အစိုးရ၏ Online ဝန်ဆောင်မှုများ ဒေသအနှံ့ အချိန်နှင့် တစ်ပြေးညီ ရယူအသုံးပြုနိုင်ရေး ဆောင်ရွက်လျက်ရှိ

အစိုရ၏ Online ၀န်ဆောင်မှုများကို အချိန်နှင့် တစ်ပြေးညီ ရယူ အသုံးပြုနိုင်ရန်အတွက် နေပြည်တော်ရှိ e-Government Wide Area Network ဖိုင်ဘာကွန်ရက်ကို တိုးချဲ့အဆင့်မြှင့်တင်ပြီး Government Service Network တည်ဆောက် သွားနိုင်ရေးအတွက်လည်း ဆောင်ရွက်လျက်ရှိကြောင်း ပို့ဆောင်ရေးနှင့် ဆက်သွယ်ရေး ဒု-ဝန်ကြီး ဦးကျော်မျိုးက ဇူလိုင် ၁၀ ရက်တွင်ပြောသည်။
 
ပြည်သူ့လွှတ်တော် အစည်းအဝေးတွင် မင်းကင်း မဲဆန္ဒနယ်မှ ဦးမောင်မြင့် က National Database Center နှင့် ဒေသအနှံ့ ဆက်သွယ်နိုင် သည့် Network Line များ ဖြန့်ကြက် တည်ဆောက်ရန် အစီအစဉ် ရှိ၊ မရှိ မေးမြန်းခဲ့မှုကို ပြန်လည်ဖြေကြားရာတွင် ထည့်သွင်း ပြောကြားခဲ့ခြင်း ဖြစ်သည်။
 
ထို့အတူ National Data Center သို့ ချိတ်ဆက်ပြီး သတင်းအချက် အလက်များ အချိန်နှင့် တစ်ပြေးညီ ရယူအသုံးပြုနိုင်ရန် အတွက် လိုအပ်သည့် ဆက်သွယ်ရေး အခြေခံ အဆောက်အအုံများ ဖြစ်သည့် ဖိုင်ဘာ ဆက်ကြောင်းများနှင့် Microwave ဆက်ကြောင်းများကို နိုင်ငံတဝှမ်း တည်ဆောက်ထားရှိပြီး ဝေးလံခေါင်ဖျား ဒေသများအတွက် Intelsat ကုမ္ပဏီနှင့် ပူးပေါင်းငှားရမ်းထားသည့် Myanamr Condo SAT 1 ဂြိုလ်တုစနစ်နှင့် ချိတ်ဆက် အသုံးပြုသွားနိုင်ရေး စီစဉ်ဆောင်ရွက် သွားမည်ဖြစ်ကြောင်းလည်း ဒုဝန်ကြီး ဦးကျော်မျိုးက ပြောကြားခဲ့သည်။
 
ဇော်မင်းထွန်း
The Ladies News
 

 

Vote: 
No votes yet

Add new comment