ရခိုင်ပြည်နယ် အကြမ်းဖက်ဖြစ်စဉ်များတွင် လုံခြုံရေး တပ်ဖွဲ့ဝင်များ၏ လုပ်ဆောင်ချက်များကို စုံစမ်းစစ်ဆေးရေး အဖွဲ့၏ တွေ့ရှိချက်အပေါ် တပ်မတော် သတင်းမှန်ပြန်ကြားရေး အဖွဲ့က သတင်းထုတ်ပြန်

ရခိုင်ပြည်နယ် မောင်တောဒေသ အကြမ်းဖက်ဖြစ်စဉ်များတွင် လုံခြုံရေး တပ်ဖွဲ့ဝင် များ၏ လုပ်ဆောင်ချက်နှင့် ပတ်သက်သည့် စုံစမ်းစစ်ဆေးရေး အဖွဲ့ ၏ တွေ့ရှိချက်အပေါ် တပ်မတော် သတင်းမှန်ပြန်ကြားရေးအဖွဲ့က နိုဝင်ဘာလ ၁၃ ရက်တွင် သတင်းထုတ်ပြန်ချက် တစ်ရပ် ထုတ်ပြန် ထားသည်။
 
အဆိုပါထုတ်ပြန်ချက်တွင် -
၂ဝ၁၇ ခုနှစ် သြဂုတ် ၂၅ ရက်တွင် ရခိုင် ပြည်နယ် ဘူးသီးတောင်၊ မောင်တောနှင့် ရသေ့တောင်မြို့နယ်များအတွင်းရှိ ရဲကင်း စခန်း ၃ဝ နှင့် တပ်ရင်းဌာနချုပ် တစ်ခုတို့အား ARSA အစွန်းရောက် အကြမ်းဖက် သမားများက အကြမ်းဖက်တိုက်ခိုက်ခဲ့မှုဖြစ်စဉ်နှင့် ပတ်သက်၍ ဖြစ်ရပ်အခြေအနေမှန်ကို သိရှိရန်နှင့် တပ်မတော်မှ နယ်မြေ တည်ငြိမ် အေးချမ်းမှု ထိန်းသိမ်းရေးလုပ်ငန်းများ ဆောင်ရွက်စဉ် ကာလ အတွင်း လုံခြုံရေးတပ်ဖွဲ့ဝင်များအနေဖြင့် တပ်ပိုင်းဆိုင်ရာ ဆောင်ရွက်မှု များအပေါ် ပေးအပ်ထားသည့် တာဝန်ဝတ္တရားများအတိုင်း ဆောင် ရွက်ခြင်း ရှိ၊ မရှိ စုံစမ်းစစ်ဆေးမှုများ ပြုလုပ်နိုင်ရန်အတွက် တပ်မတော် စစ်ဆေးရေး အရာရှိချုပ် ဒုတိယဗိုလ်ချုပ်ကြီးအေးဝင်း ဥက္ကဋ္ဌအဖြစ် ပါဝင်သော စုံစမ်း စစ်ဆေးရေး အဖွဲ့ကို ဖွဲ့စည်းပြီး မြေပြင်ကွင်း ဆင်း စစ်ဆေးဖော် ထုတ်ရန် တာဝန်ပေးအပ် ခဲ့ကြောင်း။
 
ဒုတိယဗိုလ်ချုပ်ကြီးအေးဝင်း ခေါင်းဆောင်သော စုံစမ်းစစ်ဆေးရေး အဖွဲ့သည် ၂ဝ၁၇ ခုနှစ် အောက်တိုဘာ ၁၃ ရက်မှ နိုဝင်ဘာ ၇ ရက်အထိ မောင်တောမြို့နယ်၊ ဘူးသီးတောင်မြို့နယ်၊ ရသေ့တောင်မြို့နယ်များသို့ ၂၆ ရက်ကြာ သွားရောက်ခဲ့ပြီး တိုင်းရင်းသားကျေးရွာ နှစ်ရွာမှ တိုင်းရင်း သား ၁၉၅ ဦး၊ ဟိန္ဒူဘာသာဝင်များနေထိုင်သည့် ကျေးရွာ နှစ်ရွာမှ ဟိန္ဒူ ဘာသာဝင် ၂ဝ၅ ဦးနှင့် ဘင်္ဂါလီကျေးရွာ ၅၄ ရွာမှ ရွာသူ ရွာသား ၂၈၁၇ ဦး စုစုပေါင်း ကျေးရွာသူ ကျေးရွာသား ၃၂၁၇ ဦးအား တွေ့ဆုံ မေးမြန်း ခဲ့ပြီး အသိသက်သေ စုစုပေါင်း ၈ဝ၄ ဦးတို့၏ သက်သေထွက်ဆို ချက်များ ကို ရယူခဲ့ကြောင်း။
 
