ဒေသခံ ကြံစိုက်တောင်သူများ အဆင်ပြေစေနိုင်ရန်အတွက် တစ်ရက်ကို တန်(၃၀၀) ကျ သကြားစက်ရုံငယ် လည်ပတ်ထုတ်လုပ် သွားမည်

စက်မှုဝန်ကြီးဌာနပိုင် ဘီးလင်းသကြားစက်ရုံကို ငှားရမ်းဆောင်ရွက်လျက် ရှိသည့် Super One Dragon Co., Ltd. အနေဖြင့် ပထမအဆင့်ကို ၂၀၁၇-၁၈ ခုနှစ်တွင် ဒေသခံ ကြံစိုက်တောင်သူများ အဆင်ပြေစေနိုင်ရန် အတွက် တစ်ရက်ကို တန်(၃၀၀) ကျ သကြားစက်ရုံငယ် လည်ပတ်ထုတ် လုပ် သွားမည်ဖြစ်ကြောင်း စက်မှုဝန်ကြီး ဦးခင်မောင်ချိုက သြဂုတ် ၂၈ ရက်တွင် ပြောသည်။
 
ပြည်သူ့လွှတ်တော် အစည်းအဝေးတွင် ဘီးလင်း မဲဆန္ဒနယ်မှ ဦးတင်ကိုကိုဦး က ကုမ္ပဏီသို့ ငှားရမ်းထားသော ဘီးလင်းသကြားစက်ကို လည်ပတ်ရန် မည်ကဲ့သို့ စီမံဆောင်ရွက် နေသည်နှင့် ကြံစိုက်တောင်သူ များ၏ ကြံများကို မည်ကဲ့သို့ ဝယ်ယူပြီး အာမခံချက်မည်မျှ ပေးနိုင်မည် နည်းနှင့် စပ်လျဉ်း၍ မေးမြန်းမှုအား ၀န်ကြီးက ပြန်လည်ဖြေကြား ပေးခဲ့ခြင်း ဖြစ်သည်။
 
လုံလောက်သည့် ကြံစိုက်ဧက တိုးမြှင့်ရရှိရေး စီမံဆောင်ရွက်နေခြင်းဖြင့် တစ်ရက်လျှင် တန်(၁၅၀၀) ကျ သကြားစက်ကို စက်စွမ်းအားပြည့် လည်ပတ်ထုတ်လုပ်နိုင်ရန် စက်ပစ္စည်းများကို ပြည်တွင်းပြည်ပ ကျွမ်းကျင်ပညာရှင်များနှင့် ပြင်ဆင်မွမ်းမံရန် ဆွေးနွေးညှိနှိုင်း ဆောင်ရွက် လျက် ရှိကြောင်းလည်း ၀န်ကြီးဦးခင်မောင်ချိုက ပြောသည်။
 
Super One Dragon Co.,Ltd. အနေနှင့် ဘီးလင်းသကြားစက်ရုံ လည်ပတ် ထုတ်လုပ်နိုင်ရန်နှင့် ဒေသခံ ကြံတောင်သူများ အဆင်ပြေနိုင် ရန်အတွက် လက်ရှိ ကြံစိုက်ပျိုး ထုတ်လုပ်ရရှိနိုင်မှုအပေါ် မူတည်ပြီး တစ်ရက်လျှင် တန်(၃၀၀) ကြိတ်ဝါး ထုတ်လုပ်နိုင်သည့် သကြားစက်ငယ် တည်ဆောက်ရေးအား ပထမအဆင့်အဖြစ် ဆောင်ရွက်လျက်ရှိပြီး Suger Mill Section အတွက် စက်(၁၆) မျိုး၊ Juice Section အတွက် စက်(၁၁) မျိုးတို့ကို တရုတ်နိုင်ငံနှင့် အိန္ဒိယနိုင်ငံများက ဝယ်ယူတင်သွင်းရန် စာချုပ်ချုပ်ဆို ဆောင်ရွက်လျက်ရှိသည်။
 
Time Schedule အရ ၂၀၁၇ ခုနှစ်၊ အောက်တိုဘာ လလယ်တွင် စက် စတင်တပ်ဆင်မည်ဖြစ်၍ ဒီဇင်ဘာလ ဒုတိယပတ်တွင် စက်တပ်ဆင်ပြီး စီးပြီး တတိယပတ်တွင် စက်စမ်းသပ် လည်ပတ်မည်ဖြစ်သည်။၂၀၁၇-၁၈ ခုနှစ် ကြံရာသီတွင် တစ်ရက်လျှင် တန်(၃၀၀) ကျ သကြားစက်ငယ်ကို စမ်းသပ်လည်ပတ် ထုတ်လုပ်သွားမည် ဖြစ်ပါကြောင်း၊ ကြံရာသီ စက်လည်ပတ်ချိန်တွင် ဝန်ထမ်း(၅၀) ဦးခန့် ထပ်မံခန့်ထားမည် ဖြစ်ကြောင်း စက်မှုဝန်ကြီး ဦးခင်မောင်ချိုက ဆက်လက်ပြောကြားခဲ့သည်။
 
ဇော်မင်းထွန်း
The Ladies News
 

 

Vote: 
No votes yet

Add new comment