၂ဝ၁၆ ခုနှစ် ဆေးပညာနိုဘယ်ဆု ဂျပန်လူမျိုးသိပံ္ပပညာရှင် ဆွတ်ခူး

၂ဝ၁၆ ခုနှစ် ဆေးပညာနိုဘယ်ဆုကို ဂျပန်လူမျိုးသိပံ္ပပညာရှင် ယိုရှိနိုရိအိုဆုမီ ဆွတ်ခူးရရှိကြောင်း ဒေသဆိုင်ရာ သတင်းဌာနများက အောက်တိုဘာ ၃ ရက်တွင် သတင်းထုတ်ပြန်သည်။

ဇီဝပညာရှင်တစ်ဦးဖြစ်သူ အိုဆုမီသည် ခန္ဓာကိုယ်အတွင်း ကလာပ် စည်းများ မည်သို့မည်ပုံပျက်စီးသွားပြီး မည်ကဲ့သို့ အသစ်ပြန်လည်မွေးဖွား လာပုံနှင့်ပတ်သက်၍ လေ့လာတွေ့ရှိခဲ့သူဖြစ်သည်။

မစ္စတာအိုဆုမီသည်Autophagyဟုခေါ်သည့် ချွတ်ယွင်းမှုရှိသော ပရိုတိန်း သို့မဟုတ် မလိုအပ်သော ပရိုတိန်းများကို အသုံးပြု၍ စွမ်းအင် ထုတ်လုပ်နိုင်အောင် ခန္ဓာကိုယ်တွင်းရှိ ဆဲလ်များလုပ်ဆောင်ပုံနည်းလမ်း များနှင့်ပတ်သက်၍ ရှာဖွေတွေ့ရှိခဲ့သူဖြစ်သည်။

မစ္စတာအိုဆုမီသည် တိုကျိုနည်းပညာတက္ကသိုလ်၌ ပါမောက္ခတစ်ဦး အဖြစ် တာဝန်ထမ်းဆောင်နေသူဖြစ်သည်။

မိမိပြုလုပ်နေသော သုတေသနလုပ်ငန်းအတွက် ဆုရရှိရန် မျှော်မှန်း ခဲ့ခြင်းမရှိကြောင်း၊ နိုဘယ်ဆုကိုလည်း မျှော်မှန်းခဲ့ခြင်းမရှိဘဲ ဆေးပညာဖွံ့ဖြိုး တိုးတက်ရေးအတွက် ရည်ရွယ်ပြီး သုတေသနပြုလုပ်ခဲ့ခြင်းသာဖြစ်ကြောင်း ပါမောက္ခအိုဆုမီက သတင်းစာရှင်းလင်းပွဲတွင် ပြောကြားသည်။

ပါမောက္ခအိုဆုမီသည် ၁၉၉ဝ ပြည့်လွန်နှစ်များမှစ၍ Autophagy လုပ်ငန်းစဉ်နှင့်ပတ်သက်၍ စမ်းသပ်မှုများ ပြုလုပ်လာခဲ့သည်။ လူငယ်သိပံ္ပပညာရှင်များသည် မိမိ၏သုတေသနလုပ်ငန်းတွင် ပူးပေါင်း ဆောင်ရွက်လာမည်ဟု မျှော်လင့်ကြောင်း ပါမောက္ခအိုဆုမီက ပြောကြားသည်။

ကျိုဒို

MOI

The Ladies News

 

Vote: 
No votes yet

Add new comment