စစ်ဆေးတွေ့ရှိချက်များအရ လုံခြုံရေးတပ်ဖွဲ့ဝင်များအနေဖြင့် အထက် ဌာနမှ ထုတ်ပြန်သော အမိန့်နှင့် ညွှန်ကြားချက်များအပြင် အထူးသဖြင့် မိမိကိုယ်ကို ကာကွယ်ခုခံပိုင်ခွင့်၊ လက်နက်ကိုင်ပဋိပက္ခနှင့် အကြမ်းဖက် တိုက်ဖျက်ရေးတာဝန် ထမ်းဆောင်ရာတွင် လိုက်နာကျင့်သုံးရမည့် ဥပဒေသ (Rule Of Engagement-ROE)ပါ အချက်များကိုလည်း ခေါင်းဆောင် ပိုင်းမှစ၍ လက်အောက်တပ်သားအဆင့်ထိ အလေးထား သိရှိလိုက်နာ ဆောင်ရွက်ခဲ့ကြောင်း ဖော်ပြပါရှိသည်။
 
ထို့ပြင် လုံခြုံရေးတပ်ဖွဲ့ဝင်များအနေဖြင့် နယ်မြေရှင်းလင်းရေး ဆောင် ရွက် ရာတွင် စစ်ပွဲဆိုင်ရာဥပဒေများနှင့်အညီသာ ဆောင်ရွက်ခဲ့ ခြင်းဖြစ်ပြီး အင်အား အချိုးမညီစွာ သုံးစွဲခဲ့ခြင်း (Use of excessive force) မရှိသည် ကို တွေ့ရှိရကြောင်း။
 
အကြမ်းဖက်သမားများ ဖော်ထုတ်ဖမ်းဆီးရာတွင် တပ်မတော် စစ်ကြောင်း နှင့် တွဲဖက်ထားရှိသော နယ်ခြားစောင့်ရဲတပ်ဖွဲ့ဝင်များကသာ ဖမ်းဆီး ခြင်းဖြစ်ပြီး တပ်မတော်မှ လုံခြုံရေးဆောင်ရွက်ပေးခြင်းများ ပြုလုပ် ခဲ့ကြောင်း၊ ဖမ်းဆီးပြီးနောက် သက်ဆိုင်ရာ နယ်မြေရဲစခန်းများသို့ စနစ် တကျ အကောင်းပကတိ လွှဲပြောင်းပေးခဲ့ကြောင်း၊ ဖမ်းဆီးစဉ် လုံခြုံရေး တပ်ဖွဲ့ဝင် များမှ ရိုက်နှက်ညှဉ်းပန်းနှိပ်စက်ခြင်း (Persecution) မရှိ ကြောင်း၊ ရှာဖွေဖော်ထုတ်ဖမ်းဆီးရာတွင် ဂျီနီဗာကွန်ဗင်းရှင်းပါ ဥပဒေသ များ၊ စစ်ပွဲဆိုင်ရာဥပဒေနှင့်အညီ ဖော်ထုတ်ဖမ်းဆီးခဲ့ခြင်းဖြစ်ကြောင်း။
 
