လာမည့်ပညာသင်နှစ်တွင် ရန်ကုန်တိုင်းဒေသကြီးအတွင်းရှိ ကျောင်းများ၌ ကျောင်းသား /ကျောင်းသူများအား (၁၀)နှစ်ပြည့် မှတ်ပုံတင်များ ဆောင်ရွက်ပေးမည်

လာမည့် ပညာသင်နှစ်တွင် ရန်ကုန်တိုင်းဒေသကြီးအတွင်းရှိ ကျောင်းများ၌ ကျောင်းသား /ကျောင်းသူများအား (၁၀)နှစ်ပြည့် မှတ်ပုံတင်များရရှိရေး ဦးစားပေးဆောင်ရွက် ပေးသွားမည်ဖြစ်ကြောင်း ရခိုင်တိုင်းရင်းသား လူမျိုးရေးရာဝန်ကြီး ဦးဇော်အေးမောင်က စက်တင်ဘာ ၅ ရက်တွင် ပြောကြားလိုက်သည်။

ရန်ကုန်တိုင်းဒေသကြီး လွှတ်တော် အစည်းအဝေးတွင် ကိုယ်စားလှယ် ဦးညီညီ၏ “ရန်ကုန်တိုင်းဒေသကြီး အတွင်း ဖွင့်လှစ် သင်ကြားနေသော အလယ်တန်းကျောင်း၊ အထက်တန်း ကျောင်းများမှ ကျောင်းသား /ကျောင်းသူများအား (၁၀)နှစ်ပြည့် မှတ်ပုံတင်များ ပြုလုပ်ရန် အစီစဉ်ရှိမရှိ မေးမြန်းမှုအား ၀န်ကြီး ဦးဇော်အေးမောင်က ပြန်လည်ဖြေကြားပေးခဲ့ခြင်း ဖြစ်သည်။

ကျောင်းသား /ကျောင်းသူများအား (၁၀)နှစ်ပြည့် မှတ်ပုံတင်များပြုလုပ်ရန် နှင့်ပတ်သက်၍ သက်ဆိုင်ရာ တိုင်းလူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန တိုင်းဦးစီးမှုးနှင့် မြို့နယ် ဦးနယ်ဦးစီးမှုများနှင့် ညှိနှိုင်းပြီး လာမည့် ပညာသင်နှစ်တွင် ကျောင်းများ၌ တက်နိုင်သလောက် ဦးစားပေးပြီး မှတ်ပုံတင်ရရှိရေး ဆောင်ရွက်သွားမည် ဖြစ်ကြောင်း ဦးဇော်အေးမောင်က ပြောကြားခဲ့သည်။

ထို့အတူ ရန်ကုန်တိုင်းဒေသကြီး တွင်ရှိသည့် မိဘများ အုပ်ထိန်းသူများ ၈၂ ခုနှစ် နိုင်ငံသားဥပဒေ ပုဒ်မ ၉ အရ သာသမီး အသက်ဆယ်နှစ်ပြည့်သည်နှင့် သက်ဆိုင်ရာမြို့နယ် လူဝင်မှုကြီးကြပ်ရေး ဦးစီးဌာနမှာ သွားရောက် မှတ်ပုံတင်ရန်လည်း ၀န်ကြီး ဦးဇော်အေးမောင်က ပြောသည်။

“ဆယ်နှစ်ပြည့်လို့မှ သွားပြီးတော့ မှတ်ပုံမတင်ရင် တစ်နှစ်ကို ဒဏ်ငွေငါးဆယ် ပါးပါးလေးပါ။ နောက်တစ်ခုက ငါးနှစ်ဆက်တိုက် ပျက်ကွက်ရင် မိဘ(သို့မဟုတ်) အုပ်ထိန်းသူက ဒဏ်ငွေတစ်ထောင် ပါးပါးလေးပါ။ ကိုယ့်သားသမီး မှတ်ပုံမတင်ရသေးရင် မြို့နယ် ဦးစီးမှူးရုံးမှာ သွားရောက်ပြီး မှတ်ပုံတင်ရမှာဖြစ်ပါတယ်။ မှတ်ပုံတင်ထုတ်ပေးဖို့ အတွက် လိုအပ်တဲ့ စာရွက်စာတမ်းကိုယ့်ဘက်က ပြည့်ပြည့်စုံစုံလုပ်ပါ။ စာရွက်စာတမ်း ပြည့်ပြည့်စုံစုံတင်ပြလို့မှ မှတ်ပုံတင် ထုတ်မပေးရင် ကျွန်တော် ကိုယ်တိုင် အရေးယူပေးမယ် ဒါသည်မတရားမှု” ဟု ဦးဇော်အေးမောင်က ဆက်လက် ပြောကြားခဲ့သည်။

ဇော်မင်းထွန်း
The Ladies News

Vote: 
No votes yet

Add new comment