ရှေးဟောင်းသမိုင်းဝင် နောင်လုံအင်း တူးဖော်ပြုပြင် ထိန်းသိမ်းခြင်း ကို ရန်ပုံငွေရရှိမှုအပေါ် မူတည်၍ အကောင်အထည် ဖော်မည်

ရှေးဟောင်းသမိုင်းဝင် နောင်လုံအင်း တူးဖော်ပြုပြင် ထိန်းသိမ်းခြင်း လုပ်ငန်းဆောင်ရွက်ရန် ရှမ်းပြည်နယ် အစိုးရအဖွဲ့၏ ၂၀၁၉-၂၀၂၀ ဘဏ္ဍာနှစ် မူလခွင့် ပြုရန်ပုံငွေ တင်ပြတောင်းခံ သွားမည်ဖြစ်ပြီး ရန်ပုံငွေရရှိမှုအပေါ် မူတည်၍ လုပ်ငန်း အကောင်အထည်ဖော် ဆောင် ရွက်သွားမည် ဖြစ်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်း ၀န်ကြီးဌာန ဒုတိယ၀န်ကြီး ဦးလှကျော်က နိုဝင်ဘာ ၆ ရက်တွင် ပြောကြားလိုက်သည်။
 
ပြည်သူ့လွှတ်တော် အစည်းအဝေးတွင် မိုင်းပန် မဲဆန္ဒယ်မှ ဦးစိုင်းကျော်မိုး ၏ မိုင်းပန်မြို့နယ် နောင်လုံအင်းတိမ်ကော ရေခန်းခြောက်မှုအား တူးဖော်ပြုပြင် ထိန်းသိမ်းပေးနိုင်ရန်နှင့် ၄င်းအင်းအတွင်း စိုက်ပျိုးမြေများ ကျူးကျော်ချဲ့ ထွင်လာခြင်းအတွက် နောင်လုံအင်း ရေဝေဧရိယာအား ယခင်အတိုင်း တိကျစွာ သတ်မှတ်တိုင်းတာပေးရန် အစီအစဉ်ရှိ၊ မရှိ မေးခွန်းအား ပြန်လည်ဖြေကြားရာတွင် ယင်းသို့ထည့်သွင်း ပြောကြား ခဲ့ခြင်းဖြစ်သည်။
 
ရှမ်းပြည်နယ် အစိုးရအဖွဲ့၏ ဖြေကြားချက်တွင် နောင်လုံအင်း မြေနေရာ သည် ကွင်းပြင်ပအင်းအိုင်မြေဖြစ်ပြီး ၄င်းအင်းအား ပြန်လည် တိုင်းတာရန် သက်ဆိုင်ရာ လွှတ်တော် ကိုယ်စားလှယ်များ၏ အကူအညီရယူ၍ မြို့နယ် အုပ်ချုပ်ရေးမှူး၊ လယ်ယာ မြေစီမံခန့်ခွဲရေးနှင့် စာရင်းအင်းဦးစီးဌာန၊ စည်ပင်သာယာရေး ဦးစီးဌာန၊ နယ်စပ်ဒေသ တိုင်းရင်းသား လူမျိုးများ ဖွံ့ဖြိုးတိုးတက်ရေးဦးစီးဌာန၊ ကျေးလက်ဒေသဖွံ့ဖြိုးရေး ဦးစီးဌာန၊ စိုက်ပျိုးရေးဦးစီးဌာန၊ သစ်တောဦးစီးဌာန၊ စီမံကိန်းဦးစီးဌာန၊ ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာန၊ ကျေးရွာ အုပ်ချုပ် ရေးမှူး၊ ရပ်မိရပ်ဖများနှင့် တောင်သူလယ်သမား ကိုယ်စားလှယ်များဖြင့် ၂၀၁၈-၂၀၁၉ ဘဏ္ဍာရေးနှစ်တွင် နယ်နိမိတ် တိုင်းတာ သတ်မှတ် စေမည်ဖြစ်ကြောင်းလည်း ဒုတိယ၀န်ကြီးက ပြောကြားသည်။
 
ရှမ်းပြည်နယ်(တောင်ပိုင်း) မိုင်းပန်မြို့၏ တောင်ဘက်တွင် တည်ရှိသော နောင်လုံအင်းမှာ ရှေးဟောင်းသမိုင်းဝင် နေရာတစ်ခုဖြစ်ပြီး သဘာဝ ပတ်ဝန်းကျင်နှင့် ရာသီဥတု ပြောင်းလဲမှုနှင့်အတူ နှစ်ကာလ ကြာမြင့်လာ သည်နှင့်အမျှ တိမ်ကောလာကာ ရေသိုလှောင်နိုင်မှုပမာဏ လျော့ကျလာ လျက်ရှိသဖြင့် ပြန်လည်ပြုပြင် တူးဖော်ပေးရန် လိုအပ်လျက်ရှိသည်။ နောင်လုံအင်း အား တူးဖော်ပြုပြင်ပေးရန်နှင့် ရေဝေရေလဲ ဧရိယာအား ယခင်အတိုင်း တိကျစွာ သတ်မှတ် တိုင်းတာပေးရန် ကိစ္စနှင့် ပတ်သက်၍ နောင်လုံအင်းမှာ ဆည်မြောင်းနှင့် ရေအသုံးချမှု စီမံခန့်ခွဲရေး ဦးစီးဌာန၏ စီမံခန့်ခွဲမှု အောက်တွင်မရှိသဖြင့် ရှမ်းပြည်နယ်အစိုးရ အဖွဲ့၏ ဦးဆောင် စီမံခန့်ခွဲမှုဖြင့် သက်ဆိုင်သည့် ဌာနဆိုင်ရာများ ပူးပေါင်းညှိနှိုင်း ဆောင် ရွက်ရမည့် လုပ်ငန်းဖြစ်ကြောင်းလည်း သိရသည်။
 
ဇော်မင်းထွန်း
The Ladies News

 

Vote: 
No votes yet

Add new comment