လုံခြုံရေးတပ်ဖွဲ့ဝင်များသည် အပြစ်မဲ့ရွာသူရွာသားများအား ဥပဒေမဲ့ ပစ်ခတ်သတ်ဖြတ်ခြင်း၊ အမျိုးသမီးများအား လိင်ပိုင်းဆိုင်ရာ အကြမ်း ဖက်မှု နှင့် မုဒိမ်းမှုတို့ကို ကျူးလွန်ခဲ့ခြင်းမရှိကြောင်း၊ ဥပဒေမဲ့ ဖမ်းဆီး ထိန်းသိမ်းခြင်း၊ ရိုက်နှက်ခြင်း၊ သတ်ဖြတ်ခြင်းများ မရှိကြောင်း၊ ကျေးရွာ များနှင့် တိမ်းရှောင် ကျေးရွာများမှ ရွာသားများ ပိုင်ဆိုင်သော ပစ္စည်းများ၊ ရွှေ၊ ငွေများ၊ ယာဉ်များ၊ တိရစ္ဆာန်များအား ဖျက်ဆီးခြင်း၊ လုယက်ယူ ဆောင်ခြင်း၊ သိမ်းယူခြင်းများ လုံးဝမရှိကြောင်း၊ ဘင်္ဂါလီကျေးရွာများတွင် ဗလီများအား မီးရှို့ဖျက်ဆီးခြင်း မရှိကြောင်း၊ ဗလီတက်ခြင်း၊ ဝတ်ပြု ဆုတောင်းခြင်းများကို ပိတ်ပင်ကန့်သတ် ခြင်း လုံးဝမရှိဘဲ လွတ်လပ်စွာ ကိုးကွယ်ဆောင်ရွက် ခွင့်ရှိကြောင်း၊ ရွာသား များအား ရွာတွင် မနေနိုင်အောင် ခြိမ်းခြောက်ခြင်း၊ အနိုင်ကျင့်ခြင်း၊ မောင်းထုတ်ခြင်း၊ နေအိမ်များအား မီးရှို့ခြင်းများ မရှိကြောင်း၊ ရွာများမှ ကျန်ရှိနေအိမ်များ အား မသမာသူများမှ ဖျက်ဆီး ယူဆောင်မှုမရှိရေး သက်ဆိုင်ရာအုပ်ချုပ်ရေးအဖွဲ့များနှင့် စနစ်တကျ ထိန်းသိမ်းကြပ်မတ်နိုင်ရေး ဆောင်ရွက်လျက်ရှိကြောင်း၊ ကျေးရွာများတွင် ဆေးကုသရေးအဖွဲ့များဖြင့် လှည့်လည်ဆေးကုသပေးခြင်း စုစုပေါင်း ၂၉၁ ကြိမ်၊ ဆန်၊ ဆီ၊ ဆားနှင့် စားသောက်ဖွယ်ရာရိက္ခာများ ထောက်ပံ့ပေးခြင်း စုစုပေါင်း ၂၇၃ ကြိမ်၊ ပစ္စည်းတန်ချိန် ၂၃၄ တန်အား ထောက်ပံ့ပေး အပ်ခဲ့ခြင်း များသာရှိကြောင်း အဆိုပါထုတ်ပြန်ချက်တွင် ဖော်ပြထားသည်။
 
ထုတ်ပြန်ချက်တွင် သက်သေထွက်ဆိုချက်များအရ အကြမ်းဖက် တိုက်ခိုက်ရာတွင် အကြမ်းဖက်ခေါင်းဆောင် အဆင့်ဆင့်မှ ကြိုတင်စီမံ၍ တစ်ချိန်တည်း တစ်ပြိုင်တည်း တိုက်ခိုက်ရန် အမိန့်ပေးခဲ့ပြီး ARSA အစွန်းရောက်အကြမ်းဖက်သမားအမာခံများနှင့် ရွာသူ ရွာသား၊ ကလေး များ အပါအဝင် အများအပြားပါဝင်၍ တိုက်ခိုက်ခဲ့သော်လည်း တိုက်ခိုက် ပြီးချိန်တွင် အောင်မြင်မှုမရှိသဖြင့် ARSA အစွန်းရောက်အကြမ်းဖက် သမားများက နေအိမ်များကိုမီးရှို့၍ ဘင်္ဂလားဒေ့ရ်ှနိုင်ငံသို့ ဦးစွာထွက်ပြေး ကြောင်း၊ ကျန်ရွာသားများမှာ ခြိမ်းခြောက်ပြောဆိုမှုကြောင့် လည်းကောင်း၊ နည်းမျိုးစုံဖြင့် မက်လုံးပေးပြောဆို စည်းရုံးခြင်းများကြောင့် လည်းကောင်း၊ နောက်တစ်ကြိမ် အကြမ်းဖက်သမားများ ဝင်ရောက်လာချိန်တွင် သတ်ဖြတ် ခံရမည်ကို စိုးရိမ်၍ လည်းကောင်း၊ အချို့မှာ အကြမ်းဖက်တိုက်ခိုက်မှု ဖြစ်စဉ်တွင် ကိုယ်တိုင်ပါဝင်သူများ၏ ဆွေမျိုးသားချင်းများဖြစ်၍ ထိမ်ချန်မှု ဖြင့် အဖမ်းခံရမည်ကို စိုးရိမ်သောကြောင့် လည်းကောင်း၊ အချို့ အကြမ်းဖက် သမားများက တာဝန်ပေးချက်အရ တစ်ဖက်နိုင်ငံ ဒုက္ခသည် စခန်း များမှ တစ်ဆင့် ပြန်လည်ဝင်ရောက်ပြီး မီးရှို့မှုကြောင့် နေစရာ အိမ်မရှိတော့ ၍ လည်းကောင်း၊ အချို့မှာ ရွာသားအများစု ထွက်ပြေး၍ အကြောက်လွန်ပြီး လိုက်ပါသွားရခြင်းကြောင့် လည်းကောင်း၊ ၎င်းတို့၏ သဘောဆန္ဒအတိုင်း တစ်သုတ်ပြီးတစ်သုတ် ဘင်္ဂလားဒေ့ရ်ှနိုင်ငံသို့ ထွက်ပြေးခဲ့ခြင်းဖြစ်ကြောင်း။
 
