သစ်မဟုတ်သည့် သစ်တောထွက်ပစ္စည်းများ သယ်ယူခြင်းအတွက် မျှောစာနှင့် ထောက်ခံချက် ကင်းလွတ်ခွင့်ပြု

သစ်တောဦးစီး ဌာန၏ အမိန့်ကြော်ငြာစာအမှတ် (၉၃၁/၂၀၁၇) ဖြင့် သစ်တောနယ်မြေပြင်ပ (ပုဂ္ဂလိက ပိုင်မြေနှင့် ကိုယ်ပိုင် ဥယျာဉ်ခြံမြေများ) တွင် ပုဂ္ဂလိက လုပ်ငန်းရှင်များမှ ကိုယ်တိုင် စိုက်ပျိုးထုတ်လုပ်သည့် သနပ်ခါး၊ ဖာလာ၊ ၀ဥ စသည့် သစ်မဟုတ်သည့် သစ်တော ထွက် ပစ္စည်းများအား သစ်တောဦးစီးဌာန၌ မှတ်ပုံ တင်ခြင်းနှင့် ကူးသန်း ရောင်းဝယ်ရန် အလိုငှာ သယ်ယူ ပို့ဆောင်ခြင်းအတွက် မျှောစာနှင့် ထောက်ခံချက်ရယူခြင်းတို့အား ကင်းလွတ်ခွင့် ပြုကြောင်းလည်း သယံ ဇာတနှင့် သဘာဝပတ်ဝန်းကျင် ထိန်းသိမ်းရေး ၀န်ကြီးဌာန ပြည်ထောင်စု ၀န်ကြီး ဦးအုန်းဝင်းက နိုဝင်ဘာ ၆ ရက်တွင် ပြောကြားခဲ့သည်။
 
အမျိုးသားလွှတ်တော် အစည်းအဝေးတွင် မကွေးတိုင်းဒေသကြီး မဲဆန္ဒနယ် အမှတ် (၁၀)မှ ဒေါက်တာ ကျော်ငွေ၏ သနပ်ခါးပင်နှင့် သနပ်ခါးတုံးများကို အသေးစား သစ်တောထွက်ပစ္စည်း အဖြစ် သတ်မှတ်ထားပြီး ဒေသပေါက်ဈေး၏ ၂၅ ရာခိုင်နှုန်းကို သစ်တော အခွန်တော်အဖြစ် ပေးဆောင်စေရမည်ဆိုသော ညွှန်ကြားချက်ကို လက်ရှိအခြေအနေနှင့် လျော်ညီအောင် ပြုပြင်ပေးရန် အစီအစဉ် ရှိ/မရှိ မေးခွန်းအား ပြန်လည်ဖြေကြားရာတွင် ယင်းသို့ထည့်သွင်း ပြောဆိုခဲ့ခြင်းဖြစ်သည်။
 
သစ်တောခွန် ကောက်ခံခြင်းအပေါ် ကင်းလွတ်ခွင့်ပြုခြင်း ကို ဖွဲ့စည်းပုံ အခြေခံ ဥပဒေပုဒ်မ (၂၅၄)၊ ဇယား (က)၊ ၁၂(ခ)အရ သက်ဆိုင်ရာ တိုင်းဒေသကြီး / ပြည်နယ်အစိုးရများ၏ စီမံခန့်ခွဲမှုအတိုင်း ဆောင်ရွက်ရန် ထုတ်ပြန် ကြေညာပြီး ဖြစ်ကြောင်း သယံဇာတနှင့် သဘာဝပတ်ဝန်း ကျင်ထိန်းသိမ်းရေး ၀န်ကြီးဌာန ပြည်ထောင်စုဝန်ကြီး ဦးအုန်းဝင်းက ပြောကြားခဲ့သည်။
 
ဇော်မင်းထွန်း
The Ladies News

 

Vote: 
No votes yet

Add new comment