အိမ်အကူကလေးငယ်များ အလုပ်ရှင်အိမ်ရှင်များ၏ ညှဉ်းပန်းနှိပ်စက်မှု များမှ ကင်းဝေးစေရန် လေ့လာ စောင့်ကြည့်ရေးအဖွဲ့ ဖွဲ့စည်းရန် ရပ်ကျေးအုပ်ချုပ်ရေးမှူးများကို တာဝန်ပေးထားပြီးဖြစ်

ကလေးသူငယ်များနှင့် မိန်းကလေးများအနေဖြင့် အလုပ်ရှင် အိမ်ရှင်များ၏ ညှဉ်းပန်းနှိပ်စက်မှုများမှ ကင်းဝေးစေရန် ရပ်ကွက်ကျေးရွာ အလိုက် လေ့လာစောင့်ကြည့်ရေး အဖွဲ့၊ ကြီးကြပ်ရေးအဖွဲ့များ ဖွဲ့စည်းရန် ရပ်ကျေးအုပ်ချုပ်ရေးမှူးများကို တာဝန်ပေးထားပြီး ဖြစ်ကြောင်း ရန်ကုန်တိုင်းဒေသကြီး ရခိုင်တိုင်းရင်းသား လူမျိုးရေးရာ ၀န်ကြီး ဦးဇော်အေးမောင်က စက်တင်ဘာ ၅ ရက်တွင် ပြောကြားခဲ့သည်။
 
ရန်ကုန်တိုင်းဒေသကြီး လွှတ်တော် အစည်းအဝေးတွင် ကိုယ်စားလှယ် ဦးရန်ရှင်း၏ “မိသားစု အဆင်မပြေခြင်း၊ ကျွေးမွေးစောင့်ရှောက်မည့်သူ မရှိခြင်းတို့ကြောင့် လုပ်ငန်းခွင်နှင့် နေအိမ်များတွင် အိမ်ဖော်အဖြစ် လည်းကောင်း၊ အလုပ်သမားများအဖြစ် လည်းကောင်း အသက်မွေး ၀မ်းကျောင်း လုပ်ကိုင်နေကြရသည့် ကလေးသူငယ်များနှင့် မိန်းကလေး များ အနေဖြင့် အလုပ်ရှင်အိမ်ရှင်များ၏ ညှဉ်းပန်းနှိပ်စက်မှုမှ ကင်းဝေးစေ ရန် ရန်ကုန်တိုင်းဒေသကြီး အစိုးရအဖွဲ့အနေဖြင့် ရပ်ကွက်ကျေးရွာ အလိုက် လေ့လာစောင့်ကြည့်ရေးအဖွဲ့၊ ကြီးကြပ်ရေးအဖွဲ့များဖွဲ့စည်းပြီး အလုပ်ရှင်၊ အိမ်ရှင်များ လိုက်နာရမည့် စည်းကမ်းချက်များ ချမှတ်ဆောင် ရွက်ပေးသွားရန်နှင့် အချိန်ကာလအလိုက် ပုံမှန်ကျန်းမာရေး စစ်ဆေးရန် အစီအစဉ်များ ချမှတ်ဆောင်ရွက်သွားရန် အစီစဉ်ရှိမရှိ”မေးမြန်းမှုကို ၀န်ကြီးက ပြန်လည်ဖြေကြားပေးခဲ့ခြင်း ဖြစ်သည်။
 
“ရပ်ကျေးအုပ်ချုပ်ရေးမှူးများကို အချိန်နဲ့တစ်ပြေးညီ သတင်းပေးဖို့ အတွက် အထွေထွေအုပ်ချုပ်ရေး ဦးစီးဌာနက အကြောင်းကြားရမှာ ဖြစ်ပါတယ်။ မေးခွန်းလည်း ဖြေကြားရင်းနဲ့ အထွေထွေ အုပ်ချုပ်ရေး ဦးစီးဌာနကိုလည်း မက်ဆေ့ ပေးပါတယ်။ ရန်ကုန်တိုင်းဒေသကြီး မြို့နယ်တွေမှာရှိသော ရပ်ကွက် ကျေးရွာအလိုက် အုပ်ချုပ်ရေးမှူးများကို အချိန်နဲ့ တစ်ပြေးညီ လေ့လာစောင့်ကြည့်ပြီးတော့ အချိန်နဲ့တစ်ပြေးညီ ဖြစ်စဉ်ဖြစ်ရင် ကျွန်တော်တို့ကို သတင်းပေးဖို့ ဒီနေရာကနေ မက်ဆေ့ပေး ပါတယ်”ဟု ဦးဇော်အေးမောင်ကပြောသည်။
 
ပုံမှန်ကျန်းမာရေး စစ်ဆေးရန်နှင့် ပတ်သက်၍လည်း ကျန်းမာရေးဝန်ကြီး ဌာနသို့ မေးခွန်းဖြေကြားရင်း မက်ဆေ့ပေးကြောင်း၊ ယင်းတာဝန်များ သည် ကျန်းမာရေးဝန်ကြီးဌာန အောက်တွင်ရှိသော ကျန်းမာရေး မြို့နယ်ရုံးများက အချိန်နှင့်တစ်ပြေးညီ ကျန်းမာရေးများ စစ်ဆေးဆောင် ရွက်ပေးသွားလျှင် အားလုံး အဆင်ပြေသွားမည်ဟု ဦးဇော်အေးမောင်က ပြောသည်။
 
ရန်ကုန်တိုင်းဒေသကြီး အစိုးရအဖွဲ့အနေဖြင့် ရောက်ရှိလာသည့် သတင်း များကို အချိန်နှင့်တစ်ပြေးညီ သက်ဆိုင်ရာ ဦးစီးဌာနများနှင့် ညှိနှိုင်း၍ အကောင်းဆုံး ဆောင်ရွက်ပေးနေသည်ဟုလည်း ဦးဇော်အေးမောင်က ဆက်လက် ပြောကြားခဲ့သည်။
 
ဇော်မင်းထွန်း
The Ladies News
 

 

Vote: 
No votes yet

Add new comment