ထွက်ပြေးသွားသည့် ဘင်္ဂါလီများအား အုပ်ချုပ်ရေးဆိုင်ရာ တာဝန် ရှိသူများ အပြင် ပြည်တွင်းအခြေစိုက် နိုင်ငံတကာ သံတမန်များမှလည်း သွားရောက်တွေ့ဆုံ၍ တစ်ဖက်နိုင်ငံသို့ မသွားရောက်ရန် ဖျောင်းဖျ ပြော ဆိုသော် လည်း လက်မခံဘဲ ၎င်းတို့နှင့် ဘာသာတူ လူမျိုးတူများရှိရာ ဘင်္ဂလားဒေ့ ရ်ှနိုင်ငံသို့ ထွက်ပြေးခဲ့ခြင်းဖြစ်သည်ကို တွေ့ရှိရကြောင်း ဖော်ပြ ပါရှိသည်။
 
ထို့ပြင် ARSA အစွန်းရောက်အကြမ်းဖက်သမားများသည် ၎င်းတို့အား ကြောက်ရွံ့ပြီး သြဇာအာဏာ တည်ဆောက်ရန် ရည်ရွယ်၍ ရက်စက်စွာ လည်လှီးသတ်ဖြတ်ခဲ့သည့် တိုင်းရင်းသား၊ ဟိန္ဒူ၊ ဘင်္ဂါလီ လူမျိုး စုစုပေါင်း ၁၃၁ ဦးရှိသည်ကို ဖော်ထုတ်တွေ့ရှိရကြောင်း။
 
ဤဖြစ်စဉ် ဖော်ထုတ်ချက်များအရ နယ်မြေဒေသလုံခြုံရေးအတွက် ကွပ်ကဲ စီမံအုပ်ချုပ်ဆောင်ရွက်မှုနှင့် လုံခြုံရေးသတင်းများ ကြိုတင်လက်ဦး ဖော် ထုတ် ရယူနိုင်မှု အားနည်းချက်များကိုလည်း တွေ့ရှိရသဖြင့် ယင်းကိစ္စ နှင့်ပတ်သက်၍ တာဝန်ရှိသူများကို ဆက်လက်ဖော်ထုတ်အရေးယူ ဆောင် ရွက် သွားမည်ဖြစ်ကြောင်းနှင့် ဖမ်းဆီးအရေးယူရန် ကျန်ရှိနေသည့် ARSA အစွန်းရောက်အကြမ်းဖက်သမားများကိုလည်း ဆက်လက်ဖော် ထုတ် ဖမ်းဆီး အရေးယူသွားမည်ဖြစ်ကြောင်း အဆိုပါထုတ်ပြန်ချက်တွင် ဖော်ပြထားသည်။
 
Credit - တပ်မတော်ကာကွယ်ရေးဦးစီးချုပ်ရုံး
The Ladies News
 

 

Vote: 
No votes yet

Add new comment