လျှပ်စစ်ပစ္စည်းများနှင့် ပတ်သက်၍ စံသတ်မှတ်ချက် ပြုလုပ်ရန် စီစဉ်ဆောင်ရွက်နေ

ရန်ကုန်တိုင်း လျှပ်စစ်စီမံခန့်ခွဲရေး အနေဖြင့် ရန်ကုန်လျှပ်စစ်ဓါတ်အား ပေးရေး ကော်ပိုရေးရှင်းနှင့် ပြည်ထောင်စု လျှပ်စစ်ဝန်ကြီးဌာနတို့ ပူးပေါင်း၍ လျှပ်စစ်နှင့်ပတ်သက်သည့်၊ လျှပ်စစ်ပစ္စည်းများနှင့် ပတ်သက် သည့် စံသတ်မှတ်ချက် ပြုလုပ်ရန် စီစဉ်ဆောင်ရွက် လျက်ရှိကြောင်း ရန်ကုန်တိုင်းဒေသကြီး လျှပ်စစ်၊ စက်မှုလက်မှုနှင့် လမ်းပန်းဆက် သွယ်ရေး ၀န်ကြီးဌာန ၀န်ကြီးဒေါ်နီလာကျော်က နိုဝင်ဘာ ၇ ရက်တွင် ပြောကြားလိုက်သည်။
 
စံသတ်မှတ်ချက်များ ပြုလုပ်ပြီးပါက ဈေးကွက်အတွင်း ရောင်းချသည့် ပစ္စည်းများ အမှတ်တံဆိပ်အတုများနှင့် အရည်အသွေး မပြည့်မီသည့် ပစ္စည်းရောင်းချမှု သုံးစွဲမှုအားလုံးကို ထိန်းချုပ်သွားနိုင်မည် ဖြစ်ကြောင်းလည်း ၀န်ကြီးဒေါ်နီလာကျော်က ပြောကြားခဲ့သည်။
 
ရန်ကုန်တိုင်းဒေသကြီး လွှတ်တော် အစည်းအဝေးတွင် မရမ်းကုန်းမြို့နယ် ကိုယ်စားလှယ် ဦးရန်ရှင်း၏ “ရန်ကုန်တိုင်း ဒေသကြီး အတွင်းရှိ လျှပ်စစ်ပစ္စည်းဆိုင်များ စတိုးဆိုင်များတွင် ရောင်းချနေကြသော လူသုံးလျှပ်စစ်ပစ္စည်းများ၊ လျှပ်စစ်ဝါယာ ကေဘယ်လ်နှင့် မီးခလုတ်၊ Breaker အပါအ၀င် လျှပ်စစ်မီး သွယ်တန်းခြင်းဆိုင်ရာသုံး ပစ္စည်းများထဲမှ အချို့မှာ လျှပ်စစ် အန္တရာယ်ပေါ်ပေါက်ပြီး ပြည်သူလူထု ထိခိုက်နစ်နာ ဆုံးရှုံးမှုများ ပေါ်ပေါက်စေပါသဖြင့် ထိရောက်စွာ စိစစ်အရေးယူ တားမြစ်ဆောင်ရွက်သွားရန် အစီစဉ်ရှိမရှိ” မေးမြန်းခဲ့မှုကို ပြန်လည်ဖြေကြားရာတွင် ထည့်သွင်း ပြောကြားခဲ့ခြင်း ဖြစ်သည်။
 
ဇော်မင်းထွန်း
The Ladies News

 

Vote: 
No votes yet

Add new comment