ရခိုင်ပြည်နယ်ဆိုင်ရာ အကြံပေး ကော်မရှင်ကို ပြည်တွင်း တတ်သိပညာရှင်များဖြင့် ဆောင်ရွက်သင့်ကြောင်း အဆို တင်သွင်း

ရခိုင်ပြည်နယ်ဆိုင်ရာ အကြံပေးကော်မရှင်တွင် နိုင်ငံခြားသားသုံးဦး ဦးဆောင်ပါဝင်နေခြင်းသည် ပြည်တွင်းပြဿနာကို နိုင်ငံတကာပြဿနာအဖြစ် ဖန်တီးရာရောက်နေသဖြင့် ပြည်တွင်းမှ တက်သိပညာရှင်များနှင့် သာ ဆောင်ရွက်သင့်ကြောင်း ရေးကြီးအဆိုကို သြဂုတ် ၃၀ ရက်က ပြည်သူ့လွှတ်တော်တွင် တင်သွင်း ခဲ့ရာ ကန့်ကွက်သူမရှိဘဲ ဆွေးနွေးရန် အတည်ပြုခဲ့သည်။

အရေးကြီးအဆိုကို ရခိုင်အမျိုးသားပါတီ ပေါက်တောမဲဆန္ဒနယ် မှ ကိုယ်စားလှယ် ဦးအောင်ကျော်ဇံ က တင်သွင်းခဲ့ခြင်းဖြစ် ပြီး ယင်းအဆိုကိုဆွေးနွေးမည့် ကိုယ်စားလှယ်များအနေဖြင့် စက်တင် ၁ ရက်နေ့ နောက်ဆုံးထားပြီး အမည်စာရင်း ပေးသွင်းရန် ကြေညာထားသည်။

“လွှတ်တော်ကသဘောတူတယ်။ ကန့်ကွက်ရန်မရှိဘူး။ ၁ ရက်နေ့နောက်ဆုံးထားပြီး ဆွေးနွေးမယ့် ကိုယ်စားလှယ် စာရင်းတောင်ထားတယ် ။ ကိုယ်စားလှယ်တွေ ဆွေးနွေးကြမယ် ဆွေးနွေးမှုအပြီးမှာ ပြည်ထောင်စုဝန်ကြီးရဲ့ သဘောထားတောင်းမယ်။ မဲခွဲဆုံးဖြတ်ရင်ဆုံးဖြတ်မှာပေါ့။ ဆွေးနွေးတဲ့အခါမှာတော့ NLD နဲ့ နည်းနည်း အခြေအတင်ဆွေးနွေးရမယ့် သဘောရှိတာပေါ့။ NLD က လက်မခံဘူးဆိုရင် ဒီအဆိုက မနိုင်နိုင်ဘူးလေ။ ဒါပေမယ့် ကျွန်တော်တို့ကလည်း အစကတည်းက နိုင်မယ်ထင်လို့တင်တာတော့ မဟုတ်ဘူး။ ကျွန်တော်တို့ရဲ့အဆို ကျွန်တော်တို့ရဲ့ဆန္ဒကို ဖော်ပြတာပဲဖြစ်တယ်” ဟု ရခိုင်အမျိုးသားပါတီ မှ ပြည်သူ့လွှတ်တော် ကိုယ်စားလှယ် ဦးဖေသန်းက အရေးကြီးအဆိုနှင့် ပတ်သက်၍ The Ladies သို့ ပြောသည်။

နိုင်ငံ အရေးကို နိုင်ငံခြားသားများအား စိစစ် အကြံပေးရန် ခွင့်ပြုလိုက်ခြင်းသည် နိုင်ငံ၏ ပြည်တွင်းရေးကို ၀င်ရောက် စွက်ဖက်ရန် တံခါးဖွင့်ပေးသကဲ့သို့ဖြစ်နေကြောင်း ၊ ၎င်းတို့၏ အကြံပေးချက်များကို လက်ခံချင်မှ လက်ခံမည်ဟု ဆိုသော်လည်း ယင်းပုဂ္ဂိုလ်သည် ကမ္ဘာ့ နိုင်ငံရေးတွင် အထင်ကရ ပုဂ္ဂိုလ်ဖြစ်ခြင်း ကြောင်း ၎င်း၏ အကြံပေးချက်များကို လက်မခံလျှင် သက်ရောက်မှုများ ရှိလာနိုင်သည်ဟုလည်း ၎င်းကဆိုသည်။

“သူတို့ရဲ့အကြံပေးချက်ကြောင့် နောက်ထပ် ပြဿနာတစ်ခု ဖြစ်လာမယ်။ ပြည်တွင်းရေးဟာ နိုင်ငံတကာ အရေးဖြစ်လာမယ်။ အဲ့ဒါကို ကျွန်တော်တို့စိုးရိမ်တယ်။ ကော်မရှင်ကို ဖျက်သိမ်းဖို့ကျွန်တော်တို့ ကန့်ကွက်တာ မဟုတ်ပါဘူး။ လူစားထိုးပြီး ကိုယ့်တိုင်းပြည်က တက်သိပညာရှင်တွေနဲ့ အစားထိုးဖွဲ့စည်းဖို့ အကြံပေးတာပါ” ဟု ဦးဖေသန်းက ဆက်လက်ပြောကြားခဲ့သည်။

ဇော်မင်းထွန်း

The Ladies News

 

Vote: 
No votes yet

Add new comment