ကျောက်မျက်လုပ်ငန်း အသင်းချုပ် ရန်ပုံငွေ ဒေါ်လာသန်းချီ ကွာဟမှု စိစစ်ပေးရန် ကျောက်မျက်လုပ်ငန်းရှင်းများက တင်ပြထား

မြန်မာနိုင်ငံ ကျောက်မျက်ရတနာ လုပ်ငန်းရှင်များအသင်းချုပ်၏ အသင်းချုပ်ပိုင်ရန်ပုံငွေ USD 87 Million တွင် USD 7 Million သာ ကျန်ရှိပြီး သုံးစွဲငွေများကို ခေါင်းစဉ်အမျိုးမျိုးပြ၍ သုံးစွဲမှုများရှိခဲ့သဖြင့် စိစစ်ဖော်ထုတ် အရေးယူပေးရန် ကျောက်မျက်လုပ်ငန်းရှင်များက စုပေါင်းလက်မှတ်ရေးထိုး တင်ပြထားကြောင်း သိရသည်။ မြန်မာနိုင်ငံ ကျောက်မျက်ရတနာ လုပ်ငန်းရှင်များ၏ ၁ ရာခိုင်နှုန်း ကောက်ခံရရှိထားသည့် ငွေများမှ သင်းဖွဲ့စည်းမျဉ်းများနှင့် ဆန့်ကျင်ကာ ပွင့်လင်းမြင်သာမှု လုံးဝမရှိသဖြင့် စိစစ်ဖော်ထုတ် အရေးယူပေးရန်အတွက် တိုင်ကြားခြင်းဖြစ်ကြောင်း၊ အဆိုပါ USD 87 Million သည် မြန်မာနိုင်ငံ ကျောက်မျက်ရတနာ လုပ်ငန်းရှင်များအသင်းချုပ် စတင် တည်ထောင်သည့် ၂၀၀၉/၂၀၁၀ ခုနှစ်မှ ၂၀၁၆ ခုနှစ်အထိ 1% tax ကောက်ခံရရှိထားသော အသင်းချုပ်ပိုင် ရန်ပုံငွေများဖြစ်ကြောင်း သိရသည်။ “အဲ့ဒါဟုတ်တယ်၊ အဲ့ဒီအသင်းက လူကြီးတွေက တချို့နိုင်ငံခြားပြပွဲတွေဆို တခြားအသင်းသားတွေ သိတောင် မသိလိုက်ရဘူး။ သူတို့မိသားစုတွေပဲ သွားကြတာ အခွင့်အရေးယူကြတာ၊ ဥပမာ ဆိုင်ခန်းနေရာတွေ ချပေးရင် သူတို့အတွက်က vip နေရာ တခြားလူတွေကို မဲနှိုက်ခိုင်းတယ်။ မဲထဲမှာ နေရာကောင်း မထည့်ထားဘူး။ အဲ့ဒီလိုတွေ” ဟု အမည်မဖော်လိုသူ ကျောက်မျက်လုပ်ငန်းရှင် တစ်ဦးက The Ladies သို့ အတည်ပြုပြောကြားသည်။ တိုင်းရင်းသား ကျောက်မျက်လုပ်ငန်းရှင်များ၏ အကျိုးကို ကြည့်ရှု၍ အမှန်တရား ပေါ်ပေါက်စေရန် ပွင့်လင်းမြင်သာမှု ရှိစွာဖြင့် စိစစ်ဖော်ထုတ် အရေးယူပေးရန် မြန်မာနိုင်ငံ ကျောက်မျက်ရတနာ လုပ်ငန်းရှင်များ အားလုံးကိုယ်စား စုပေါင်းလက်မှတ်ရေးထိုး၍ တင်ပြခြင်းဖြစ်ကြောင်း သိရသည်။ အဆိုပါသတင်းကို မေလ ၁၇ ရက်တွင် ထုတ်ဝေသည့် Tomorrow သတင်းဂျာနယ်တွင်လည်း ကျောက်မျက်အသင်းပိုင် ဒေါ်လာ ၈၇ သန်းတွင် ၇သန်းသာ ကျန်ရှိကြောင်းတွေ့ရ၊ ဒေါ်လာသန်းချီသော ငွေကြေးသုံးစွဲမှုအပေါ် သဘောထားကွဲလွဲမှုများ ဖြစ်ပေါ် ဟု သတင်းဖော်ပြထားသည်ကိုလည်း တွေ့ရှိရသည်။ The Ladies News 

 

Vote: 
No votes yet

Add new comment