကုန်သွယ်မှုယာဉ် ပို့ကုန် ၉၈၈ စီး၊ သွင်းကုန် ၈၆၅ စီး၊ ရန်ကုန်-မြဝတီ လမ်းမကြီးတစ်လျှောက် ကုန်သွယ်မှုယာဉ် ပို့ကုန် ၅၁ စီး၊ သွင်းကုန် ၁၆၅ စီး ကုန်စည် များ သယ်ယူပို့ဆောင် လျက်ရှိသည်။
 
The Ladies News

 

Vote: 
No votes yet

Add new comment